Keluaran 28:18 - Eipomek

¹⁸ Aning deice lelelina bitinye ning delina keil ati ara, Zamrud ap, Nilam ap, Intan ap arye, deibuka taplakuka memepdeipnamlume.

Keluaran 28:18 ပူးပေါင်းရင်းမြစ်များ

Ayub 28:16

Aning atonun, mutuku si Ofir mutuku, dengna weik ning, el si emas, pia teleb ning ulyak binuka, sik emas doproptibye babye, aning arye weik kel bikna deiyok ning ara, kum dektibye. Tonda, dengna weik mirin keil, el si ara permata krisopras ap, urasin teleb keil, im kalum atonun ning, el si ara permata lazurit ap, auptu ura, dobuka areptibya babye, aning deice arye, weik kel bikna deiyok ning ara, kum dektibye.

Ayub 28:6

Tuku amu tam ubuk keil, el nong ara, dengna pia weik keil, el si ara Lazurit, eibikirye, dolonyake. Tonda, yuk keil ara, akunum tekikirye, tuku sice buklobikirye, dengna weik ning, el si ara emas, pia teleb ning ton eibikirye, dolonyake.

Keluaran 24:10

Welebiyikce dinmikba, Israel nang sik deiyoknye Allah, el yan amu tam ara, teleb keil pala deice tikmokba, el dirina ara, im kalum dalamla atonun winipmokba eibik.

Keluaran 28:17

Winipdeipminyopura, urasin pia teleb keil dobuka, yuk-yuk bukni, lelepdeibuka, dumbarye deice arye, taram dam ongon baju deice kintinibuka wipnalame. Ara, lelebuka delina ati, tonok taplakuka deipnamlam keil ara, lep-lep aplirye, mel dakuka mereng-mereng alamle keil, el si delima merah ap, topas ap, tonda baiduri ap, dobuka lelepdeipmunce, memepdeipnamlame.

Keluaran 28:19

Aning deice lelelina winilye delina ati keil ara, Lazuar ap, Akya ap, Kecubung keil ap arye, deipmunce, taplakuka memepdeipnamlume.

Keluaran 39:11

Keil dikna baris bitinye ning ati, taplakuka deiprik keil ara ani. Ting atonun ning deice, keil baris bitinye ning delina ati ara, Zamrud keil ap, Nilam keil ap, Intan keil ap arye, taplakuka deiprik.

Kidung Agung 5:14

Tonda, na akanye, na dopsinye bira, el taruk ap, nong nirya ap ara, urasin pia telebuk ulule. Winipmanto ara, el taruk ara, besi beton bukni, dengna weik ning emas ongolongon ning, kisok bukuka bisik botolilamikce, kintinilamikba ulamle touk, ulule. Tonda, emas deice dengna weik keil taplak deiptingiba, urasin pia teleb ulamle touk, el taruk babye atonun, pia teleb ulule. Tonda, el taram ap, mun ap ara, urasin pia teleb ulule. Winipmanto ara, weik bai basam, el si ara gaja basam, el cang weik yang lukikirye, aning deice ara, urasin pia teleb ning puturupdeibikirye, aning deice dengna weik keil, el urasin im mirin atonun ning taplakikiba pia teleb ulamle touk, na akanye el nong nirya babye, aning atonun ubuka, urasin pia telebuk ulule.

Yeremia 17:1

Allah arye, sik Israel nang ati, nyabuk. Se, anggun Yehuda mutuku tam ululum nango, anggun malye winilulum ning nirya ara, akunum anggun talima noutam pia aunamle. Winipmanto ara, ninye arye, kat ning el si besi dobikirye, kat keil deice teleb uka delilamak touk, anggun malye winilulum ning pia aunamsile. Winipmanto ning ara, ton ninye arye, anggun mesba sirik tam, dana-dana tam dumbarye belelamle deice, ara sapi basam kisok deice tiklamle tace ning atonun, aning deice, pia kat seken ning doptingce, teleb uka deipting touk, anggun malye winilulum ning ara, anggun talima noutam pia ati aunamle.

Yehezkiel 1:26

Eitam ubuk ning, aik arum atonun ning deice tam ara, ninye deiyok nang bulamak ning atonun ning ubuk. Abun ning, el urasin ara, dekna weik keil, el si ara nilam keil, el urasin puturuna ara, im kalum atonun ubuk. Tonda, abulamak ning deice tam ubuk ning ara, ninye urasin atonun, kam un ning ton upmokak eipse. Akam un ning ara, ninye urasin atonun ubukbuk, narye eipse.

Yehezkiel 10:1

Ura, na Yeheskiel birye mapmasirye, lengdar deice atonun dinmasiba, Kerub bitinye, sik pol otam atam arye dukdongamdik ning bukni, sik Kerub bitinye, sik kisok deice belebuka lak uamuk ning eipse. Ara, pia urasin teleb dekna weik keil, el si ara, batu nilam, aning arye pia teleb ninye bun ning, memepdeibik ning, el si tahkta urasin atonun ning, lak ubukba, narye eipse.

Yehezkiel 27:16

Aning atouk Edom mutuku noutam bona dekna deiyok nang nirya babye, anggunce delilalumce, deklamlum bona weik uamuka anya arye, aning yuk-yuk ning nirya, yanuka deklamsik. Tonda, aning wininyaka deice arye, anggun dam wekesilye ning ara, pia weik ulule. Ara, sik amutuku-amutuku nang nirya arye, arenyak ning ara, pia kat weik ning, el si ara permata ap, kat keil el si ara, Zamrud ap, namin bi kain ap, pia namin unggu kain ap, tonda cang kain el si kain sulam ap, kain lenan pia namin ning ap, kat keil, el si ara koral permata ap, adeice arye delilamik ning ap nirya, boyanarye dekelyangalamsike. Tonda, delima keil, pia teleb bi ning boyanarye dekelamsikba, anggun Tirus mutuku nang arye, yo bok pia weik dololamlume.

Yehezkiel 28:13

An ulamlum mutuku ara, Eden mutuku ulamlume. Ara, Allah elce, pia teleb palamle ning, yuk-yuk ning nirya kouamukak ulamlume. An baju deice ara, urasin pia teleb dekna weik keil arye, taplakuka wiamikba, aning ongolamlume. Ara, Yaspis keil ining bi ning ap, Krisolit keil ap, Yaspis keil poron ning ap, Pirus keil permata ap, Krisopras keil ap, Neferit keil ap, Lasurit keil ap, ining bi keil ap, Tonda akeil noutam aknapdongobik ning ara, pia teleb emasuk, uamuk. Tonda, urasin teleb ning aryuk, puturubukabikce, kintinibuka deibik ning ara, pia telebuk uamuk. Aning nirya ara, an kwepdeipkuk talak aryuk, aning kintinibuka deibuke.

Wahyu 4:3

Abukmok ning deice bukmoknye el urasin ap, el nong ap ara, dekna weik keil mil ap, mirin ap, silye keil el si ara yaspis ap, tonda sardis ap atonun upmokba, eipse. El bukmokak dana-dana tam nirya ara, mile paralamle atonun ning deipmokak el urasin ara, yo bok imbik maka ulamle touk ubukce, sukup-sukup abukba, eipse.