Keluaran 14:21 - Eipomek

²¹ Ura, Musa birye el taruk laut mekwen deice pukukba, Allah el si Yahweh arye, el mikip deice, weik kumanya arebukba, mikip weik keting yangan tam arye pukuka laut mekwen deice yayuk. Yayukce alukunyan noutamak arye pukukba, amekwen eitam kilon, outam kilon kibuk. Laut mekwen noutam bisik ara mekwen ceprobukce tuku mikrobuk.

Keluaran 14:21 ပူးပေါင်းရင်းမြစ်များ

Kejadian 8:1

Weik mekwen deiamuka ati daulamuka ani, Allah arye, Nuh ap, el mapu silip ap, sik ap neika unmek ning, kam ning ayala-yala nirya ati tuba teninmokce, elce nyapdeibukba, weik mok piripna dobukba, amekwen ara, mitik anun arye, cepnin banmok.

2 Raja-Raja 2:8

Winiprik talak ara, Elia el deice tam ongamuk baju kwiribuka kitibukce, mek deice debuk. Winibukura, Yordan mek bokukabukce eitam kilon, utam kilon kibukopura, asukum noutamuk sik bitinye ara, mikmok tuku deice koubukaprikce birik.

Nehemia 9:11

Minop talak, nun apu yapu Israel nang, sik dinmekak arye, weik laut mekwen cepdobukba, tuku mikuka deice ak, koubuka yanamik. Bukni, ‘Israel ninye opnuyap’ tenen, dobolbanmek nang, Mesir ninye ara, an mikip deice arye, mek siklipdongobuka oplume. Ninye arye keil dobuka, weik mek mekwen noutam donokikiba, mek pum bisik saklirye, mek lontik abuka dilamle atonun, Mesir ninye laut mekwen noutam kintinip deipmalum bisik wekelyayik talak ara, ance mambul pil domluma deice arye, anang sik nong deice mek siklipdongobuka, dibuk. Anang nirya obuka sirya daklume.

Ayub 26:12

Minop talak arye, weik laut mekwen nirya ara, mikip weik ulamuka ati, welepmana, koulukmana, kilamuk bukni, Allah el mikip weik arye, weik laut mekwen nirya deibukak ara, ‘Tunim abuka asukumuk deiptuʼ tenebuk. Tonda, Allah el kel weik bikilula deice arye, amikip weik ning, laut mekwen noutam ulul yu kwatima, el si ara Rahab babye, obuka kum kipdeibuk.

Ayub 38:24

Atonun, ‘Bebeya lakna ning lakanamle’ tenen, kintinipsak ara, an akunum eibuka bikamlum do? Tonda keting yangan tam arye panabuka, yangalye kumanya ara, dan mutuku arye yangalul do? Aning babye, an ton bikaminyopura, nyapnilyame.

Mazmur 136:13

Tonda, Israel nang, weik laut mekwen, el si Laut Teberau dam yayik talak ara, Allah Yahweh arye, ‘Atam arye, laut mekwen sekdopliba, otam mutuku dabinamak’ tenen, laut mekwen deresekdobukba, amekwen noutam ara, bokuka dana-dana tam kipdobukba, Israel nang ara, tuku deice yanibuka, otam sekdobukba, koubuka bindobik. Allah Yahweh arye, nun Israel nang ati, “Pia bico tenesinirye, tuba-tuba melinamsine. Pia telebuk kilinamsine,” nyabuka, nyalin yupu deice arye nyapsuka ati, aning ara, pia kum bataknamsile. Anirya ara, nun nirya arye el tibuk, si erebuka kina ati, ‘Naio nunce anti pia telebe nyabuka,’ nyanamabe.

Mazmur 148:8

Se, bebeya lakliba, uku lalamle ning ap, weik mok purwu saklamle ning ap, dua ap, mikip weik arye balul kumanya ap, mok ap, dou ulamle talak ap, aning-aning nirya ara, Allah arye, “Winipnamlulume,” nyabuka nyalilye touk, Allah Yahweh el yupu uk kekebuka unyake.

