Aik dopmakce talak, aik nong dopnin balamica ani, aning-aning nirya dukdongobuka dobikirye, sirya daklamak atonun, Kristus ap, ansinibuka unyaba deice arye, Allah arye talima dukdongobuka, tonok aik nong atonun unyabe. Nunda, Allah el pung diksukum aik atonun unyabe. Elce, ‘Anyaik pum tam ara, na unamne’ tenen, nun kanye talima noutamak pil dosulule.
Keluaran 36:29 - Eipomek29 Anyaik kup-kup ak pina ati, yo rangka bitinye kintinip deibikce, anya rangka yo bitinye boyanuka, utam arye, deice tam nirya kum dukdongobuka deibik. Ara, rangka bitinye kintinibik bukni, ikik yo tuku tam ara, yuk-yuk ikdeibik. Bukni, ikik yo mouse tam ara, neikak ansinibuka kintinip dongobik. Winibikura, anya rangka yo mouse tam ara, tonok ning el si cincin, kisok bukuka bisik botolilamikce, memebuka deibik. Ayo bitinye, mouse tam ansinibuka kitibikce dukdongobik. Winibikce, rangka yo ara, anyaik kup-kup tam deibik. Rangka yo ara, anyaik keting kumulban tam bukni, ton rangka yo ara, eitam ton, rangka yo ara, outam deibik. အခန်းကိုကြည့်ပါ။ |
Keluaran 36:29
16 ပူးပေါင်းရင်းမြစ်များ
Kristus deice arye, Allah ap, neika unyaba ati ara, minop talak anggun Yahudi yala kum ninye ara, yuk mutuku ninye asik nang atonun, pia bai tam ninye atonun ulamlum bukni, wini talak ara, kume. Wini talak ara, anggunda Allah arye, ‘Anang ara, na mapu koprop’ tenen, talisulul ninye nirya ara, ansinibuka, tonok mutuku nang atonun kipdeipsukba, neiktoto unyabe. Anggunda, dipkoprop Allah el yala nang, el mapu koprop ululume.
Nun ap, anggun ap, ‘Nun lik,’ tenelalamuburye, kanye talima wilipdanuka pia yuk-yuk ulamubu. Bukni, Allah arye, “Aning wininamlulume, aning ara, kum wininamlulume,” nyapdeibukba, Musa arye, sekeipsuk yupu ara, mem yupu uamuk ning ara, Yesus dibuka deice arye, akunum sirya dakukce, kum kipdeibuk. Amem yupu weik aubukba, nun Yahudi ninye arye, ayupu talibuka ulamubu bukni, Kristus el nong arepsukce, lyepsuka deice arye, amem yupu nirya kum kipdeipsuke. Winipsuka deiyok ara ani. Ara, ‘Yahudi yala nang ap, Yahudi yala kum nang ap, yuk-yuk unyak bukni, na nong deice arye, aninye nirya kanye talima dukdongopniba, nong tonok atonun kibuka ukirye, winiryuk nang atonun unamake’ tenen, winipsuke. Yesus el nong arepsuk deice arye, akunuma, nun Yahudi yala nang ap, anggun Yunani yala nang ap, el Yesus ap, kanye talima dukdongobuka namin arye, teleb kipdeipsukba, wini talak ansinibuka nun neika unyabe. Wini talak ara, ‘Like,’ kum tenelanyabe. Mangkau kanye bobuka neika dukdongopdanuka unyabe.
Nun nirya ara, Yahudi yala nang babye, Yahudi yala kum nang babye, yo bok deice dekenyak ninye babye, nun kanye aryuk talye pil dobuka unyap nang babye, nun nirya ati ara, Allah El Dib Kanye tonokuk arepsukbuk, nun talima ak weksuke. Tonda, Allah El Dib Kanye tonok, nun talima ak usulula deice arye, nong tonok kipdeipsukce dukdongopsuke.
Ara, Yesus dib teneluluma ati, nun du weit atonun ululum nango, anggun sal babye, kilapu babye kekepnululume. Nun Weik Deiyoknye Yesus Kristus arye, nati deiyok arepnukbuk, el si deice arye, ‘Wininamlum’ tenen, morona atonun ayupu nyapnusine. Anggun nirya, anggun kanye tenena ara, tonok ninguk talibuka, kanye deibuka neika unamlulume. ‘Wininalum’ tenen, nyapdeipnamasin yupu ara, deiyok ani. Ara, anggun yuk-yuk ululum bukni, anggun tenelulum ning ap, anggunce, ‘Wininamap’ tenen, pil donamlum ning ap, ansinibuka utibirye, tonok ninguk talibuka ulamtumopura, ‘Kanye wililana kum aryuk, teleb kibuka neika unamlume’ tenen, nyapmasine. Ati “Tonok kanye bobuka telebuk unamlulume,” nyapsine.
Amutuku dib tenebik nang ara, sik kanye talima imun ulamuk ning ap, sik kanye tenelamik ning ap, neika ansinibuka, sik talima dukdongobuka ulamik. Tonoknye babye ton, el talyamne ning ati, ‘Ara pia na dokola,’ kum tenelamik. Aning pia kum tenelamik bukni, sik talyamik ning nirya melibuka talye arildalamik.
Winilamik akarye, asum-asum nirya, Yahudi yala nang, sik malye winilamik ning dekna ati, Allah arilbalamik aik dam bulubuka wekelbalamik. Tonda, sik anyaik-anyaik nirya bulubuka weklamik akarye, din ning bokuka, kanye deilildalamik akarye, din neikauk dilamik. Tonda kanye kum wililamikce, talye neik kanyeuk bobuka ansinibuka ulamik.
Raja Daud birye, Mazmur yupu deice, mot sekuk. Israel yala nang ara, ‘Allah el si erenamap’ tenen, Yerusalem weik asik domik mutuku welebalamik talak ara, Mazmur yupu mot deice arye nyalamik. Daud birye sekeibuk yupu ara, ani. Yata nang do nirya, olana ap, walana ap kumce, neika unyak talak nirya ara, kanye deibuka, telebuk winilamting toura, pia telebe.
Anyaik el kup-kup dana-dana tam bitinye upmalyak ara, tikilin ayukumna yo ara, bitinye deipmamunya ani, deiyok tam, utam babye, itam ara, tonok ansinibuka deipdongomunce, tatce ketepnamlume. Ara, yin tapu barina ning, el si bokoba atonun ning arye, itam babye, utam babye, kintineipmamunyakuk, deipnamlume. Winipmunyopura, ‘Aning sirya dukulongona ati upmake,’ tenenamlume.
Ati ara, ayo arye dobik rangka ara, pinbarye (8) nukuka kintinibik. Tonda, ayo amu tam ara, ‘Tuku bol piplyakʼ tenen, yangalina ati ara, teleb namin ning, perak dobuka, ayukumna yo yangalina 16 nukuka kintinip deibik. Tonok rangka amu tam ara, perak arye kintinip deibuka yangalin ning ati ara, bitinye-bitinye kibuka yangapdeibik. Ton ning ara kwanim tam, ton ning ara, sirik tam kibuka yangapdeibik.
ကြော်ငြာတွေ