Keluaran 28:9 - Eipomek

⁹ Efod deice taplakuka deipnamlum ning ara, winibuka kintinip deipnamake. Minop ara, urasin pia teleb mirin keil, el si delima bitinye dobuka kintinipnulume. Akeil bitinye deice, sik apu koproba Yakub, el si ton ning ara, Israel elce deiamuk nang, sik si nirya ara, yuk-yuk kibuka akeil deice sekeipnamlume.

Keluaran 28:9 ပူးပေါင်းရင်းမြစ်များ

Kejadian 2:12

(Amutuku emas ara, pia teleb ning ulule. Tonda dekna weik ning, nintong teleb cang yo ap, dekna weik mil ulamle keil, el si ara, dangman keil urasin atonun ning ap ubukce, tuba ulule.)

1 Tawarikh 29:2

Ati ara, anyaik don ning nirya ara, na Raja Daud ninye deiyoknye birye, na dam awamnuk aik don ning, narye bulubuka deipmanto ning emas deice arye, anyaik don ning yuk-yuk ning nirya ara, bulubuka deipse. Narye bulubuka deipse ning yuk-yuk ning nirya ara, dekna weik kat ning emas ap, perak ap, perunggu ap, kat ning besi ap, urasin teleb kat yo ap, pia urasin teleb keil ap, keil si permata keil ap, beraneka warna dekna weik keil, pia urasin teleb kibuka deilin keil ap, dekna weik keil, tonda urasin teleb kat keil, el si ara pualam keil ap, aning nirya ara, weik tonun bulubuka deipse.

2 Tawarikh 2:7

Anyaik dopnamne ati ara, wini talak Hiram ance aik dona ati weik kel nang ton, dopdeipnutumba, sikce melinamsiyake. Ara, dekena weik ning emas ap, perak ap, tembaka ap, tonda kat ning besi ap, tonda urasin pia teleb baju bol kain lelan warna unggu ap, baju bi bol ning ap, wina pia kel weiknye ton dopdeipnunilyame. El anye bira keil ap, yo ap ati pia urasin teleb ubuka delinanye dopdeipnilyame. Apil winibuka donamle talak ara, Yerusalem mutuku noutam ap, Yudea tam noutam ap, na ni koproba Daud elce akunum wipdeiamuk nang ara, na ap, neika pil dopra unamake.

Ayub 28:16

Aning atonun, mutuku si Ofir mutuku, dengna weik ning, el si emas, pia teleb ning ulyak binuka, sik emas doproptibye babye, aning arye weik kel bikna deiyok ning ara, kum dektibye. Tonda, dengna weik mirin keil, el si ara permata krisopras ap, urasin teleb keil, im kalum atonun ning, el si ara permata lazurit ap, auptu ura, dobuka areptibya babye, aning deice arye, weik kel bikna deiyok ning ara, kum dektibye.

Keluaran 25:7

Tonda, urasin pia teleb dekna weik keil, el si Krisopras, aning ara, imam el taram deice ongolul ning bukni, takunya dam taplakuka delinamake. Tonda, yuk dekna weik urasin teleb keil ton, tabakuka arelyanganamake. Ara, na si erebuka kina ati, teleb aren ning arena ati, weik deiyoknye, imam Agung birye, el nong deice ongolul kain lenan baju ap, tonda anye taram deice ting atonun ongolul ning ap, el si Efod ap, adekna weik keil dobuka, adeice akeil taplakuka delinamaka ati nyapsine.

Keluaran 28:10

Israel, elce deiamuk nang, sik si nirya, amirin keil deice seknamlum ning ara, minop deiamuknye, el si sekdeipmince, anye bukni aminyan talak deipninyanamuk nang nirya, sik si ton yuk-yuk sekuka delinamlume. Aning atonun, dan tam keil deice nakub barye (6) mapu sik si sekminyopura, otam keil deice sik nakub barye nang aminyan talak deiamuk nang, sik si ton yuk-yuk seknamlume.

Keluaran 28:20

Nelina dumbarye ning, tablakalina keil ati ara, Pirus ap, Yakut ap, Ratna Cempaka ap, taplak deipmunce, kintinipnamlume. Urasin teleb obarye keil dana-dana nirya ara, dekna weik kat ning, el si emas arye dobuka, aning el si bingkai puturupdeipmunce, memepdeipnamlume.

Keluaran 28:36

Tonda, urasin teleb dekna weik ning, emas deice arye, mitik yo lakase atonun ning kentinipnamlume. Aning deice arye, meterai atonun ning ubuka, anyapnukin yupu sekuka, laka kipdeipnulyame. Ayupu ara ani. ‘Allah Yahweh, an ‘Naʼ tenen ning, pia teleb ulule,’ nyabuka sekeipnamlume. Aning deiyok ara, ‘Aning ongonamlanye bira, Allah el ninguk ulule. Tonda, malye ning tonok babye kum upmalibuk, pia telebuk ululeʼ tenen, aemas ning deice arye, ayupu laka kibuka sekeipnamlume.