Mazmur 66:6

Winipmanto ara, ani. Ara, minop talak ara, weik laut mekwen deiamukba, awamuk bukni, Allah elcuk, amekwen dana-dana bokukce, alaut mekwen nirya, der sekdobukba, cepdobuk. Akunum cepdobukopura, nun apu yapu nirya arye, talye mangkau asa, laut deiamukak, koubuka otam biyik. Ton talak ara, weik mek balamuk bukni, Allah arye amek cepdobukba, tuku mikukura, nun apu yapu, Israel nang arye, atuku deice yanibikce, amek koubuka, otam mutuku biyikce, otam mutuku noutam balamik. Ati, atalak ara, nun apu yapu nirya arye, ‘Se, wini talak ara, Allah ap, nun ap, neika unamabe’ tenen, pia teleb kanye bobuka ulamik.

Mazmur 74:13

Allah anda, pia mikip weiknye ulyama ati, an mikip weik deice arye, weik laut mekwen noutam bokukaplumce, anoutam ara, tuku kel-kel nyapsulumce, bisik kintinip deipsulume. Tonda, Allah ance aning-aning nirya kwepdeiamlum talak ara, weik laut mekwen pum tam uamuk kwatima, el si ara, Naga, el kisok nirya obuka seksiniplumce, sirya daklume.

Mazmur 78:13

Ara, weik laut mekwen, el si ara Laut Teberau, noutam cobukba, laut mekwen bokuka, bitinye kibuka ura, sik Israel yala nang ara, anoutam arye, mek cepdobuk deice, yanibuka bindobik. Winipmanto ara, ninye arye, pala weik keil weik tonun dobuka, tonok sukumuk weik tonun yangabuka delilamak touk, Allah arye alaut mekwen nirya dobuka, bitinye kibukba, amek ara, tikuka tunimanauk ubukce, sakuka, binmanto kum ubuk.

Keluaran 14:16

Ati ara, an boplum kama dobuka, mek deice pukminba, laut mekwen cebuka dana-dana kiproplirye, tuku mikuka laka upliba, aninye atuku laka uplye deice bindopnamake.

Keluaran 14:20

Ati ara, Mesir mutuku yin talin nang otam banmek bukni, adua ap, amalaikat ap, noutamak tikmarikba banmika ati, Israel ninye atam banmik nang ara, Mesir ninye aminyan tam yanganmik nang kum eipmik. Alukunyan noutamak nirya ara, Israel nang babye, Mesir nang babye balamik bukni, kum epdanmanto ulamik. Mesir mutuku nang balamik tam ara, inibuka kunukukba, kum epdanmanto ulamik bukni, Israel ninye banmek tam ara, dirin weik ubukba, dinmekce banmeke. Alukunyan noutamak nirya ara, kum epdayik.

Keluaran 15:8

An si pito arye, weik laut mekwen puplumba, amekwen nirya ceprobukce, dana-dana kiprobuk. Dana-dana tam kibuka tikilbiyukba, aik abilinga kat ulamle atonun winibuk. Ara, laut mekwen noutamak bukni, mikuka kat kibukak arye. Winibukba nun anoutam bisikuk yapue.

Keluaran 7:19

Ura, nyabuk aminyan talak ara, Allah el si Yahweh arye Musa biti, ayupu ton nyabuk. “Ance, Harun biti nyapminba, el kama dobuka, Mesir mutuku noutamak aubuk mek nirya, talye balamle mek babye, talye mekwen babye, mek durun mek babye, weik ning ap, mitik ning ap nirya ara, kama arye, Mesir mutuku aubuk mek deice kulaplopliba, amek nirya, ninye ining atonun danamle. Mesir mutuku noutamak aubuk mek nirya ara, ember makau pum bisik noutamak kwepmace ning babye, dokola delina ning ati, makau pum bisik dikdongobik ning babye nirya ara, ninye ininguk danamle.” Allah arye nyabuk.

