Keluaran 25:3 - Eipomek

³ Ara, urasin pia teleb kat deken ning, el si ara, emas ap, namin deken ning el si ara, perak ap, tonda, kat ning el si ara, tembaga ap, aning nirya boyanuka, arelyanganamninyake.

Keluaran 25:3 ပူးပေါင်းရင်းမြစ်များ

Ayub 28:2

Kat ning el si ara besi, aning babye, ninye arye tuku noutam palibuka donyake. Tonda, yuk yala kat ning, el si ara tembaga babye, tuku pum bukni, kat keil pum tam arye palibikirye donyak bukni, adeiyok ning doprobikirye, ‘Pia teleb kipdeipnamapʼ tenen, uku dabikceba, keil pereng-pereng nyaplya deice arye, talye keil ara, diplyeba, pia teleb ninguk, el si ara tembaga tuba auplyopura, aning ton kintinibuka dolonyake.

Keluaran 25:2

Ance, sik Israel nang nirya ati nyapnulyame. “Allah arye nyapsile. ‘Anggunce aning-aning nirya bulubuka, na si erena ati, teleb aren ning bulubuka, na Allah dam boyanganamnyake,’ nyapmasile, nyapdeipnulyame. Ara, yata nang do nirya, sik talima noutam arye, ‘Aning ara, na ni Allah ati winibuka arepnune,’ tenebikce ning ara, nati adiparyuk, arelyanganamninyake.

Keluaran 25:4

Tonda, urasin pia teleb kain, el si ara lenan ap, kain win tapu, el si ara, wol ap arelyanganamake. Ara, lenan kain ap, wol tapu warna biru ap, warna unggu ning ap, ining bi ning warna merah ap, arelyanganamake. Tonda, Kambing potong arye wibik baju ap, boyanuka arelyanganamake.

Keluaran 28:5

Abaju wina ara, sik adiparyuk, baju win tapu el si wol tapu, el urasin ara, mirin koprop warna biru ning ap, mirin unggu ap, ining bi ning ap arye dobuka wipnamake. Tonda, urasin teleb ning, emas deice arye memepmace baju, tapu arye dobuka wipnamake. Tonda, pia teleb namin baju, el si lenan, abaju wina ati dobuka wipnamake. Allah arye Musa biti nyabuk.

Ulangan 8:9

Amutuku noutamak ara, kwaning pia kum patapnamsile. Anggun patapsilye touk, dinamlume. Ton kumu kum danamsile. Amutuku noutamak ara, tuku pum tam palipmunyopura, keil noutamak ap, mutuku taram noutamak ap ara, palipmunyopura, kat dekna weik ning, el si ara tembaga ap, besi ap, aubuk ati, anggunce aning palibuka dolonamlulume.