Ati anggun malye ululum ning nirya yamubuka dopropniba, dua balamle atonun upnamle. Tonda, kumanya mikip arye pubuka dopliba, dua yukak bobalamle touk, anggun malye winilulum ning nirya yukupdopnirye, kum kipdeipniba, anggun dam kum unamle. Anggun malye winilamlum noutam arye, dekuka lopdeipsisirye, lyepsisa ati, na dam tamubuka yanganamnulume.” Allah arye Israel ninye ati nyabuk.
Keluaran 18:9 - Eipomek9 Musa birye, aning nirya akunum laka nyabukura, Yitro kekebukce, pia kanye weik deibuk. အခန်းကိုကြည့်ပါ။ |
Keluaran 18:9
8 ပူးပေါင်းရင်းမြစ်များ
“Ura, im deice ulul ning nirya ap, tukwak mutuku noutam ulul ning nirya ap ara, na Allah Yahweh arye apil nirya dolamse ati, na si erebuka kinamnululume. Aning atonun, mutuku-mutuku nirya ap, yo palpal ap, talye palamle yo ap nirya ara, kanye deibuka mot sepmunce, na si erenamnulume. Wininamluma deiyok ara, na Allah Yahweh arye, Yakub yala ninye nirya ara, akunum lobuka lyelamse. Akunum lyelamsisa ati, na si erenamnulume. Na teleb kibuka dirina weik unilye ning ara, Israel ninye noutam lak kilinune.” Allah arye nyabuk.
Allah Yahweh, el kanye aryuk, Israel ninye ati teleb kibuka melilamuk ning ara, ‘Ninye nirya kekenamak’ tenen, laka nyanamne. Amambul pil dolamuk ning nirya ati, ninye nirya arye, Allah ati, el si erebuka kinamake. Nun ni koprop Yahweh arye meliamsuk ning ara, kum nukmanto ulul touk pia weik tonun laka nyanamne. Yuk yala ninye ara, pia kum meilyamuk bukni, nun Israel yala ninye ati, weik tonun melilamsuke. Nun malye ulamupu ning ati, talye lukparabuka opsutu bukni, bico tenelamsukce, lyelolamsuke. Allah arye nun Israel ninye ati, batakna pia kumce, weik tonun bico tenesilirye, melisulula deice arye, lyesulule.
Ati ara, yata nang do nirya, anggunce Yerusalem mutuku weik asik unyak nang ati, tenepmunce, kanye pia delilulum nang ara, kanye weik deibuka, pin-pin asa arye unamlulume. Tonda, minop talak yu nang arye yanuka, Yerusalem mutuku weik asik ulubuka sung-sunga buklobikba, kanye imun ubukba, anggunce, ‘Seʼ tenen, malye kanye bobuka engelamlum nang nirya ara, atalak aryuk, anggun Yerusalem mutuku unyak nang ap, tonok kanye bobuka, neikauk kanye weik deibuka, pin-pin asa arye unamlulume.
Anggunce, yuk ninye nirya ati, ‘Na weit yapu atonun unyake’ tenen, kanye talima deipdamunce, unamlulume. Pia kum batakalanamlulume. Yuk nang ati, ‘E, sikda mambul weik bukni, nara mitik mambulnye unune,’ tenemunce, yuk ninye sik amu tam umunce, aninye ati erepdeipmunce, si erenamlulume. Anggun nirya arye, anggun kayapu nirya ati, kanye deibuka si erelanamlulume.
Winibuka kwepdeipsuka anya arye, nun nong noutamak kwepdeipsuk ning tonok ning ton, uk disilyebuk do, opsilyebuk do, winipsilyopura, nun nong nirya, uk disilyeba unyabe. Aning atonun, nun nong noutamak bukni, yuk tam ning ati, “Se, aning ara, urasin pia telebe,” nyapsikcopura, nun nong nirya ati, kanye deibuka unyabe.
Akunum kintinibikopura, Saul birye, sik Keni mutuku ninye ati nyabuk. “Anggun nirya, Amalek mutuku nang noutamak arye, leibuka binululume. Anang ap ansinipmunyopura, na yin talin nang arye, ‘Anggun ap, talye arye kirikuka opsicak’ tenen, nyapsine. Minop talak, anggun apu yapu nang ara, Israel ninye, Mesir mutuku noutamak arye, bisik yangalamik talak, sikti, teleb kanye bobuka, nun apu yapu miliamik. Ati ara, anggun Keni nang ara, Amalek ninye kan-kan ululumak arye, leibuka yukak binululume,” nyabuk. Nyabukba, Keni nang adiparyuk biyik.
ကြော်ငြာတွေ