Musa el yamal koproba Yitro birye, Musa el kil Sipora ap, tonda Musa el mapu bitinye ap, bobuka Musa dam yayik. Ara, Musa ulamukak, pata weik mutuku, mek kum ati, ninye kum ulamik mutuku bukni, weik mutuku Sinai mutuku dam yayik. Ara Allah Yahweh elda malye ning tonok babye kum ululnye anya arye, amutuku deice arye, yanuka yupu nyabuka ati, amutuku ati, ‘Pia teleb koprop mutuku,’ nyalamik. Atalak ara, Musa birye, tia ati tenda arye dobuka ulamuk asik dam yayik.
Keluaran 24:13 - Eipomek13 Nyabukura, adiparyuk Musa ap, el melinanye Yosua ap, Allah el unak, Sinai mutuku welebirik. အခန်းကိုကြည့်ပါ။ |
Keluaran 24:13
10 ပူးပေါင်းရင်းမြစ်များ
Atalak ara Musa birye, ‘Allah ap epdanamanam’ tenen, Sinai mutuku dup welebuk. Allah el si Yahweh arye Sinai mutuku dup deice, Musa biti yukubukce nyabuk. “Anyapnukin yupu ara, Yakub birye deibukba, dadeipdanin yangalamika ani, atalak unyak Israel yala ninye ati, koulukuka bimince, nyalbinamlyame,” nyabuk.
Musa bira, el yamal koproba si ara, Yitero ulamuk. Yitero bira, Midian mutuku ninye ati, Allah arena deiyoknye ulamuk. Atalak ara, Musa el yamal koproba melina ati, Yitero el domba basam, Midian mutuku noutamak weilamuk. Atonun ubuka, amutuku ninye kum ulamik mutuku otam binuka, mutuku si Horeb mutuku yana, domba basam weilbiyuk. Amutuku ara, Allah arye yupu nyapdeiamsuk mutuku dam nyalamik. Asukum binuka, domba basam weilamuk.
Musa ap, Yosua ap, amutuku dup arye koulukrik talak ara, Israel ninye arye tuba malye-malye wininmikce, weik yupu nyanmekba, Yosua birye ayupu kekebukopura, Musa biti nyabuk. “Se, yupu kekepmana ara, ninye arye olanmakirye, lelim nyalamak touk nyanmaka ati ara, Israel ninye unmakak olanmakba kekepne,” nyabuk.
Musa ap, Allah el si Yahweh ap yupu sisiklamdik talak ara, ninye ton el kwit ap, yupu neika epdakirye, sisiklamdaka atonun winilamdik. Yupu akunum talipnopura, Musa tamubuka Israel ninye ulamikak balamuk bukni, el melinanye el si Nuk arye deiamuk mi, kamnye el si Yosua bira, Allah ap ansinibuka yupu sisikna aik damuk ulamuk.
Atalak ara, Allah el si Yahweh arye, Harun biti nyabuk. “Anda ninye kum unyak mutuku noutamak bimince, an weit koproba Musa ap, epdanamarurume,” nyabuk. Nyabuka ati, Allah arye nyapmok touk, Harun kekebukce, amutuku binuka, Allah min yuma talak yanuka tikamuk mutuku dam biyukba, Musa ap epdarikce, Israel ninye ulamik touk, sik telebe nyana ati, Musa biti mutubuk.
Lak nyabukba, kekebikce, ninye si Nun, elce deiamuk mi, el si ara Yosua birye, Musa dam binuka nyabuk. “Na nio, ance na deiyoknye ulyame. Sik abitinye nang nyanmal ning ara, ‘Nyana kume, batakrurume,’ nyapminba, yupu tana bataknurake,” binuka laka nyabuk. Ura, Yosua bira, el mitik karin ulamuk atalak arye, deiyok koubuka, atalak noutamak nirya, Musa el melinanye ulamuka ati, ayupu minopce Musa biti, laka nyalbiyuk.
ကြော်ငြာတွေ