Keluaran 30:2 - Eipomek

² Asiltong teleb ning, uku dongonak ara, el cang arye, kup-kup dana-dana kintinibuka memepnamlume. Tonda, aning el cang ap, el pala ap ara, kikliba neikto touk, 45 sentimeter kiklibuka kintinipnamlume. Atouk tonda, tikilin yo, el cang ara, 90 sentimeter dekuka kintinipnamlume. Winipmunce, siltong teleb ning uku dongonak ara, kup-kup sirya (segi empat) kintinipmamunyak nirya ara, sapi basam kisok tace belalamla ato ning, memeplum ning ara, tabakuka deipmunyeba, atace ap, mesba nong ap, tonok kipnamlule.

Keluaran 30:2 ပူးပေါင်းရင်းမြစ်များ

Keluaran 27:2

Na Allah ati, kam ning obuka boyakiba, uku dapnaminya ati, dopminye aik deice tam ara, sapi basam kisok deice arye, tace ning belelamle atonun, kintineip deipnalyame. Amemepdeipnalam ning, sirik dana-dana dumbarye nirya ara, yuk-yuk belepdeipnalyame. Winipmunyeura, adelina ap, el tace ap ara, nong tonok atonun kipnamlyame. Tonda, ‘El urasin teleb unamleʼ tenen, teleb kat ning, el si ara perunggu arye, palipdeipmince, memepdeipnamlyame.

Keluaran 29:12

Asapi basam opminye sapi el ining ara, ton wibuka dopropmince, adopropminye ining ara, an taruk tatang arye, aining burubuka, na Allah Yahweh si erena ati, kam ning obuka, uku dongonak ati, keil pala tablakuka, yangabuka kintiniplumak dana-dana tatca belebuk deice likdeipnulyame. Ara anggunce, ‘Allah Yahweh elda, nun malye unyap ning lyepnamsilʼ tenen, el arena ati, kam ning obuka, uku dongona ati, keil pala tablakuka, yangabuka kintiniplum ning, el si ara mesba, adeice tam dana-dana taca belebuk deice ara, aining likdeipnulyame. Tonda, aining tupa auplyopura, ance dopmince, akeil pala tablakuka yangabuka, kintinip deiamunyak, mesba deiyok tam dikdeipnulyame.

Keluaran 30:1

Allah arye, Musa biti nyabuk. Na Allah si erena ati, siltong teleb ning, uku dongonak, el si ara mesba, kat yo el si ara, Akasia yo arye, memepnamlume.

Keluaran 30:3

Amemebuka deipmunye ning, itam kup-kup ara, dumbarye sirya tam ara, sapi basam kisok tatce atonun, ubuka memepdeipmunce tabakuka tonok kipnamlume. Winipmunce, el aning deice nirya ara, urasin teleb kat ning, emas pia teleb ning aryuk, taplak deipnamlume. Tonda, aning kup-kup nirya ara, dekna weik kat ning emas arye, ‘Urasin teleb upnamleʼ tenen, el si bingkai arye memepmunce, kwanibuka ongopdongopnamlume.

Wahyu 9:13

Aning tenepse talak ara, malaikat nakupnye birye, el terompet lelim nyabukba, ninye yupu atonun nyabukba kekepse. Ara, Allah el bulul sukum urasin tam deipmek emas meja deice arye, tace dana-dana belyamuk ning noutamak arye ayupu nyabuk.