Keluaran 18:16 - Eipomek

¹⁶ Tonda, sik babye Israel ninye sik mamun yu upliba, yupu deice arye walanamak ning nirya babye, na dam yakirye, lake nyabikiba, narye, ‘Aning ara, wininamlume, aning ara, pia kum wininamlume,’ nyabuka, yupu lipsisikuka bokolinune. Tonda Allah arye, ‘Aning ara, wininamlume, aning ara, pia kum wininamlume,’ nyabuka, el mem yupu nyapdeipsuk ninguk, narye, sik aninye kekenak lake nyalinune,” Musa birye, el yamal Yitro biti, laka nyabuk.

Keluaran 18:16 ပူးပေါင်းရင်းမြစ်များ

2 Samuel 15:3

Nyapnopura, Absalom birye tamubuka, anang ati nyalamuk. “E, na kwit capu, anggun yupu deiyok ap, anggun patapsilye ning ap ara, teleb bukni, amutuku ninye deiyoknye Raja birye, anggun nyapnulum yupu kekebuka, yupu bokeipmantonye ton, kum kintinip deibuk anya arye, anggun yupu kum kekepnamsile.

2 Tawarikh 19:10

Anggunce apil talebuka yupu bokolinamlum talak nirya ap, yupu lipsisikuka bokonamlum talak nirya ap, anggun kayapu nang, amutuku unyak nang ati, nyanamlume. Ara, anggun nirya arye, Allah Yahweh ati malye-malye kum wininamlume. Elce, ‘Aning ara wininamlume, aning ara kum wininamlume nyaipsuk yupu ara moubuka wininamlume. Ati, yata ning do nirya, ninye arye opdakceba, ining saklamle ning ap, wenen yupu deice arye mem nyalin ning ap, Aning winina meme, aning ara winina telebe nyan ning ap, Aning-aning nirya ati akunum nyapdeibuk ning ap nirya ara, aning nirya moubuka wininamlume. Nun mutuku noutam unyak nang nirya ati, nyanamlume. Sik nirya arye, Allah Yahweh ati malye kilina ara, pia meme. Malye ning winipmunyeura, ‘Allah el yu ara, anggun deice ap, anggun kayapu nang deice ap, ikin ning deipsilyak arye, wenepsilyakʼ tenen ati nyapsine. Bukni, narye, ‘Winipnamlume,’ nyapdeipsin yupu, moubuka winipmunyeura, anggunce malye un ning talebuka, kum wininamlume.

Ayub 31:13

Tonda, na amu tam pil melibuka don nang ap, na amu tam pil don kilapu ap, sik nirya arye nati, “Ance nun dam malye winipmasilame,” nyapniting bukni, aning kekebuka, kum lipsisiktinyopura, ara diba na malye uptinye.

Keluaran 18:17

Musa birye nyabukce, apil dolamuk ning nirya ati, el yamal koproba Yitro birye nyabuk. Kume, apil dolyam ning ara, teleb pil dolyam bukni, an tonoknye biryuk ato pil nirya ara, teleb ubuka kum dopnamtum ati, aning ara, malye weik ulyame.

Keluaran 2:13

Mapmoka, berekukopura, asum ton, Israel ninye pil dolamikak, binuka dipdeyuk. Dinmok bukni, atalak ara, Ibrani nang bitinye olanmarikak, Musa eibukce, malye kina deiyok koupmoknye biti nyabuk. “Amio, anggun bidamang nanguk ati, yata deiyok ati, olanmarum do?” nyabuka asipdeyuk.

Keluaran 23:7

Tonda, malye nang arye, sik yupu lipsisikuka bokolin nang dam yakirye, malye kum upmace ninye bukni, anang ati, tilila yupu nyabikce talak ara, anggunce ayupu pia kum kekepnamlume. Ara, malye kum upmalinye do, pia telebuk ululnye do, anang ati, ‘Malye winipmale,’ nyabuka, ‘Obikcakʼ tenen ati, aning ara, pia kum wininamlume. Yupu lilsisikin talak ara, tilila yupu kekena meme. Ara, talye ati kum nyapsine. Deiyok ara, na Allah Yahweh arye, aning-aning nirya dinuna ati, dipkoprob malye winipmace nang ati, ‘Anang ara, teleb unmake,’ kum tenenune. Malye winipmace nang nirya ati, dipkoprob wenepnamne. Dipkoprob malye ubice ninye ati, ‘Dawinipmalye,’ kum tenenune. Sik winipmace touk, yupu lipsisikuka bokeipnirye, wenepnamne.

Keluaran 24:14

Musa ap, Yosua ap, welepnurik talak ara, Musa birye Israel ninye sik deiyok nang ati nyabuk. “Anggun aunmamunce nunti dinmamunya buk, nun tamubuka yanamaname. Tonda yuk nang ap, derepdamunce, ikin-ikin upsilyopura, Harun ap, Hur ap, sik dam tuba unamaraka ati ara, ato ning aupmalyopura, sik dam laka nyalbimunba, yupu talibuka sikce weik pil donamsirake,” nyabuk.

