Atalak ara, Daud adiparyuk, Bahurim mutuku dam biyuk talak ara, ninye ton Gera, el mi Simei bira, Saul el tam nang arye deiamiknye binya arye, anye bira Daud dam yayukce, Daud biti malye yupu nyabuka, weik arye minipdongobuk. Ara, ‘Na nyapnye yupu deice arye, el nong deice ikin weik upnamle’ tenen, malye yupu nyabuka minipdongobuk.
Keluaran 22:28 - Eipomek28 Allah Yahweh ati, malye-malye yupu nyabuka, el deice arye pia kum nyanamlume. Tonda, amutuku noutam ninye deiyok kibuka talinyak nang ati, “Anggunda, dipkoprob malye nang ululume,” nyabuka, kum nyanamlume. အခန်းကိုကြည့်ပါ။ |
Keluaran 22:28
28 ပူးပေါင်းရင်းမြစ်များ
Nyanmokba, yuk ninye ton Zeruya el mi Abisai birye Daud biti nyabuk. “Se na nio. Anye birye malye nyapkil ning ara arando? Elda talye diamlye kam atonye birye yanuka anti malye yupu nyabuka an nong deice ikin deilinmakilarye, sunmakil bukni, na ni ance namin kilongonmalam ning ara, yata ati do? Anda nun weik deiyoknye Raja ulamsilama ati, ance nyapsiminba, nara an amu tam melinanye birye, ounmalanye el ya arye sekelbinune,” nyabuk.
Nyabukopura, Zeruya, el mi Abisai birye, ayupu kekebukce, nyabuk. “Kume, Allah el si Yahweh arye, ‘Ninye deiyoknye, Raja unamle’ tenen, wipkuk bukni, anye Simei birye, minop talak pia malye yupu nyabuka, an nong deice sulongon yupu deipkuke. Aning akunum winibuka ati ara, teleb ning ara, adiparyuk anye oploptibye,” nyabuk.
Winipmunyeura, el bukmalya urasin dam ara, malye nang bitinye ton melibuka el dam deipmunyeba buknamarake. Amalye nang bitinye arye, ‘Nabot opting’ tenen, tilila yupu deice, “Nabot, ance Allah si deice ap, amutuku ninye deiyoknye Ahab si deice ap, minop yupu nyaplumba, kekebupu ati ara, anda opnamakiyabe,” nyabuka, tilila yupu nyapnamarake. Winipmamunya ani, Nabot bira anggun nirya dinmamunyak arye bobuka, buru tam bobimunyopura, keil bubukapmunce, binuka donokuka opmunyeba, Nabot bira dipnamale,” nyabuka Isebel birye sekeibuk. Asurat sekuka dopdeibukba, Nabot ulamuk mutuku deiyok nang nirya eibik.
Ati ara, Allah ance, nun kekena ati, lo tuba aupmasilye talak ara, anti, ‘Nun malye ning namin kipsimince, teleb kipdeipnamsilame,’ nyabuka moronamabe. Ara, ‘Allah arye nyasilye touk, wininamabe’ tenen, teleb kibuka, diksukum wininyak ninye arye, anti moropkicopura, ance sik morobice touk, wininamsilame. Winipmanto ara, ninye kum tenebice talak, mek weik arye oplye talak ara, mutuku kon deice unyak ninye ara, weik mek adiparyuk, sik aik nirya palibuka, kum daklamle. Aninye ara, mek kum dilule. Aning atonun, nun malye wininyap ning, akunum namin kipsimince, teleb kipdeipsiminba, aminyan talak, weik ikin wenena ning, tukwak ninye dam yalyopura, nun melipsiminba, diksukum wininamap ninye ati, kum oplonamsilame. Aning ara, nun dam kum yanamle.
Kanaan mutuku noutam binuka unamlum talak nirya ara, anggun min yubuka deipnamlum mapu nirya ap, tonda anggunce weipnamlum kam ulye ning aning-aning nirya ap, sapi basam do, domba basam do, aning nirya ara minyuma winiryuk deipnamle yim ning nirya ara, Allah Yahweh ati adiparyuk bobuka, tamubuka arelyanganamlume. Ara talye ati kume. Amin yuma ning nirya ara, Allah Yahweh, el ninguk ulule ati nyapsine.
