Keluaran 26:5 - Eipomek

⁵ Akain lenan cang weik ning, sirya itam arye dukdongobuka, utam dopkwetepnamlum ning, sirya tam arye, acang kain talin ning ara, limapuluh (50) wibuka kintineipmunce, deipnamlume. Aning atonun, otam deipnamlum cang kain babye, el talin ning ara, yupa bitinye, limapuluh (50) arye wibuka kintineipmunce, deipnamlume. Dan tam kain ap, dan tam kain ap, el ongopdongomunce, bumang kibuka wipnamlum talin ning, akunum kintineipmunyopura, agorden kain bitinye, urasin damak deibuka kintineipnamlume. Winipmunyeura, tonokak dukdongopdanamle.

Keluaran 26:5 ပူးပေါင်းရင်းမြစ်များ

Keluaran 26:4

Winipmunyopura, minop seklopmamunye, warna biru kain sekdoba ara, cang weik ning bitinye kipnamle ati, abitinye cang kain atonun, kain sirya ning bukni, el kup-kup dana-dana ara, warna biru ning dobuka, kisok ning kipmunce, el talin ning ton, wibuka kintineipnamlume. Ara, deice tam arye dukdongobuka, danutam nirya wipnin banmamunya ani, utam ara, kisok ning kilina ton wipnamlume.

Keluaran 26:6

Aning akunum kintineipmunyopura, acang lenan kain, dana-dana dukulongona ati ara, arekuka talin ning ton kintineipnamlume. Ara, atam arye deipmunyeba, otam ning dukdongobuka delina ati, arekuka talin ning ara, urasin pia teleb dekna weik ning, el si ara emas, limapuluh (50) arye merekuka, kintineip deipnamlume. Winipmunyopura, atam ning ap, otam ning ap, dukdongobuka tonok wipmunyeba, tonok ning kipnamle. Winipnamluma deice arye, na si erena ati, tenda arye doltakna aik ara, tonok dem kipnamle.

Keluaran 36:12

Ara, acang kain arye, pala yuk-yuk bitinye wibuka deibik ning, kup-kup ak arye, kwaribuka talena ati ara, ton tam ning lima puluh (50), ton tam babye, lima puluh (50) wibukabikce, memepdeibik. Ara, ‘Winipmeka arye ton ning ap, ton ning ap, dukdongobikba, tonok kipnamleʼ tenen, winibik.