Keluaran 25:6 - Eipomek

⁶ Tonda, upna lana ati minyak mek ap, weik sum deice nintong teleb nyana ati, minyak mek ton arelyanganamake. Ara, na pil dona ati, ninye wibuka delin talak, sik kisok deice dikilongonamak minyak mek, nintong teleb ning, el si rempah-rempah ap, tonda nintong teleb ning bukni, uku dongonyak ning, el si dupa ton arelyanganamake.

Keluaran 25:6 ပူးပေါင်းရင်းမြစ်များ

Keluaran 25:37

Lampu weisa deiyok ara, tonok ning welepnamle bukni, dana-dana tam wisa talinamle ning, winilye, winilye kibuka welepnamle. Aweisa talinamle ning deice tam, wisa lan sukum ara, tekbarye moubuka memepdeipnamlume. Winipmunyeba, wisa uku laplirye, ninye din tam nirya ara, dirinauk upnamle.

Keluaran 25:5

Tonda, yim kambing basam obuka, bola kobuka, ining bi ning likiamikce ning ap, tonda laut mek kwen pum noutam ulamle ning, el si lumba-lumba, el bola namin teleb ning ap, tonda akasia yo ap, arelyanganamake.

Keluaran 27:20

Allah arye Musa biti nyabuk. Ance Israel ninye ati nyapnulyame. ‘Anggunce, zaitun yo duk teikitceura, el mek pia teleb uplye ning dobuka, na Allah ati, si erena ap, ninye ap neika elana aik, noutamuk yanuka, upna delinamlume. Weisa pia teleb ubuka lana ati ara, zaitun yo duk purubikiba, minyak mek kiplyeura, teleb ninguk arelyanganamlume.

Keluaran 38:6

Cang yo bobana ati ara, akasia yo arye memebuk. Winibukopura, ayo bol deice ara, urasin teleb kat ning, perunggu arye taplak deibuk.

Bilangan 4:16

Imam nang, sik weik deiyoknye Harun, el mi Eleasar biryuk, yupu nyanamlule. Ara, upna lana ati, minyak mek likuka delinamak ning ap, tonda Allah morona ati, siltong teleb ning, uku dalamak ning ap, Allah aren gandum do, yuk yala ning do, Allah ati aren talak arye, pil dolamak ning ap, ninye deiyok kina ati, teleb minyak mek, sik kisok deice dikilongolamak minyak mek ap, apil ton talibuka donamlule. Tonda, Allah ap, ninye ap eldana ati, tenda arye dolamak aik delinyak ning ap, anyaik pum noutam delinyak ning ap, anyaik noutam arye, pil dona ati talinyak ning nirya ap, anyaik noutam unamle ning ap nirya ara, el anye birye, apil nirya talibuka donamlule.