Keluaran 18:4 - Eipomek

⁴ Tonda, el weit koproba el si ati, Elieser nyabuka si dobuk. Elieser nyabuka deiyok ara, ‘Na punun nang si erelamiknye Allah Yahweh arye, akunum melibuka lyepropnukba, Mesir mutuku ninye taleamuknye Firaun birye, ton kum opnukeʼ tenena ati, aminyan deibuk mi ati, el si Elieser nyabuka si sibuk.

Keluaran 18:4 ပူးပေါင်းရင်းမြစ်များ

Kejadian 49:25

Yusup, an yala ninye telebuk unamaka deiyok bitinye ning ara, an ni koprop arye si erelamuk Allah ara, anggun nirya melinamsil atia. Tonda, aning-aning alip tam ulirye, aning-aning nirya malye kibuka winilye Allah, elce an yala ninye ati, teleb kilinamsile. Allah arye melisilye ning ara yala weik bukni, im noutamak arye mok celamle ning ap, tukwak noutamak arye mek pu kutukuka balamle ning ap, talye mek balamle ning ap arye melisulule. Tonda, elce melisilyeba, sik kilapu mi bomikce ani, mi deibikcopura, moum dininyake.

1 Tawarikh 23:15

Musa birye deiamuk nang ara, Gerson ap, Elieser ap deiamuk.

1 Tawarikh 23:17

Musa birye deiamuknye Elieser, elce deibuknye bira, tonoknye el si ara, Rehabya ulamuk. Bukni, Rehabya elce deiamuk mapu ara, pia weik tonun deiamuk.

Mazmur 18:1

Raja Daud birye, aMazmur yupu mot sekukce, ‘Allah yupu mot nyana deiyoknye arepnamuka ati, sekuk. Daud bira, Allah Yahweh, el amu tam pil talibuka donanye ulamuk. Amazmur yupu mot sekuk ning ara, Yahweh ati, nyabukce, amot nyalamuk. Tonda, amot sekuk talak, ara Allah Yahweh arye, Daud biti melibuka lyepdobuk deice arye, Daud el mal olan nang ati, obuka sirya dakuk. Daud birye nyabuk yupu ara, ani.

Mazmur 18:48

Yuk-yuk mutuku nang arye, nati, ‘Anye opnamap’ tenen, na dam olyangalamnik bukni, Allah el mikip deice arye, anang nirya ara, obukce, sik mutuku tuba kam ulamik nang dobuka, na amu tam deibukba, nara sik ninye deiyoknye kipsirye, narye, ‘Winipnamlume,’ nyabuka nyalamse yupu ara, sikce ilil ap, alye ap daklamikce, adiparyuk ayupu kekenauk ulamik.

Mazmur 34:4

Ati ara, anggun nirya, na dam yanganamlume. Yamunba nun nirya arye, “Allah el mikip weik arye winilul ning nirya ara, pia telebuk winilule,” nyabuka, Allah el siuk erenamabe. Aubirye, Allah el si erebibirye, neika si erenamabe. Winibuka ulamepya ani, ninye weika arye, tonap tabakuka kekebikirye, ‘E, diba Allah elda pia mambulnye ulule,’ tenebuka unamake.

Mazmur 46:1

Mot nyana ati deiyoknye bira, Daud deiyok kipnaba, sik Korah mutuku deipkirikdop nang nirya ara, Allah ati mot nyabuka, si erelamik.

Keluaran 10:28

Firaun arye tamubuka Musa biti nyabuk. “Anda, na like. Anda na dinak batakuka yukak pia binulyame. Na urasin tonap kum eipnamnilame. Yuk sum tonap na urasin epdanimnyopura, an oplopkinyeba, an adiparyuk dipnamlame,” nyabuk.

Keluaran 2:15

Aminyan talak, Musa birye Mesir mutukunye opmok ning ara, Firaun birye akunum kel bikukopura, ‘Naie, anye bira, yata ati do, el oplopnune’ tenen, piripdeyuk bukni, Firaun tenebuk ning ara, Musa kel kibukce, adiparyuk yuk mutuku bikbik abuka bindobuk. Ara, mutuku si, Midian mutuku noutamak binuka, mekwena ati lukamikak pum bisik wekuka bukmok.

