Keluaran 24:1 - Eipomek

¹ Allah el si Yahweh arye, Musa biti nyabuk. “Harun ap, Nadab ap, Abihu ap, tonda Israel ninye sik deiyok nang, wisi-wisi nang yupa bitinye keba nakub dikin (70) ap, Sinai mutuku welepnulum bukni, sik anang ara yukak tikikirye na si erepnamniake,” nyabuk.

Keluaran 24:1 ပူးပေါင်းရင်းမြစ်များ

1 Tawarikh 6:3

Kohat birye deiamuknye Amran, el mapu ara, mapu bitinye deiamuk. Ara Harun ap, Musa ap deiamuk. Tonda elce deiamuk kilmu ara, Miryam deiamuk. Harun bira mapu dumbarye deiamuk. Ara, Nadab ap, Abihu ap, Eliazer ap, tonda Itamar ap deiamuk.

Keluaran 1:5

Sikda, Yakub el mapu ara, yupa bitinye kepropnye nakub dikin (70) ninye, Mesir mutuku biyik. Sik nirya Mesir mutuku biyik talak ara, Yusup minopce binuka ulamuk.

Keluaran 19:20

Allah el si Yahweh arye Sinai mutuku dup deice koulukukce, Musa biti yukubukba, Musa amutuku dup welebuk.

Keluaran 19:24

Nyabuk buk, Allah el si Yahweh arye tamubuka nyabuk, “Koulukminba, Harun ap tamubuka yanururume. El ap, an ap tamubuka yarumunye bukni, narye wipnamne nang, ara Allah ap, ninye ap ansinilina deiyok nang, sik imam nang, yuk ning ap ara, amutuku dam yangana kume. Tonda Allah el aik pum pil don nang ap, talye ninye nirya ap, ‘Se Allah el si Yahweh eiptibye’ tenen, malya kibuka yangana meme. Narye “Amutuku ara memak” nyapsak bisibuka yangana kume. Sik yacopura, anang ara wenena ning weika arye arepnamne,” Allah arye nyabuk.

Keluaran 19:9

Anyalbiyuk talak ara, Allah el si Yahweh arye tamubuka Musa biti nyabuk. “Na, an dam yanamna ara, weik dua kan-kan yanamne. Dua noutamak yanirye, anti yupu nyapkiniba, Israel ninye nirya babye kekenamniyake. Wininamna deiyok ara, wini talak ara, na yupu an dam nyapkiniba, Israel ninye nirya eibikirye kekebikcopura, anti, ‘E Musa bira, Allah el pil dolinye’ tenen, diba tenebuka kekenamkiyake,” nyabuk. Nyabukura, Musa birye sik Israel ninye arye nyapmik yupu, Yahweh ati laka nyabuk.

Keluaran 20:21

Israel ninye nirya ara yukak arye binuka tikuka dinmik bukni, Musa bira, weik dua kunukmokak noutamak, Allah dam biyuk.

Keluaran 24:15

Nyabukce, Musa Sinai mutuku welebuk. Welebuk talak ara, weik dua koulukukce amutuku nirya langdibuka libuk.

Keluaran 24:2

“Musa an dem, na dam yana weleyanamlyame. Bukni, Israel ninye anggun deiyok nang ap, ninye si nyapmakin nang ap, Israel mutuku ninye nirya ap ara, na dam yangana meme. Tonda, Musa ance amutuku welepminye talak ara, yuk nang nirya ara, amutuku kum weleyatinge,” Allah el si Yahweh arye Musa biti nyabuk.

Keluaran 24:9

Akunum winibukopura, Musa ap, Harun ap, Nadab ap, Abihu ap, tonda Israel ninye sik deiyok nang, wisi-wisi nang yupa bitinye keba nakub dikin (70) ap, Sinai mutuku deice welebik. Ara, ‘Israel ninye kalikuka melisulul Allah dilbinuyap’ tenen, welebik.

Keluaran 28:1

Allah arye, Musa biti nyabuk. Israel ninye kan-kan arye, an du Harun ap, tonda, el mapu ara, Nadab ap, Habiu ap, Eleasar ap, tonda Itamar ap nirya ati, anang arye Allah ap, ninye ap, eldana ati, ‘El si eren aik pum tam, pil donamakʼ tenen, ance ananguk wipdeipnamlyame. Winipminyopura, sik anang ara, na Allah si eren aik pum tam, na dam mambul pil don nanguk unamake.

