Keluaran 26:26 - Eipomek

²⁶ Tonda, anggunce Allah el si eren aik, sekelina ati, deipnumunye yo ara, akasia yo 15 kintineipnamlume. Akintineipnalum yo ara, tonok tamuk pamubarye (5) wirikdeipmunce, cang kain arye dobuka, anyaik abilinga ati, ayukumna yo deice deibuka lapkwetepnamlume.

Keluaran 26:26 ပူးပေါင်းရင်းမြစ်များ

Keluaran 25:5

Tonda, yim kambing basam obuka, bola kobuka, ining bi ning likiamikce ning ap, tonda laut mek kwen pum noutam ulamle ning, el si lumba-lumba, el bola namin teleb ning ap, tonda akasia yo ap, arelyanganamake.

Keluaran 26:25

Ati, ayukumna yo nirya ara, pinbarye (8) kintineipnamlume. Tonda, ‘Ayo deiyok tam tuku bol piplyakʼ tenen, urasin pia teleb namin ning, el si perak arye, taplakalongona ati, enam belas 16 puturbuka deipmunce, kintineipnamlume. Akintineipmamunye perak ara, tonok rangka ayukumna yo amu tam ara, dana tam arye, dana tam arye, makalongon ning perak ning arye, deipdongobuka taplaknamlume. Ara, pinbarye (8) rangka ayukumna yo amu tam, el makalongon ning nirya ati, bitinye-bitinye kibuka, deipdongobuka taplaknamlume. Aranka pinbarye nirya ara, atonun ubuka dopnamlume.

Keluaran 26:27

Awirikeipnalum touk, Allah el si eren aik, otam ara atonun, ayukumna yo, el si rangka sekelina ati, yo pamubarye ton sekuka deipnamlume. Tonda, aning atonun, keting wekelban tam babye atonun, wirikilin yo pamubarye dem kintineibuka deipnamlume.

Bilangan 3:36

Sik Merari yala nang ap, Abahil birye deiamuk mi, Zuriel birye deibukba, dadeipdanin binamik yala nang ara, apil talibuka dolamik. Ara, Allah el si erena ap, Allah ap, ninye ap, eldana ati dolamik tenda aik tikilina ati, ayukumna ikiklamik yo ap, ayo bukni, outam dukdongamik cang kwadin yo ap, anyaik kolokon yo ap, tonda, anyaik cang kain lalkwetena ati, uapce tikilamik urasin teleb yo ap, iklamik yo ap nirya, amu tam urasin teleb dekna weik ning, emas arye puturubuka, ayo deiyok delilamik ning nirya ap, tonda anyaik dopnukirye, kiklilena ati delina tapu ap, atapu biribuka, tuku pum tam iklamik yo ap ati, pil talibuka dolamik. Ara, awamuk ning nirya ara, ‘Malye kum upnamle, tuba teleb unamleʼ tenen, sik abitinye yala nang arye, aning nirya kintinilin pil talibuka dolamik. Tonda, anyaik talikuka, don talak un ning yala-yala nirya, kintinililamik nang ulamik.

Bilangan 4:31

Sik anang wipdeipminba, Allah si eren aik ulubikirye bobanamnyake. Ara, anyaik ayukumna ap, marikilin ap, tonda tikililamak ayukumna yo ap, kwa dilamak yo ap, ayo nirya, amu tam apanya delilamak kat ning ap, aning nirya ara, sik anang arye bobanamnyake.

Roma 15:1

Nun dipkoprop weik arye diba tenebuburye, nun kanye talima wisipsukce, lamapdongobuka unyap ninye nirya arye, sikda mikip kum ati ara, mitik anun aryuk diba tenebice bukni, ‘Aning winiptibye do, kum do’ tenen, kanye teniltonauk unyak ninye ati melinamabe. Ara, nunce aninye ati minopce derelana kum bukni, namin asa aryuk melibuka unamabe. Tonda, nunce nun bidamang ati kanye deibuka patasulul ning uk, nun bidamang atibuk tenebuka kanye tenebuka kum wininamap bukni, sik mitik tonun arye diba tenenyak ninye ati, nunce, ‘Yata wiriptibya deice arye, aninye ati, teleb ubuka meliptibyeba, sik kanye delinamak do?’ tenen, moubuka unamabe.

Efesus 4:16

Tonda, nun taruk ap, yan ap, nong deice upsuk ning, mil-mil arye, dukdongopsiliba, nun nong tonok aryuk, pil teleb ubuka dolamabe. Aning atonun, nun yuk-yuk unyap bukni, Kristus nun Deiyoknye nun talima talisilirye, el mikip deice arye, dukdongopsilyopura, nun pil yala yuk-yuk donyap deice arye, kanye talima arepdanuka melilanyabe. Wininyaba deice arye, nun kanye talima nirya wisisulule. Atalak noutamak nirya ara, nun nirya arye, yuk dib tenenyak ninye nirya ati, kanye dukdongobuka, bico tenepdabirye, melilanamabe.

Kolose 2:19

Aninye ara, Yesus Kristus ati, el dipkoprop yupu kum peterenyake. Nun Deiyoknye Kristus ara, kum tenebikirye, pia yuk kanye bobuka unyake. Yesus Kristus ati diba tenebiceura, Allah el mapu kipdeipsuk ninye nirya ati, Allah arye nyalyeba, Kristus kalekuka melisilya deice arye, Allah tenelamsuk atonun, kanye wisipsilirye, teleb kibuka weik upra banamabe. Winisilya ara, nun nong deiyok ara, kisok usilye touk, tonda nun nong mil-mil arye dukulolongosilye atouk, Kristus arye nun diba tenenyap nang nirya ati, dukdongopsukce, neika kipsukce, nun Weik Deiyoknye usulule.