Keluaran 32:2 - Eipomek

² Nyabikba, Harun birye tamubuka nyabuk. “Anggunce nyabuka moropmanulum ning ati ara, anggun kilapu ap, mapu ap, anggun kilmapu ap, urasin teleb ning emas ara, sik amul dongonyak ning nirya ara, bulubuka na dam boyanamalume,” nyabuk.

Keluaran 32:2 ပူးပေါင်းရင်းမြစ်များ

Kejadian 24:22

Dinmokba, el unta basam nirya arye, sik patanmok touk akunum dibikopura, ‘Akil arepnun’ tenen, pia teleb arin ning, dekna weik ning, emas arye puturubuka memamik ning ara, dobuka talibuk. Ara, akil ati arepneba, ‘El upurya dongopnamle’ tenen, kintinibuka talibuk.

Kejadian 24:47

Sirya winipnopura, narye elti, asipdenmanue. “Anda yatanye birye deipkuk kilmu, ulyam do?” nyabuk. Nyabuka asipdenmanuba, Ribka birye nyapmoe. “Kume, nara Betuel el kilmu ara, Nahor dobuk kil Milka arye deiamuk mi na ni ulule,” nyapnue. Winibuka nyapnua ati ara, narye emas ap, upurya dongolamak ning ap, taruk duk dongolamak ning cincin ap, akil ati arepmanue.”

Keluaran 20:23

Ati ara, anggun kanye aryuk tenebuka, Aning ara, nun ni koprop unamle ati, el si erenamap tenen, urasin teleb ning memebuka pia kum delinamlulume. Ara, urasin teleb dekna weik ning, el si ara emas ap, tonda urasin teleb dekna ning, el si ara perak ap deice arye, ninye urasin atonun do, tonda, talye kam ulamle ning urasin atonun do, Aning ton kintinibuka deibipyeura, nun ni Allah ap, aning ap ansinibuka, si erebuka kinamabe tenenʼ pia kum si erenanumlume. Na Allah Yahweh, na tonok ati kibuka si erenamnulume.” Allah arye, sik Israel ninye nirya kekenamak tenen, Musa biti ayupu nyapdeibuk.

Keluaran 32:3

Nyabuka ati, sik Israel ninye nirya kekebikce, sik urasin teleb ning, amul dongolamik emas nirya bulubuka bobukabikce, Harun dam boyayik.

Keluaran 35:22

Aning atonun, yata ninye do, ninye nirya ara, sal babye, kilapu babye, el kanye aryuk, ‘Aning ara, Allah Yahweh ati, arepnun,’ tenepnanye bira, arelyangalamik. Ara, sikce arelyangalamik ning ara ani. Ara, dekna weik ning, el si emas arye, memebuka deiamik ning, anting-anting amul potokuka dongolamak ning ap, cincin taruk duk deice dongolamak ning ap, tonda, karakanyak ning el si kalung ap, arelyangalamik. Winibuka arelyangalamik talak ara, ‘Nun ni Allah dinamsilcaʼ tenen, aning nirya ereptalibuka, boyangalamik.

Amsal 25:12

Ninye deiyok nang arye nyanyak yupu kekepmantonye, mangkau arye malye uplyopura, weik kel nang arye, “Malye unmalam ning ara, ani. Teleb uk unamlam ning ara, ani,” nyabuka wenebicopura, ayupu kekepmantonye bira, kekeplirye teleb unamle. Winina ara, pia teleb uka. Aning atonun, weik kel nang arye, dekna weik ning emas dobuka, amul dongona ning memebicopura, urasin pia teleb ulule.

Yesaya 3:19

Tonda, Allah arye akilapu wenepnamle talak ara, Yerusalem mutuku kilapu arye, ‘Ninye nirya eipsikirye, se, sikda urasin pia teleb kilapu, tenepnamsiakʼ tenen, sik urasin teleb una ati, kwerya ning yala-yala nirya dobikirye, kwalinyake. Ati ara, Allah arye, sik nong deice ongonyak kwerya ning nirya ara, dalubuka dopropnamle. Ara, sik yan deice koubikiba, nyeleng-nyeleng alamle ning ap, sik kisok kounyak kain teleb ning ap, sun ngang dam kwatibuka karakanyak ning nirya ap ara, dalubuka dopropnamle.

Yesaya 30:22

Anggunce, ‘Nun ni koproba ani,’ tenen, kam kum ulul ning, isa si erena ati, isa urasin atonun puturubuka deipmunce, si erelulum ning nirya ara, malye kipdeipmunce, donoknamlume. Ara, aisa si eren ning patung-patung ara, sik bol deice ara, urasin pia teleb dekna weik ning, el si emas ap, tonda perak ap arye, taplakuka deipmunce, si erelulu ning ara, pia malye kipdeipnamlame. Ati, anggunce, ‘Aning ara pia malye ning,’ tenepmunce, aning dobuka donokmunce, “Sik isa ap, patung ap ara, nun dam pia kum deipnamabe. Sik isa mer nirya ara nun dam batakuka yukak bilulume” nyabuka, donoknamlume. Kwalye bok boyanuka, pia malye ning kilipmunce, bai tam donokolulum touk, aisa si eren ning babye, bobinuka yukak donoknamlume.

Yehezkiel 16:17

Tonda, wini talak anggun nong urasin pia teleb una ati, dekna kat weik ning, el si emas ap, perak ap, narye anggunti, areamsise kan-kan arye bokuka, ton tam ning dobuka, anggunce ninye urasin atonun ning, patung-patung memebuka deiplume. Winiplumce, anang urasin atonun si atibuk, talye isa si erelamluma ati, winipmanto ara, talye kilapu arye, yuk nang ubula yolalamaka atonun, anggunda aning ton winilamlume.

Hosea 2:8

Israel ninye ara, talye-talye yolamak kilapu atonun unyake. Ara, sik ‘Din ning, el si ara gandum ap, anggur mek ap, zaitun yo duk mek ap, tonda dekna pia weik ning emas ap, perak ap, pia weik arye aresululnye bira, Allah biryuk aresulule,’ pia kum teninyake. Aning moubuka kum tenenyaka deice arye, ateleb ning nirya dobuka, talye Isa Mutuku Dongonye, el si Bahal, el si erebuka kina ati, arelamik. Aisa ara, kam una kum ning bukni, ninye taruk deice arye puturubuka memepdeibikirye, talye ning Bahal ati, ‘Nun ni koproba,’ nyabuka, el siuk erebikirye, na Allah ati bataknikirye, na si pia ton kum ereninyake.