Keluaran 3:5

Nyabukura, Allah arye Musa biti, “Asukumuk tiklyame. Dam aton kum yatume. An na dam kum yanapminye talak ara, an yan bol deice ning kwiriploplyame. Deiyok ara, antikmalamak arye, “Na unmanak ara, pia mambul sukum ati, kum yatume,” nyabuk.

Keluaran 34:2

“Memebuka, kintinip deipmaminye buk, ambusum beren tam ara, Sinai mutuku deice welepnululume. Mutuku dup welebuka yanuka tikmaminyeba, epdananame.

Keluaran 6:23

Harun arye domuk kil, el si ara Eliseba. Ara, sal si Aminadab birye deibuk kilmu atia. Eliseba el ka bira Nahason ulamuk. Akil Eliseba birye deiamuk mapu ara, dumbarye ulamik. Sik si ara, Nadab ap, Abihu ap, Elieser ap, Itamar ap, winibuka nang ulamik.

Yehezkiel 8:11

Tonda, sikce amalye weik ning urasin atonun sekuka deiamik ning dam ara, Israel mutuku noutam talibuka, ninye deiyok-deiyok kibuka, sik taleamik nang ara, tujuhpuluh (70) nang, asukum tikmekba eipse. Tonda, Safan elce deiamuknye Yaazanya babye, asukum unmok. El ap, aunmek deiyok-deiyok nang nirya ara, siltong pia teleb lelamle ning, boyanmek makau ara, uku dinmokce, tulum welemok ning ara, sik aninye deiyok nang arye boyanmekba, siltong teleb tulum welemokba eipse.

Bilangan 11:16

Musa birye nyabukura, Allah el si Yahweh arye, tamubuka Musa biti nyabuk. “Israel deiyok nang, akunum kel kiamlum nang ara, wisi-wisi nang ap, deiyok nang ap, yupu lipsisikuka bokolina deiyok nang ap, yupa bitinye keba nakub dikin (70) nang bulubuka deipnalyame. Winipminyopura, anang bobuka, na si erena ati, cang kain bol aik, ninye ap, Allah ap, ansinilina aik dam boyaminba, an ap, na dam yanuka tiknulyame,” Allah arye nyabuk.

Lukas 10:1

Yesus arye, ‘Na aminyan peterelbanamne mutuku nirya ara, sik minop peterepra banamake,’ tenebukce, el mapu yupa weik, 70 nang wibuka dopdeibuk. Anang ara, bitinye-bitinye kibuka, weik asik dolamikak, weik kota ap, tonda ninye mitik ulamikak ap, dopdeibuk.

Lukas 10:17

Nyabukura, sik anang arye peterepra balamika ani, tamubuka Yesus dam yayikce, weik kanye deibikura, ayupu nyabik. “Se, naio ninye talyamuk isa babye, nunce an si deice arye yupu nyalamubu ura, kekelamikce, nun nyapne touk winibike. Nun mikip arye nyabupu ura nun yupu kekebuka nun amutamuk kipdobike,” nyabik.

Ulangan 1:15

Ati ara, anggun ap ululum nang noutam arye, ninye deiyok ning talibuka upmanto nang, teleb nang akunum wipdeipmamunye nang ara, narye anggun awipdeipmamunye nanguk dopropnirye wipdeipniba, sikce anggun talipsikiba unamlume. Anggunce akunum wipdeiplum nang ara, kel bikin ning ara, weik tonun kel bikamik nang, tonda min arye pil dolamik nang, tonda moubuka tenebikirye, pia teleb ubuka, pil dolamikce nang kintinipmalum nanguk dopdeipsise. Anang aryuk, sik ninye deiyok talibikirye, anggun Israel ninye deice tam ubikirye, talinamsiyake. Sik anang arye, yupa yuk-yuk bukni, anggun Israel ninye yupa weik aunmalum touk noutam arye, seribu nang ton bokuka, yuk-yuk kibikirye talinamake. Tonda, anggun noutam arye ton deiyok nang arye, anggun kan-kan arye, seratus nang ton bokuka, yuk-yuk bokdeibikirye talinamake. Aning atonun, tonda lima puluh nang ton, bokuka, yuk-yuk bodeibikirye talinamake. Tonda, yuk deiyok nang arye, sepuluh nang ton bokuka, yuk-yuk bokdeibikirye talinamake. Tonda, yuk deiyok nang ton wipdeipniba, anggun yala yuk-yuk aumunya atonun, anggun deiyok talibuka un nang ton wipdeipniba, sikce talipsikiba unamlume.