Yesaya 23:11

Allah Yahweh arye, el taruk ara erebuka, laut mekwen deice tam deibukce, weik kanye ikin pil akunum dopsuke. Tonda, Allah arye laut mekwen lilunak, ninye deiyok kibuka, weik mutuku talinyak Raja ap, sikce talinyak mutuku nirya ara, kanye ikin ning areamukba, sik amutuku-amutuku unyak nang nirya ara, ilil uplyeba, yok sirintalelule. Allah Yahweh arye, yu yin talin nang ati lo arebukce nyabuk. “Aning ara adiparyuk winipnamlume. Ponesia tam noutam ubuk mutuku-mutuku ap, weik asik domikca nirya ara, obuka bataknamlume,” nyadeibuk ati, Ponesia mutuku noutam unyak mutuku, mikip weik uamuk mutuku nirya ara, obuka bataklopnamake.

Yesaya 43:16

Nara Allah Yahweh arye, ‘Weik laut mekwen noutam ara, na mapu tuku mikroplibuk tuku deice bisik binamak’ tenen, narye nyapsiba, mek dana-dana tam kiprobukba, tuku deice uk yanibuka binamlume. Laut mekwen ara, pia weik mekwen lonting-lonting anmokba, awamuk bukni, atalak ara narye bisik kintinibuka yapdeipsisiba, teleb bisik deice binamlume.

Yesaya 44:27

Tonda narye nyapnyopura, weik laut mekwen deibuk ning nirya ara ceproptue. Atonun “Mek nirya cepdoplyame,” nyaptinyopura, amek nirya cebuka lokoproptue. Yata ning do nirya na nyanun touk ulule.

Yesaya 50:2

Narye, na mapu anggunti, ‘Lyepnamsin’ tenen, anggun dam yanuka yukwamsise talak ara, yata deiyok ati, anggun noutamak arye tonoknye babye, “Nun aunmabe,” kum nyamnulum do? Tonda na yanamse talak ara, yata ati tonoknye babye ton kum ulamlum do? Anggun, atunim aplum ning ara, anggunce, ‘Elda mikip kumnye binya arye, nunda kum lyepropsutue. El taruk bumang ati, kum lyepropsutue,’ tenenululum do? Kume, aning-aning nirya ara, nara ikin kum upnutue. Ara, dipkoprob naryuk, weik laut mekwen deibuka babye, ‘Ceproplyame,’ nyapniba cepnamle. Tonda weik-weik mek biyuka nirya babye, ‘Ceproplyame,’ nyapniba ceplirye, tuku mikuka sesal lepnamle. ‘Ceproplyame,’ nyapnyopura, amek nirya cepropliba, mek pum bal ikan amekwen pum tam ulamak ning aning-aning nirya, sesal leplya tuku deice diplirye, tong nyapnamle.

Yesaya 51:10

Tonda, ‘Yatanye birye ailil weik pil domuk do?’ tenen, pia teniltona kum usulule. Kume, Allah ancuk, Ining Bi Laut mekwen, karue weik mek mekwen awamukba, alaut mekwen mek obuka, balamukce, bulubuka deiamuk laut mekwen mek nirya ara, ancuk amekwen cepdeiplume. Yuk nang arye kume, an uka. An mikip weik arye alaut mekwen deiamukak cepdeiplumce, anoutam bisik bana ati, tuku sesal sebuka kintinip deiamlume. Winipnyamluma deice arye, ancuk lyepdopsulum nang arye, alaut mekwen noutam, sesal sebuk bisik deice yanibuka biyikce, mek otam binamik. Ance lyepdomlum nang arye, abisik deice, teleb kibuka otam biyik.

Yesaya 51:15

Aning ara, talye ati kum nyapsine. Deiyok ara, ani. Nara anggun si erenululumnye, anggun ni koproba Allah, na si Yahweh unune. Na mikip weik arye, laut weik mek kwen deice deipniba, kuruninikuka lutamuplirye, lelim weik nyalule. Na si ton nyanyaka ara,ani? Nara Allah Yahweh, aning-aning deice tam erebuka, Pia Mikip Weiknye Unirye, im deice yin talin malaikat nirya talibuka, sik deiyoknye unune.

