Nyabikopura, sik Midian mutuku dekna ninye, Ismael yala ninye, Yusup el du yapu unmik dam yayikura, el du yapu arye, tuku pum bisik dopkwetepmekak anerye, Yusup dobuka, sik Ismael ninye ati dekik. Dekikura, el du yapu arye, dekna weik ning, el si ara, perak seperempat kilo doprobik. Ismael ninye arye, Yusup bobuka, Mesir mutuku bobiyik.
Keluaran 21:32 - Eipomek32 Winipmanto ara, ninye melina ati, yo bok deice arye dekuka deibikiba, dekne ning ton dolona kumce, talye pil melibuka dona ati, pil dolamice ninye do, kilapu do, asapi basam el kisok deice tace ning aryuk mangkau asa opliba, diplyopura, asapi basam deiyoknye birye, keil uang weik ning tiga puluh perak dobuka, apil melinanye, opmalya el dekna ati, ‘Pil donamnilʼ tenen, yo bok arye dekuka deiamlinye biti, arenamlule. Areplyopura, asapi basam deiyoknye kum opnamlume. Bukni, asapi ara, adiparyuk keil dobuka opmunyeba, dipnamlule. အခန်းကိုကြည့်ပါ။ |
Keluaran 21:32
9 ပူးပေါင်းရင်းမြစ်များ
Anyapman touk, ayim sapi basam arye, el deiyoknye el mapu do, kilmapu do, atonun opliba dibiceura, asapi basam babye, adeiyoknye bira, sik wenena ati keil arye dobuka onamlume. Bukni, yuk nang arye, “Kume, el kum opnamlum bukni, yo bok winibuka arepnamsile, nyabikiba, elce areplyeura, akunuma. Elda kum opnamlume.
Yatanye do, el mek dina ati, mek kwen tuku luklyopura, alukamlye mek sibaru dam ara, siknipdongopnamlule. Tonda, yuk nang arye, mek kwen tuku lukamice ning, eiplirye, sibaru dam siknipdongamice, bublan dangaplobuka, mek kweplyeura, abublan kin-kin tamubuka siknipdongopnamlule. Bukni, apum tam bublan kum siknyamicopura, sapi basam do, kil sapi do, tonda keledai basam do, mangkau banmalya ani, abisik saklyopura, mekwen tuku pailyamlinye bira, wenenamlume. Tonda, abisik bublan kum siknipdongopmalinye babye wenepnamlume. Ara, adipmalye basam pununa ati ara, yo bok doplirye, abasam talibuka weilamlinye biti, arenamlule. Yo bok akunum areplyeura, abisik sakmalye basam ara, el yo bok areplinye binyuk, adipmalye sapi nong ara, dopropnamlule.
Utenepsa ati ara, narye Anatot mutuku tuku ara, na mam koproba mi, na ka Hanameel birye taleamuk tuku, el dam arye dekse. Amutuku tuku dekna ati, Hanameel biti arepse deken ning ara, tujuhbelas (17) uang perak arye dekse. Adekse talak ara, ‘Amutuku tuku ara, akunum dekmaleʼ tenen, ‘Biknuniakʼ tenen, ninye ton yukupsiba, sik anang yanuka dinmanik buk, ‘Atuku ara, akunum dekmane,’ nyabuka, tuku dekna ati sekik surat deice, na si sekuka, tanda tanggan kipsa deice arye, atuku dekna ati, sah kipdeipse. Winipsopura, atuku dekse perak keil uang ara, lin ning arye libuka deipsirye, ‘El ikin ara, yate barye kipnul do?’ tenen, timbang kipse.
Yudas arye anang sik dam ninye yupu delilbiyukce ayupu nyabuk. “Yesus opnamluma ati, narye Yesus yukupnirye, arepsinyopura, yo bok yata barye arepnamnulum do?” nyabuka asipdeyuk. Asipdeyukba, sik anang arye, “Winipsiminyopura, keil uang dekna weik ning, yupa winilye 30 arepnukiyabe,” nyabikce, akeil uang nukuka arebik.
ကြော်ငြာတွေ