Imamat 24:15

Winipmunyopura, Musa ance Israel nang nirya kekena ati, nyapnulyame. “Yata nang do nirya, Allah ati malye yupu nyaplinye bira, el nong deiceuk, ikin ning delilanamle.” ‘Allah arye nyapmale,’ nyapnamlyame.

Bilangan 15:35

Wininmek ani, Allah Yahweh arye Musa biti, yanuka nyabuk, “Anye bira, mangkau arye kume. Elda malye kibuka, na nyapdeipsise yupu yanibukce, malye ubuka ati, adiparyuk wenebuka opmunyeba dipnule,” nyabuk. Ara, el anye bira, anggun Israel ninye unmalumak arye bobuka, buru tam bobimunce, na mapu Israel ninye arye, keil cobuka opmunyeba dipnamle,” nyapdeibuk.

Matius 28:20

Tonda, narye, ‘Wininamlulume,’ nyabuka peterelamsise yupu nirya, ‘Aninye babye, aning atonun winibuka unamak’ tenen, na yupu bobuka peterelbinamlume. Wininamlum talak nirya ara, na dipkoprop nyapsine, na ap, sik ap, neikak unamabe. Winibuka daulamibya ani, sirya talak babye, na ap, sik ap, pia neikauk unamabe.” Yesus arye nyabuk. Telebe, na Matius arye ayupu sekdeipsine.

1 Korintus 6:1

Winira yuk yupu ton nyapnusine. Tonoknye birye yuknye biti, ‘El malye winipnile’ tenen, yu uplibuk, yupu deice walanyak talak ara, ‘Anang ara, yupu lipsisiknamsiak’ tenen, dib tenena kum ninye dam, laka nyalbalulum ning ara, yata ati do? Teleb ning ara, nun Allah dib tenenyap ninye, nun dem aryuk, ‘Yupu talibuka lipsisikibirye, yupu bokeipnamabe’ tenen, angguncuk, anggun kan-kan unyak ninye ati, yupu talibuka bokeiptumopura, aning ara, telebuka. Dib tenena kum ninye dam bobana meme.

Ulangan 4:5

Anggun babye ton teneipdelulume. Allah el si Yahweh arye, ‘Aning ara, wininamlulume. Aning ara, kum wininamlulume,’ nyapdeipsuk yupu nirya ara, na kekepsirye peterelamsise. Deiyok ara, anggunce binuka wekmunce, talibuka unamlum mutuku noutamak ara, ‘Allah arye nyapdeipsuk yupu nirya kekebuka, kanye lamapdongobuka unamlum’ tenen, peterelamsise. Ayupu talibuka umunyopura, Allah arye winiryuk mutuku arepsiliba, teleb ubuka, kanye lamapdongobuka, amutuku noutamuk unamlume. Musa birye Israel ninye ati, nyabuk.

Ulangan 5:1

Musa birye Israel nang nirya ati, “Anggun nirya bulubuka weklulume,” nyabukba, bulubikopura, anang ati nyabuk. “Se, na kayapo, anggun Israel nang nirya ati, na nyapnusin yupu ara, moubuka kekenamlulume. ‘Aning ara, winibuka-winibuka unamlume,’ nyan yupu ap, tonda ‘Aninguk wininamlume,’ nyan yupu nirya ara, arup arye nyapnusine. Ara, anyapmasin ning nukuka, bikmunce, ayupu uk, pia ati moubuka talipmunce, winipnin banamlume.

Ulangan 6:1

Musa birye, Israel ninye ati nyabuk. “Anggun ni koproba Allah, el si Yahweh arye nati, ‘Aning wininamlulume. Aning ara, kum wininamlulume,’ nyapdeiamnuk yupu nirya, narye anggunti, nyapnusine. Ara, Allah arye, ‘Ayupu peterenalame,’ nyapnuk touk, nyapnusine. Allah arye winiryuk arepnamsil mutuku, Yordan mek koubuka, otam mutuku binuka dopropmunce, anggun amutuku pia talibuka unamlum talak ara, narye nyapnusin Allah yupu ara, ‘Pia talibuka wininamlum’ tenen, nyapnusine.

1 Samuel 12:23

Tonda, narye wininamne ning ara, nyapnusine. Narye anggunti, Allah kum moropnyopura, pia malye uptinye. Amalye winin ning, pia kum winipnamne,’ tenenuna ati ara, narye pia kum bataknamsine. Narye anggunti, tuba-tuba Allah moronauk unamsine. Tonda ‘Israel ninye arye, teleb diksukum una bisik anye, tenebuka, kel kinamlum’ tenen, narye diksukum winin ning, tuba peterenamsine.