“Anggunce min yuma deipnamlum mapu nirya ara, natibuk arelyanganamnulume. Ara, anggun Israel ninye arye minyuma delilamlum mapu nirya ap, tonda, anggunce weilulum sapi basam do, domba basam do, anggunce weilulum kam ning aning-aning nirya min yuma deiplye ning yim yala nirya ara, natibuk tamubuka arelyanganamnulume. Ara, aning nirya ara, na ninguk unamlula ati, natibuk arelyanganamnulume.” Allah arye Musa biti nyabuk.
Tonda, anggun wa wibuka kouamunya, min yuma yongobuka lipmunye sum kiplyopura, ‘Nun ni Allah arye, arisulul ati ara, el siuk erenamabʼ tenen, asum akunum uplyeura, wa wiamunye Winye Ning libuka kwalipmunce, na si erenamnulume. Tonda, keting tamun akunum sirya daklye talak, anggun wa kouamunye ning sirya dakna ati, libuka deipnamlum talak ara, ‘Asum ara, weik sumʼ tenen, bai tam tia ati doltakan aik dopnamlume. Atalak ara, ‘E ara weik sum kipmaleʼ tenen, wa wiamunye ning libuka yana deipmunce, Wa Wiamunye Ning, Sirya Dakna Kwalya kwalipmunce, na si erenamnulume.
Aketing tamun, aketing tamun kinamle talak nirya ara, anggun wa wiamunye ning, min yuma ning pia telebnye ara, adiparyuk na Allah ati, na aik dam arelyanganamlume. Nara, anggun ni koproba, Allah Yahweh ununa atia. Tonda, domba basam tup do, kambing basam tup do, yupnamunye talak ara, sik nin yapu moum yung ap, tabakuka yuna meme, nyapsine.
Tonda, amambul yupu ton nyapsine. ‘Ikin ning ara, nun dam yanuka upsilyakʼ tenen ati ara, anggunce anggun mutuku talibuka, ulul ninye deiyoknye biti, sikak suna pia meme. El ti, ninye sun yupu ara, lakak arye nyana babye, anggun talima noutam arye, ‘Supnamapʼ tenen, tenina babye, pia kum teninamlume. Anggun talima noutam tenebuka bataknamlulume. Suna ara, meme. Tonda, aning atonun, bona utotoa talibuka unyak nang ati, ‘Anggunda nun like,’ nyabuka, lak arye nyana babye, anggun man aik pum tam unamlum talak babye, suna ara, pia meme. Deiyok ara, ani. Winipmanto ara, ato yupu nyapmunyopura, im tam lakuka balamle maka tonok arye, anggunce nyanmamunye yupu ara, kekepsilyopura, anggunce, ‘Anye supnamne,’ tenepmamunye dam binuka laka nyalbanamle do? ‘Winiplyakʼ tenen ati, ato yupu tenina ap, nyana ap ara, pia meme nyapsine.
Akil el si ara, Selomit. Tonda, el li koproba, el si ara, Diberi, el yala ara, Dan yalanye ulamuk. Tonok talak ara, Selomit el mi ap, yuk Israelnye ap, aik dam walanmarikce, taruk arye bokuka olanmarik. Walanmarikce talak ara, Selomit birye deiamuknye bira, Allah Yahweh el si ati, malye yupu nyabuk.
Yata nang do nirya, Allah Yahweh ati, el nong deice malye yupu nyabikirye, Allah ati yanibikce nang ara, sik yuk Israel nang nirya arye, adiparyuk keil dobuka, amalye yupu nyabikce ning ati, opnamlulume. Anyapsin ning ara, anggun Israel nang koproba babye, yuk ninye asik nang do, yuk mutuku arye tikil yangan nang do, anggun kan-kan unamak nang nirya babye, Allah Yahweh ati, malye yupu nyabikce nang ara, sik wenena ati, adiparyuk keil arye dobuka oplopmunyeura, dibinamake.
Bokdonokikbuk, Paulus arye, “Katum boklulume,” nyapmoknye ati nyabuk. “Allah arye, an wenebuka opnamkile. Anda, pun danamuk yo bukni, ‘Urasin teleb kipnamle’ tenen, kurun mek liklamak abilinga atonun ulyame. Ara, nong bol deice ara, urasin teleb atonun ulyam bukni, an kanye talima noutamak ara, malye ning weik aupmakile nyapkine! Allah arye nyabukura, Musa arye sekamsuk yupu, mem yupu nyasilya atonun, ‘Anye bira, yupu bokdeipnun’ tenen, abukmalam bukni, ance ‘El katum boklulume,’ nyapmalama deice arye, an babye, Allah el yupu yanipalama atia!” Paulus arye nyabuk.