Keluaran 2:22

Dobukce, neika daulamdika ani, akil Sipora birye, sal mi deibuk. Deibukopura, Musa birye, ‘Ami el si ara, Gersom,’ nyabuka, si dobuk. ‘Ami el si Gersom,’ nyabuka, si dobuka deiyok ara ani. Ara, Ibrani yupu deice arye, Gersom kekena ara, yuk yupu bukni, el yupu deiyok, ‘Otam ninye asiknye, atonun ulule.’ Asi dobuka, Musa birye nyabuk, “Wini talak ara, yuk mutuku noutamak, nara tikilyangananye, ninye asiknye atonun unune,” nyabuk.

Keluaran 4:20

Nyabukopura, Musa el kil ap, el mapu ap, sik mapu silip nirya ap, keledai basam deice bukuka, Mesir mutuku biyik. Sik biyik talak ara, Allah arye nyapdeiamuk touk, Mesir mutuku Musa el kama ap, bobuka biyuk.

Daniel 6:22

Daniel birye, ayupu ton nyabuk. “Na si erenun Allah arye, el im deice pil don nang, malaikat dopdeipmanilba, yu singa kuse nirya sik si yanuka, lipdongobuka talipmanguba, sikce na nong kum dipmaniake. Na telebuk unmane. Aning ara, na si erenun Allah ara, el kele. Ara, malye un ning, el dam ton kum wininune. Tonda, na deiyoknye an dam ton, malye kum wininune. Ati, Allah arye lyepdopmanile,” nyabuk.

Rasul 12:11

Min Peterus walwal upmokbuk, Allah el im deice yupu lak lenanye tunim abukura, ‘E, dipkoprop buru tam bine,’ tenebuk. Ton tenebukce. ‘Winira na kele, Allah arye el im deice melinanye, im deice arye malaikat dopkwetepmanilba, Gubernur Herodes arye ‘Winipnamane,’ tenepmanu ning ap, tonda, ‘Sik Yahudi nang arye nati, winipnamabe,’ tenepnik ning ap, ambusum winipnamanungu bukni, arup akunum lyepnila ati, kum winipnamaniake,’ tenebuk.

Rasul 7:29

Nyabukura, Musa anyabuk yupu kekebukopura, ‘Na tam nang arye opnicak’ tenen, ilil weik ubuk ati amutuku batakuka, Midian mutuku bik-bik abuka biyuk. Midian mutuku biyukopura, ninye asiknye atonun ulamuka ani, mi bitinye deibuk.

2 Timotius 4:17

Anang nirya bataknik bukni, nun deiyoknye Yesus, na dam yanuka melipnuka deice arye, el mikip arepnukbuk, na yupu teleb ubuka nyapse deice arye, atalak bulupmek Yahudi yala kum ninye nirya arye, Allah el ninye lyen yupu kekebik. Atalak ara, aninye arye talye merekukua oplopmanitinge. Bukni, Yesus arye lobuka lyepnuka ati, sikce kum opnike.

Ibrani 11:34

Tonda, weik uku buk dilamuk bukni, sikce tangapdongobikba, kum dibuke. Ton talak ara, yu nang arye, parang ya arye, ‘Aninye opnamak’ tenen, pirilamik bukni, bik-bik abuka balolamika ati, kum olamik. Sik Israel ninye mikip ara, mitang asa ulamik bukni, Allah el mikip arye aninye melyamukba, mikip weik ulamik. Mutuku-mutuku nirya olalamik talak ara, sik mikip weik ulamikce, yuk mutuku yin talin nang nirya ati, olbisilamik.

Ibrani 13:6

Allah arye, ayupu nyapsuka ati, kanye teniltona kum arye, diba tenebuka, anyapnusin yupu talibuka unamabe. Ara, Mazmur noutam arye nyapdeiyamik yupu ani. ‘Na melinilinye ara, weik Ninye Deiyoknye Allah ulule. Ati, na ilil pia kum unamnile. Talye ninye arye, yata wiripnitingba, Allah arye kum melipnutu do? Kume, Allah arye nati, pia melinamnila anya arye, na ilil kum unamnile.’ (Mazmur 118:6-7)