Keluaran 18:7 - Eipomek

⁷ Ayupu Musa dam laka nyabikba, kekebukopura, tia ati baju arye dolamik aik, bai tam biyukce, ‘Na yamal binyab epdananamʼ tenen, Yitro yanganmok bisik dam biyukce, sik nirya epdayik. Akunum epdayikopura, Musa birye, el yamal koproba Yitro el dam yayukce, ‘Kipnun tenen, ngang kanupdongobukce, Yitro iribuka mutubuk. Tonda, Musa ap, Yitro ap, sik mamum asipdarikce, “Teleb ulyam do, uk ton dikulul do?” nyabuka, asipdarikopura, sik anirya Musa el baju bola arye dolamik aik pum tam wekik.

Keluaran 18:7 ပူးပေါင်းရင်းမြစ်များ

Kejadian 14:17

Abram birye, yu weiknye Kedolamer ap, el tam kiprobik ninye deiyok nang ap nirya, akunum obuka sirya dakukce, el dam tamubuka bisik banmok talak ara, Syabe lyu mutuku noutamak bayukba, Sodom mutuku taleamuk deiyoknye yayukce, sik neika eipdarik. (Syabe lyu mutuku ara, el si ton Ninye Deiyok nang banyak mutuku ton nyalamik.)

Kejadian 18:2

Mangkau kanye bobuka talye bukmokak, anang winilye yanganmekba, eibuk. Eibukce, ‘Si ereipnun’ tenen, tikukukce, sik yanganmek bisik bikbik abuka biyukce, kisok kanupdongobuka bukukce, “Telebe,” nyabuk.

Kejadian 19:1

Asum bukni, keting kumupnuyuk talak ara, sik bitinye nang, ara im deice pil don nang, Malaikat bitinye arye, Sodom mutuku antanap dongobuka wiamik poka bublan dam yarik. Bublan dam yarik talak ara, Lot abukmokak epdayik. Lot birye abitinye nang eibukopura, ‘Si ereipnun’ tenen, tikuka sik dam biyukce, kisok kanupdongobuk. Winipmokce, taruk arebuka, “Telebe,” nyabuk.

Kejadian 29:13

Rahel birye, el li Laban biti, “An mi Yakub yanmale,” nyabukura, kekebukce, ‘Epdanunam’ tenen, bikbik abuka, Yakub dam yayukce, “Telebe,” nyabuka iribukce, taruk talibuk. Taruk talipdarikura, Laban birye Yakub bobuka, el aik koproba bobiyukba, Yakub birye, el wininmok ning nirya laka nyabuk.

Kejadian 31:28

Aninguk kum bukni, ton malye winipnulum ning ara, lo kum arepnulumba, na kilmapu ap, sikce deiamdik mapu ap ati, “Telebe dabilulume,” nyabuka kum kipse. Aning nirya akunum winiplum ning ara, kanye bona kum arye, walwal arye winiplume.

Kejadian 43:26

Aminyan Yusup birye, el aik tamubuka yayuk talak ara, sikce el aik pum kintinipmik ning dobuka elti, arebikce, el kina ati, sik nirya arye, sik nong kanupdongobik.

Kejadian 45:15

Tonda Yusup birye, el du yapu nirya ati, mutubukce, engenauk unmok. Anirya akunum winibukopura, el ap, el du yapu nirya ap, yupu sisikinmek.

Kejadian 46:29

Biyik talak ara, Yusup birye nyapdeibukba, el amu tam pil don nang arye el tuku deice boban ning kintinibik. Kintinibikura, aning deice welebuka bisik banmokce, ‘Na ni bisik noutam epdanamanam’ tenen, biyuk. Biyukura, Gosyen mutuku noutam epdarik talak ara, Yusup birye el li koproba ati iripdobukce, pia weik engenmok.

2 Samuel 11:7

Uria akunum yayukopura, Daud arye, Uria biti asipdeyuk. “Yoab bira, teleb unmal do? Tonda, el mapu, sik yin talin nang ara, teleb unyak do? Sik nirya ara, yata wiribuka, yuk mutuku nang mal oldanyak do? Obuka bisipmak do, kum do?” nyabuka asipdeyuk.

1 Raja-Raja 2:19

Nyabukopura, Batsyeba aning kekebukce, Adonia nyapmok ning ati, Raja dam biyuk. Biyukopura, Raja Salomo minop tikukabukce, kutam tuku dipdongobuka, el lin yanganmok ati, si erebuka kibuk. Kibukopura, Salomo adiparyuk, el buknamok ning, el si takta deice bulbiyuk. Winibukopura, Salomo birye nyabukba, el pil melin nang arye, el lin buknamok ning ati, el si takta dobuka, el sirik tam delilyayik ura, asukum bukuk.

Mazmur 2:12

Aning atonun, anggunce Allah el Mi koproba ati, “Nun ni,” nyabuka, el amu tam umunce, el dam yok sirim talibuka, yana kinamlulume. Wininamluma deiyok ara, ‘Allah el si Yahweh arye wenebuka kum opnamsil’ tenen, wininamlulume. Tonda, ‘Mangkau arye Allah el yu nun deice deipsilyak’ tenen, moubuka wininamlulume. ‘Allah el Mi koproba arye, lyepnamsil’ tenen, el dam unyak ninye nirya ara, sik unamak ning nirya ara, telebuk unamle.

