Keluaran 2:5 - Eipomek

⁵ Daunmok ani, Firaun el kilmu Nil mek keknuyuka ati, yayuk talak ara, minopce mek kum yana kekuk. El melina kilapu ara, mek kup-kup talye banmek. Firaun kilmu mek keknuyuk talak ara, anyaling kwasa noutamak aupmokak yanuka eibuk. Eibukopura, el melin kil tonok ati nyabuk. “Anda tower aling oupmala ara, bimince dobuka boyanilyame,” nyabukba biyukce, dobuka boyayuk.

Keluaran 2:5 ပူးပေါင်းရင်းမြစ်များ

1 Raja-Raja 17:6

Abinuka ulamuk talak ara beren tam babye, sintam babye nirya ara, maka arye kwaning ap, tup ning ap bobuka arelyanagalamukba, dipna arye awamuk mek ap dipra ulamuk.

Mazmur 12:5

Tonda, malye kanye bobikirye, anggunce, “Nun weik kel yupu arye nyapmunyeura, yuk nang nirya ati, malye kipnamabe. Sikda nun amu tamuk unamake,” nyabuka nyanyake. Tonda, sik kanye erepdakirye, “Nun kanye aryuk tenenyap yupu nirya ara, talye lukdanuka nyanamabe. Yata deiyoknye birye, ‘Ance aning ara, winiplyame, aning ara, pia kum winipnalame,’ nyabuka, yupu nyapdeipsutu do? Kume, nun kanye aryuk tenebupu touk unyabe,” nyabuka, maknya kintilanmakirye, nyanyake.

Mazmur 46:1

Mot nyana ati deiyoknye bira, Daud deiyok kipnaba, sik Korah mutuku deipkirikdop nang nirya ara, Allah ati mot nyabuka, si erelamik.

Mazmur 76:10

Ara, an Allah arye, ‘Sik tukwak nang kan-kan bukni, yuk nang arye, sik nong deice ikin ning weik deibikiba, sik kanye talima pia mitanguk unyak nang ati, narye melibuka lyepropnamsine,’ nyaplum talak ara, tukwak nang nirya kekebikce, ilil pia weik ubukba, tunim abuka upmupu.

Mazmur 9:9

Allah arye, na tahkta deice buknirye, aning-aning nirya talepnirye, ‘Aning ara, wininamlume, aning ara, pia kum wininamlume,’ akunum nyapdeipsise touk ubuka, tukwak mutuku unyak nang, mutuku sirya, im sirya nirya ara, pia diksukumuk yupu lipsisikuka bokolinamsine. Atonun, tukwak nang, mutuku sirya, im sirya nirya ara, nunce winilamap touk ubuka, yupu lipsisikuka bokeipsilirye, wenepnamsile. Ati, ton tam nang ati, ‘E, sikda na kayapu’ tenen, kum bataknamle. Tukwak nang nirya ara, bita lakak arye lipsisikuka yupu bokolisulule.

Keluaran 2:6

Tower tapu aling bublan kukuka dililamukak, anyaling pum bisik, ami engenmokak eibuk. Engenmokak eibukce, Firaun kilmu arye ami ati, bicoe tenebuk. Utenebukce, nyabuk. “Kume, ami ara, dipkoprob Ibrani nang mi,” nyabuk.

Keluaran 7:15

Wini talak ara, an Firaun dam biminyopura, beren tam talak el minopce, Nil mekin balamlakuk bimince, ‘El yanul’ tenen, asukumuk binuka dinamalyame. Tonda, an boplum kama deiplopminba, kwatima danalye kama talibuka binulyame.

Keluaran 8:20

Allah el si Yahweh arye, Musa biti nyabuk. Ambusum beren tam bukukapmince, weiknye Firaun mekinak bilye talak ara, an babye bimince, Firaun eipminyopura, nyapnamlyame. Nyapnulyame, “Allah el si Yahweh arye, nyapkile. ‘Israel ninye arye, na si erepnamniak’ tenen, ance aninye ati batakdongopminyeba, binamake.

Amsal 21:1

Allah Yahweh arye, mek kwepdeiamukce, “Na tenepnye touk, teleb kibuka banamlyame,” nyapdeiamukba, wini talak abisikuk balule. Aning atonun, pia ninye deiyok talibuka unyak nang, sik Raja nang babye, Allah Yahweh arye sik kanye talima talilule. Ati ara, Allah arye, ‘Aning winipnamle, aning kum wininamle. Aninye talibuka wininamle’ tenen, kanye deibuka tenelye touk, Raja nang sik kanye talima talibuka tamupdeipliba pil donyake.

Yunus 1:17

Sik anang ara, Yunus dobuka, laut mekwen pum bisik donokikce, ayupu nyabik bukni, ouku weik daupmoka ani, Allah el si Yahweh arye, weik mek pum bal, weik ikan Yunus dam arebukba, amek pum bal ikan arye, Yunus dibuka, amkorokwetebuk. Winibukba, Yunus weik ikan mun pum tam wekukba, ara like winilye mabuk.

Yunus 2:10

Nyabuka morobukopura, Allah el si Yahweh arye nyapdeibukba, aweik mek pum ikan, mekwen kup-kup binuka, el mun pum bisik arye Yunus duklobukba, mekwen katum kutukuka poulyayuk.

Rasul 7:21

Wala winilye deice arye, winilamrika ani, Musa buru tam deiprikopura, Firaun el kilmu arye, Musa dobuka el mi kipdeibuk akarye kwangnalamuk.