Keluaran 22:8 - Eipomek

⁸ Bukni, aning upula dopmalinye kum eibicopura, “Aning ara, tia ati deipnilyame,” nyapmalya ati, bobinuka deipmalye aik deiyoknye biti dobuka, yupu lipsisikna deiyok nang dam bobicopura, asipdenamake. Ara, ‘Anyaik pum deipmok ning ara, anyaik deiyoknye, el taruk arye talibuka deipmok ati, aning ara, elcuk upula doprobuk do, kum do?’ tenen, asipdenamake. Asipnamaka ati, anye dobuka, Allah si eren aik dama bobikceura, adeiyok nang arye ayupu ati, lipsisikuka bokolinamake.

Keluaran 22:8 ပူးပေါင်းရင်းမြစ်များ

1 Raja-Raja 8:31

“Winipmanto, tonoknye birye, el ka biti, malye uplyopura, deiyok nang arye, ‘Aning lipsisikilina ati, weik yupu nyapnamlyame,’ nyapdeipminba, anye anyaik dam yalirye, an arena ati pala keil yangapdeiamikcak tiklirye, weik yupu nyanamle talak ara, ‘Ance kekepnamlam’ tenen, moropkine.

1 Tawarikh 23:4

Sik Lewi yala nang nukukopura, sik anang arye bokuka dua puluh empat ribu (24.000) nang ton wibuka, Allah Yahweh el si eren aik noutam talibuka, pil dona ati deiyok nang kipdeibuk. Tonda, aLewi yala nang kan-kan arye, yuk yupa ton wipdeibukba, sikda enam ribu nang (6.000) kibuk. Anang ara, anyaik deiyok nang unamake. Ton nang ara, ninye yupu lipsisikuka bokolina deiyok nang unamake. ‘Apil talibuka Allah si eren aik pil don nang unamakʼ tenen, wipdeibuk.

Mazmur 82:1

Ninye si Asaf birye, aMazmur mot yupu sekuk. Asaf birye nyabuk yupu ara, ani. Im deice bukni, ninye yupu bokolinyaka ara, Allah el bulyak arye, tikuka yupu nyapdeibuk. Ara, im deice unyak weik deiyok kibuka, mikip weik unyak nang bulubuka deibukce, sikti, wenen yupu bokuka, arebuk.

Keluaran 21:6

Winiplinye bira, el deiyoknye birye adiparyuk bobuka, Allah el si eren aik dam bobinamlule. Akunum bobilyopura, adeiyoknye birye, el aik bublan dam ayukumna yo ikamicak binuka, ‘Asukum tiklyame nyaplyeba tiklyopura, el deiyoknye birye, kat ning tatce kecamice ning doplirye, apil melinanye el amul potoknamle. Winibuka potoklirye, bitinye kiplyopura, el apil melinanye birye, anyaik deiyoknye biti, pil melibuka donanye pia unamle. El kam unamle talak nirya ara, anyaik deiyoknye birye, dekne ning ton kum arepnamle bukni, pil tuba melibuka donamle.

Keluaran 22:28

Allah Yahweh ati, malye-malye yupu nyabuka, el deice arye pia kum nyanamlume. Tonda, amutuku noutam ninye deiyok kibuka talinyak nang ati, “Anggunda, dipkoprob malye nang ululume,” nyabuka, kum nyanamlume.

Keluaran 22:9

Tonda sapi basam do, keledai basam do, domba basam do, akumopura, baju do, tonda, yuk yala ning nirya do, aning nirya, wangamlibuk, doproplyopura, ninye arye, “Kume, aning ara, an ning kume. Aning ara, na ningak ubule doproplume,” nyabuka, nyalamarikcopura, sik anang bitinye dobuka, Allah Yahweh si eren aik dam bobice anye, anyaik yupu lipsisikna deiyok nang arye, “Kume, Allah elcuk, dipkoprob aning ara, ani. Ara el ning kume,” nyabuka, wibuka yupu bokolinamake. Sik adeiyok nang arye, “Anye el ning kume, elce talye yupu nyanmale,” nyabikinye bira, elce el kwit ati, dekna ara, weika arye ton ap tabakuka, bitinye kibuka arepnamlule.

Ulangan 16:18

Sik Israel yala ninye nirya ati, ‘Sik amutuku noutam unamakʼ tenen, Allah arye arepsukba, asik dobuka ululum mutuku nirya ara, aululuma atonun, anyasik noutam arye, anggun yupu lipsisikuka bokolina deiyok nang ton, yuk-yuk wipdeipnamlume. Tonda, Israel nang, anggun unamlum noutam arye, malye upmunyeba, adeiyok nang arye, ayupu kekebikirye, lipsisikuka bokolina pia teleb dipkoprob yupu nyapsikirye, tamubuka tonap teleb kipdeipnamsiyake. Ati, ‘Ninye yupu lipsisikuka bokolina deiyok nang melibuka yupu bokolinamakʼ tenen, adeiyok nang ton wipdeipnamlume.