Keluaran 18:6

Musa dam yanuyik talak ara, Yitro birye, “Yupu nyalilbilulume,” nyapdeibukopura, yuk nang arye, Musa biti, “Amio, an yamal koproba Yitro ap, an kil Sipora ap, an mapu bitinye ap nirya ara akunum yanmake,” nyabuka lake nyabikba, Musa kekebuk.

Keluaran 33:7

Horeb mutuku ulamik talak ara, ninye weik ulamik noutamak kum bukni, Musa cang baju arye doltakna aik dobukabukce, ‘Allah el si Yahweh ap, yupu talinamap’ tenen ati, mitik tonun yukak dopdeibuk. Dobukce nyabuka ara, “Anyaik ara, Allah ap yupu talina ati, barasik dopne,” nyabuk. Yata ninye do nirya, ‘Allah arye na ikin unilye ning yupu bokeipnute’ tenen, patapne nang ara, anyaik dam yangalamik. Adoltakna aik ara, sik Israel ninye ulamik dam kum bukni, mitik tonun yukak dobuk.

Keluaran 4:27

Atalak ara, Allah el si Yahweh arye, Harun biti nyabuk. “Anda ninye kum unyak mutuku noutamak bimince, an weit koproba Musa ap, epdanamarurume,” nyabuk. Nyabuka ati, Allah arye nyapmok touk, Harun kekebukce, amutuku binuka, Allah min yuma talak yanuka tikamuk mutuku dam biyukba, Musa ap epdarikce, Israel ninye ulamik touk, sik telebe nyana ati, Musa biti mutubuk.

Bilangan 22:36

Bileam ap, sik anang ap nirya, ila tamubuka yanganmek ning ara, yuk nang arye eibuka, Balak dam laka nyabikba, kekebukce, bisik dilbiyuk. Ara, Moab yala nang ulamik tam bukni, el taleamuk wilibak, Arnon mutuku dam, weik asik binuka tikuka dinmok.

Lukas 7:45

An aik yanmanu talak ara, na kina ati, taruk kum arepmanumu bukni, na yanmanu talak arye dipdongobuka wini talak ap, akil arye tuba na yan deice mutupmanile.

Rasul 20:37

Allah morobukura, sik anang nirya arye Paulus elti, bico tenebikce, “Telebe dabilyame,” nyabuka iribikce engenmek.

Rasul 28:15

Bukni, bisik tuba mapnin balamubu talak ara, yuk nang arye nyabikura, kekebikce nun diba tenyamubu touk, Roma mutuku Yesus ati diba tenyamik nang ara, eiabce mutuku si Porum Apius dilyanamsik. Tonda, tonok mutuku ton dekna aik winilye uamuka ati, Tiga Taberne nyalamik mutuku dilyanamsik. Dilyanamsikura, Paulus arye anang akunum eibukopura, Allah ati, “Telebe,” nyabukura, el talima kwa deibukura, el kanye deibuk.

Hakim-Hakim 11:34

Yefta birye, aning nirya akunum winibukopura, tamubuka, el mutuku Mizpa mutuku yayuk. El asik dam bukni, bisik tuba yanganmok talak ara, Yefta el kilmu arye el li koprop si erena ati, bung-bung nyan ning el si rebana talibukce, mot sebuka el li biti, “Telebe,” nyabukce, anyaik pum tam arye bai tam yanganmok buk, Yefta birye eibuk. Ura, Yefta el mapu ton pia kum deiamuk bukni, akilmu tonok deiamuka ati, el akilmu aryuk bisik dilbiyuk.

1 Samuel 17:18

Aning atonun, kambing basam moum yung arye, memebik din, el si keju, takubarye ara, (10) bobinuka, yin talen nang, sik yupa weik seribu (1.000), sik yupu nyana deiyoknye, el dam bobinuka arepnulyame. Winipminyopura, an du yapu ati, ‘Sikda yata wiribuka unyak do?’ tenen, sik deiyoknye asipdenulyame. Asipdeminyeba, tonda, sik ap epdamunyopura, sik wininyak ning nirya bikminyopura, na dam tamubuka, lak nyalyanunilyame. Nyapniminyopura, narye, ‘Wini talak ara, akunuma, el du yapu dam binuka, eipmal ning ara, teleb aryuk unyakba, eipmalce, yanuka lak nyapnile,’ tenepnamne.

1 Samuel 17:22

Wininmekopura, Daud adiparyuk, el boyanganmok ning nirya ara, yin nang, sik bona melibuka kalikina ati deiyoknye, el damuk deibuk. Winibukopura, Daud adiparyuk bikbik abuka, mal olalbinamika ati, nebuka tikinmeka, amutuku dam ara, el du yapu ton, ‘Eipnamne,’ tenepmokce, sik dam bikbik abuka, binuka tikmokce, el du yapu ati, eipdayikce, ‘Telebe,’ nyabuk.