Keluaran 32:26 - Eipomek

²⁶ Aning nirya kekebuka bikuka anya arye, Musa sik doltakna aik bublan dam tikukabukce, nyabuk. “Yata nang do, ‘Allah el si Yahweh, el diamuk talinamsile. El yupu kekebuka, el siuk erenamabe,’ tenebice nang nirya ara, na dam yanululume,” nyabuk. Nyabukura, Lewi yala nang nirya, Musa el dam yayik.

Keluaran 32:26 ပူးပေါင်းရင်းမြစ်များ

2 Samuel 20:11

Yoab tam yin talinnye tonok arye, Amasa dipmokba deipmikak tekmukce, yupu weik arye nyamuk. Ara, “Yata nang do nirya ara, Yoab tam ton kiyapna, Raja Daud, el tam ton kiyapna nyabuka, winyak do? Pia teleb ning ara, Yoab tamuk kipnamyake,” nyamuk.

2 Raja-Raja 9:32

Izebel birye nyabukba, Yehu bira, el kisok erebuka, anyaik jendela eitam dipdeyukce, Izebel eibukce nyabuk. “Amutuku noutam ara, yatanye birye na tam kiplirye, melipnunil do?” nyabuk. Nyabukura, anyaik wekmek nang, bitinyeto, winilyeto, aik pum unmek nang arye, ajendela bisik arye, Yehu eibik. Aeipmek nang ara, ninye deiyoknye, el aik pum pil don nang ulamik.

Mazmur 94:16

Anggun nirya ara, moubuka tenipdelulume! Pia malye wininyak nang arye, ‘Anye opnuyabe’ tenen, na dam yakcopura, yatanye birye tiklirye, nati melibuka, kalikinulul do? Tonda, sik pia malye winin ninguk talibuka, malye-malye weik wininyak nang arye, ‘Anye el deice ikin delinamabe’ tenen, na dam yakcopura, yatanye birye tiklirye, nati melibuka, lyelonulul do?

Keluaran 32:25

Atalak ara, Musa birye kel kibuk. Harun birye aninye teleb kibuka kum talibukce, batakukba, sik Israel nang malye winipmik. Malye wininmik ning ara, basam poka taleamya deiyoknye birye kum kalikliba, el basam poka paklobuka buru tam talye balamla atonun, kanye bona kum diparyuk, malye-malye ning weik wininmik. Tonda, amalye-malye wininmik ning ara, ‘Yuk mutuku nang eipsikirye, nalibuka akutusinyake’ tenen, kel kibuk.

Keluaran 32:27

Yayikba, Musa birye anang ati nyabuk. “Israel ninye talibuka melisulul Allah, el si Yahweh arye nyasulule. ‘Anggun nirya parang ya dopropmunce, Israel ninye sik doltakna aik noutamak nirya bimunce, atam ap, otam ap, dana-dana tam nirya bamunce, sik malye-malye wininmak ninye nirya opnamlulume. Ara, anggun kwit capu babye, anggun du yapu nang babye, anggun kayapu nang babye, anggun dam unmakce, malye wininyak ninye babye nirya, adiparyuk olbilulume.’ Allah arye nyapmasila ati, anggun Lewi yala ninye arye winiplulume nyapsine,” Musa birye Lewi yala nang ati nyabuk.

Matius 12:30

Nyabukopura, Yesus arye ayupu ton nyabuk. Na ap neika kum pil dolulnye bira, yupu sekuka malye kibuka, yaniptapra balamak nang atonun ulule. Tonda, winipmanto ara, kwaning yongopra tonok ak bulubuka deibice talak ara, el ap bulubuka kum delilulnye bira, yamupra donoklamak touk ulule. Na ap sik ap, neika kum pil dobibyopura, arup nyapmasin nang, aunyak nang atonun malye weik winilulume.

Ulangan 33:9

Sik Lewi yala nang arye, Allah anti, pia weika arye dib tenelamikce, ‘Nun ni yapu ap, nun nin yapu ap, nun weit capu ap, nun du yapu ap, nun mapu ap nirya ara, mitik tonun mambul bukni, Allah el diamuk weik mambule’ tenen, ulamik. Ulamika ati, nun ni Allah ance, ‘Wininamlulume, aning ara, ton kum wininamlulume,’ nyapdeiamsulum yupu ara, pia moubuka taleamikce, kaliklamik. Winilamikce, ance, ‘Wininamsine,’ nyalin yupu nyapdeipsulum ning ara, dib tenebuka dobolbalamikce, ‘Israel ninye ton dobolbanyak do, kel kipnamak do?’ tenen, moubuka kaliklamikce, peterelamike.

Yosua 5:13

Ara Yosua ap, Israel nang ap, Yeriko mutuku dam binuka unmek talak ara, tonok sum Yosua birye, Yeriko mutuku tam binuka dinmokba, ninye tonok, el urasin tam tikmokce, ninye on ning parang ya talipmokba, Yosua birye eibuk. Eibukce, anye dam biyukce, asipdeyuk. “Anda nun melina ati yalam do, nun ona ati, nun oldan nangak, melipnamsilamnye do?” nyabuka asibuk.