Yesaya 63:12

Allah Yahweh, el mikip weik deice arye, Musa meliamukba, weik mekwen dam yanuka tikukce “Melipsilyame,” nyabuka morobukba, aweik mekwen deiamuka, adiparyuk noutam bokuka, dana-dana kiprobukba, anoutam bisik mikukura, nun apu yapu arye yanibuka abisik biyik. Allah arye amambul pil ninye arye dopmanto kum pil dobuk ning ati, ninye mutuku-mutuku nirya kekelamikce, el si erelamik. Israel ninye arye, “Apil dolamuk Allah ara, wini talak dan mutuku ulul do?” nyabuka asilalamik.

Yesaya 63:13

“Karu weik mekwen deiamuk noutam arye melibukba, yanamik Allah ara, dan mutuku ulul do?” nyabuka asilalamik. Tonda, kuda basam arye pata mutuku talye lukparabuka balamle atonun, Allah arye aninye meliamukba, sik anang babye kwelana kumce, diksukum bisikuk balamik.

Habakuk 3:8

“Na ni Allah Yahweh, anda amutuku noutamak balamuk mek ati, yu upkuk do? Tonda, amutuku balamuk mek ati, yu upkukba, ‘Wenebuka kum kipdeipnamne,’ tenelalum do? Atouk, laut mekwen ati yu upkuk do? Winipkukba, amek ap, alaut mekwen ap, bokeiplumba, dana-dana tam kiprobuk. Winipmanto ara, yu upkukba, apil dolamlum talak ara, yin nang arye, sik kuda basam libuka, tuku deice balamle ning, el si kereta kuda ap, tonda sik kuda basam balye deice bukikirye, bikbik abuka bikirye, olbalamak touk, ance apil minopce, doplume na nio.

Rasul 7:36

Dopkwetebukura, Musa arye Mesir mutuku noutamak ninye winipmanto kum pil dolamuka deice arye, Israel ninye arye, ‘Se, dipkoprop Allah arye anye biti deice pil donmasile,’ tenebik. Musa birye aninye nirya lopdeibuka lyepdobukce, Mesir mutuku noutamak arye menekuka balamukura, dobolbalamik. Balamikce, tonda Ining Bi Laut Mekwen dam ap, mek kum ati ninye kum ulamik mutuku noutamak ap, keting tamun yupa weik 40 tahun deice arye, Musa birye ninye kum winipmanto ning, mambul pil dolamukce, Israel ninye Musa menekuka balamukba aminyan melibuka balamik.

Yosua 2:10

“Tonda, Mesir mutuku arye, batakuka bisik yangalalum talak ara, anggun ni Allah, el si Yahweh arye, weik mekwen, el si Teberau cepdeibukba, amekwen noutamak bukni, mek cepdobuk bisik yanamlum ning ara, nun akunum kekebupe. Tonda, Yordan mek keting panalyangan tam, Amori mutuku weik deiyok nang, kibuka taleamdik nang bitinye, sik si Sihon ap, Ok ap, sik tam nang ap, anggun Israel nang arye oplumce, sirya dakdongoplum ning ara, nun akunum kekelamabe,” nyabuk.

Yosua 3:17

Israel ninye nirya arye, Yordan mek koubuka banmek talak ara, Allah el si Yahweh, el si eren aik pum pil don nang, el nyapdeiamuk yupu, liyamik marikna bopmek nang ara, Yordan mek nirya cepdopmokba, amek balamuk bisik noutamuk, tuba tikmek. Winibuka tikmek talak ara, Israel nang nirya ara, mek cepdopmok deice arye, koubuka banmeka ani, sirya dakdobik. Sik nirya, Yeriko tam biyik.

Yosua 4:23

“Ara talye ati kume. Anggun ni Allah, el si Yahweh arye nunti, Yordan mek cepdeibukba, otam arye, amek balamuk bisik koubuka, atam yapu. Tonda, nun ni Yahweh arye nyapdeibukba, weik Bi Laut mekwen ton ceprobukba, abisik noutamuk binamupu atonun, Yordan mek babye, onmok bukni, Allah arye nyabukba, cepdobukura, tuku kata bisikuk, atam koubuka yanamupe. Ayupu nyanamlulume,” Yosua birye, sik Israel ninye ati nyabuk.