Keluaran 22:12 - Eipomek

¹² Bukni, upula don nang arye, awein ning tia dopropmalinye, el aik arye, dipkoprob ubula dopropmakiba, abasam tiya ati weilamlinye birye, abasam el deiyoknye, aning pununa ati, dekna arepnamlule.

Keluaran 22:12 ပူးပေါင်းရင်းမြစ်များ

Kejadian 31:39

Bura yu kam arye, an kam un ning olamik talak ara, sik nong dobuka, an dam kum boyase. Na weilamse ning noutamak bokuka, sik nong punulamse. Tonda, keting noutam do, lukunyan noutamak do, yuk nang arye, an kam un ning ubula dopropnopura, ance nati, ‘Dekna arepnilyame,’ nyalamnulumba, punubuka arelamkise.

Keluaran 22:11

Winibuka wenebica ati ara, awein ning tia ati, dopropmalinye bira, minopce Allah si eren aik bilirye, Allah Yahweh kekenak arye, nyanamle. “Kume, Allah Yahweh arye dinmanilak, dipkoprob nyapne. Na kwit birye na ati, ‘Ance, na ning tia weinamnilyame,’ nyabuka moropnukba, weilamse ning ara, na bai tam upula kum dopropse. Tonda, narye kum opse,” nyapnamle. Nyaplyeura, abasam deiyoknye bira, ayupu kekeplirye, ‘Dipkoprop nyapmanile,’ tenenamle. ‘Aupmal do, kum do?’ tenen, pia tuba-tuba kum tenenamle. Aning tia ati weilamlirye, kaliklamlinye birye, “Na kume,” akunum nyaplyopura, akunuma. Abasam tia ati weinmalinye birye, abasam deiyoknye ati, aning pununa ara, dekna kum arepnamlule. Sik nirya arye, ‘Akunuma,’ tenebuka unamake.

Keluaran 22:13

Bukni, tia ati dopropmalinye birye, awein ning weilamlibuk, adomba basam do, sapi basam do, bai tam ulye kam ning, pia yu weik ning arye, abasam yanuka obuka dipmalirye, sekdoba batakmalye ning ap, yok toto seklopmalye ning ara, ‘Dip obuka dipmalʼ tenen, kel bikna ati, aning seklopmalye ning dobuka yalyopura, abasam deiyoknye birye, aobuka dipmalya, akunum eiplyopura, tia weilamlinye birye, abasam deiyoknye ati, dekna tamubuka, kum arepnamle. Aning kum punupnamlule.

Keluaran 22:7

Tonda winipmanto, tonoknye birye, el kwit ati, “Na kwit, ance na ning ara, yo bok do, yuk ning do, ‘Yuk nang arye upula dopropnicakʼ tenena ati, arepkiniba, an aik tia ati deiaminya ani, aminyan talak tamubuka dopropnamne,” nyapliba, bobinuka deipmalibuk, upula don nang arye yanuka, aning dopropmakiba, enmaca ani, aupula dopmalinye akunum eibicopura, aupula dopmalinye birye, deiyoknye punuka arena ati ara, aninguk bukni, tuba tonap, bitinye tabakuka arepnamlule.