Nyabikbuk, Paulus tamubuka nyabuk. “Se, na kayapu, min arye, ‘Anye bira anye’ tenen, kum kel kepsa ati, ‘Elda, Allah el arena ati weik deiyoknye ulule,’ kum tenepmanue. Ara, Allah arye nyabukura, el yupu laka nyananye Musa arye sekamuka ara, ani. ‘Anggun ninye deiyoknye ati, malye yupu nyabuka kum derenamlulume.’ (Keluaran 22:28) Nyabuka sekeiyamika ati, arup narye nyapmanu yupu deice arye, malye winipmanua ati, anggun merekuka wenepmanulume,” Paulus arye nyabuk.
Ninye arye, sik ‘Na’ tenen ning, delilamak touk, weik wenena ning tia talak ati, tenepce deililul bukni, ‘Aminyan ara pia oplopnamne’ tenen, pia weik arye malye ning tenenyak ninye ati ara nyapnusine. Ara sik nong pataplye ning, malye ninguk tenebuka, talima ap, nong ap, pia malye winin ninguk unyake. Winibuka unyakce, sik deice tam unyaka deiyok nang nirya ati, ‘Nun like,’ tenebuka yaniltanyake. Aninye ara, pia lik tenebuka, sik kanye weik arye erenyaka anya arye, sik ilil-ilil una kum arye, Allah el im deice pil donyak ninye malaikat ap, yuk ninye deiyok nang atouk, im deice unyak ninye ap ati, talye luba kibuka, sik nong deice malye yupu nyabuka, ikin ning sik nong deice delinyake.
Ara, anyapmasin ninye, sikce sik bidamnang ati malye winilalamik atonun, tilila nang anggun kan-kan yayik nang ara, sik malye wininyak ning deice arye, sik nong ati malye kilildanyake. Anang ara, dipkoprop kum elilamik bukni, ‘Yuk nang arye weik nang tenepnamsiyak’ tenen, “Nun eibupu ning, weik mambul ning ani, ani,” nyabuka, ati malye nyabuka nong kum upnamle yupu, talye yupu nyaltakanyake. Winibikirye, ‘Allah ara, nun deiyoknye kum upnamsil’ tenen, elti, yaniltanauk unyakce, im deice pia teleb ning ati malye nyanyake. Tonda, anang aryuk im deice Allah arye nyapdeiplibuk pil don nang, malaikat nirya ati, malye yupu nyanyake.
Arup an asing aniryuk akunum dinmalamce kel bikmalame. Anda akeil deiya pum tam binmom talak ara, nun ni Allah, el si Yahweh arye na dam arepmanuba, na taruk arye akunum opmakitinye bukni, kum opmakine. Arup talak akeil deiya pum tam unmom talak ara, ton nang arye, ‘Akunuma, Saul oplyame,’ nyapmaniyak bukni, kum opmakine. Narye, ‘Kume, na ninye deiyoknye Saul bira, Yahweh arye ‘Anye bira Israel ninye talibuka sik Raja unamle’ tenelamukce, Saul wipdeiamuka ati, elti, kum optinye,’ nyapmanue.
Ikin kanye bobukce, el yin talin nang ati nyabuk. “Kume nun ni Allah el si Yahweh arye, minop talak arye, ‘Israel ninye sik Raja unamle’ tenen, Saul wipdeiamsuka ati ara, Saul bira Allah elce erepdeibuknye tuba ulula ati, na deiyoknye ulule. Nara el amu tamnye unune. Ati ara, narye Raja Saul biti malye kum kipdeiptinye. Tonda narye Saul biti kum optinye. Winipnyopura, Allah arye nati wenepnilyake. Ati, Saul el baju mouse tam sekmanu ning ara, dipkoprob malye winipmana anya arye, ‘Allah arye wenepnilyak’ tenen, na malye kanye bopne,” nyabuk.
Bukni, Daud birye tamubuka, Abisai biti nyabuk. “Kume, ance aning tenepmalama ara, kume. Anyapkina ara, talye ati kume. Deiyok ara, ani. Ara, Allah Yahweh arye, ‘Raja kipnamleʼ tenen, akunum wipdeibuknye, opminyopura, Allah elce awinipminye ning ati, ‘Dawaplye,’ kum tenepnamle. Aning kum bukni, ‘Dipkoprop tamubuka, wenepkilyakʼ tenen ati, winina kume.
ကြော်ငြာတွေ