Keluaran 28:8

Tonda, akintinipmamunye ning, Efod, el deiatinga ton wipnamake. Winipnamaka ati, namin teleb kain lenan aryuk, wipnamake. Adeiatinga ap, Efod ap, dukdongobuka tonok atonun winipnamlume. Abaju wina ara, anggun adiparyuk, baju win tapu, si wol tapu, urasin ara, mirin koprop ning ap, mirin unggu ap, ining bi ning ap arye dobuka wipnamake. Tonda, urasin teleb ning, emas deice memelamak baju win tapu arye dobuka wipnamake. Tonda, namin pia teleb kain, el si lenan, akain arye winamake. Aning kintinip deipmunyeba, urasin tonok kiplirye, teleb upnamle.

Keluaran 31:5

Tonda weik keil doproplirye memelamlya ani, urasin teleb uplyopura, aik abilinga ap, poka ap teleb kibuka donamle. Tonda, yo deice arye aik pum ning ap, yuk-yuk ning ap memeplirye urasin pia teleb ning, aning-aning weik kintinibuka deipnamle.

Keluaran 39:13

Tonda, keil dikna baris dumbarye ning ati, bulubuka deiprik keil ara, ani. Pirus keil ap, Yakut keil ap, Ratna Cempaka keil ap arye deiprik. Aurasin teleb ubuka deiprik keil 12 nirya ara, dekna weik ning, emas aryuk taplakdikce, ongopdobuka bingkai memebuka deiprik.

Keluaran 39:6

Sik anang arye, urasin pia teleb keil, el si ara delima keil, doprobrikce, pia urasin teleb ubuka deiprikopura, kat ning el si ara, emas deice arye, kwatibuka ongodobuka deiprik. Tonda, sik apu koproba Yakub, el si ton Israel, elce deiamuk mapu 12 nang ara, sik si yuk-yuk bukni, akeil deice dana-dana sekdeiprik.

Kidung Agung 8:6

Ance nati, weik tonun bico tenenimince, kanye akunum deipnuluma ati, wini talak babye, aminyan dounamle talak babye, ance talipniminba, an damuk neika pia unamname! Winipmanto ara, an kanye ara, na si sekeipniminyopura, apia unamle. Deiyok ara, ‘Yuk kilapu nirya ara, pia tenimince, kum patapnamkila ati nyapkine. Winipmanto ara, an taruk toupne deice, toupne dama wibuka dongopminyopura, pia aulula atonun, nati an kanye delinamnilame. Nun bitinye arye, weik tonun bico tenebuka, tuba-tuba kanye delilanauk unimnya ara, pia mikip weik ulule. Winipmanto ara, ninye dibina ara mikip weik ulye touk, nunce kanye delilanauk unimnye ning ara, pia mikip weik ulula ati, min kum winipmanto ulule. Tonda, ninye tukwak nang arye kam ulamikca ani, pia wisi dakcopura dibina uk unamake. ‘Aning ara kum winipsutue,’ teneptibya babye, dipkoprob aning winipnamsilca! Aning atonun, nun bitinye arye weik tonun bico tenenimirye, kanye delilana uk unimnya ara, pia aunamle. Min kum winiptue tenepne. Winipmanto ning ton, weik uku dinmalya ani, ninye arye auku kum tangalamak touk, weik tonun bico tenepnimince, kanye delilanauk uniminya ara, pia aunamle. Min kum winiptue tenepne. Aning ara, pia min kum winipnamle.

Yesaya 49:16

Yerusalem ninyeo, na Allah arye anggunti kum luba kipsise. Pia tuba tenesunune. Ati winipmanto ning ara, anggun si ara, na taruk tatang deice akunum sekeipse. Anggun ululum mutuku dana-dana tam cang keil poka doplumce, anoutam umunye mutuku ap, anggun amutuku umunye ninye ap ara, pia tuba tenesunune.

Yehezkiel 28:13

An ulamlum mutuku ara, Eden mutuku ulamlume. Ara, Allah elce, pia teleb palamle ning, yuk-yuk ning nirya kouamukak ulamlume. An baju deice ara, urasin pia teleb dekna weik keil arye, taplakuka wiamikba, aning ongolamlume. Ara, Yaspis keil ining bi ning ap, Krisolit keil ap, Yaspis keil poron ning ap, Pirus keil permata ap, Krisopras keil ap, Neferit keil ap, Lasurit keil ap, ining bi keil ap, Tonda akeil noutam aknapdongobik ning ara, pia teleb emasuk, uamuk. Tonda, urasin teleb ning aryuk, puturubukabikce, kintinibuka deibik ning ara, pia telebuk uamuk. Aning nirya ara, an kwepdeipkuk talak aryuk, aning kintinibuka deibuke.

Zakaria 9:16

Allah Yahweh, elce tenelamuk talak akunum uplyopura, elce, ‘Na ninye’ tenen, wipdeiamuk nang, Israel ninye lyepnamle. Ara, talye ati kume. Deiyok ara, Israel ninye ara, Allah el ‘Naʼ tenen, ninye unyaka atia. Winipmanto ara, domba weina deiyoknye birye, el domba basam, ‘Kot saknilyak’ tenen, turya kirikilongolamak basam atonun, Allah arye Israel ninye ati, kalikuka melinamle. Winipliba sik anang ara, Allah el ulula dam unamake. Winipmanto ning ara, ninye deiyok nang, sik kalulamak ning, kat topi el si ara, mahkota deice, dekna weik keil dongobikiba, mila daklamle touk, sik Israel yala ninye ara, Allah arye arepnamsil mutuku noutam ara, pia telebuk kibuka unamake.