Keluaran 10:28 - Eipomek

²⁸ Firaun arye tamubuka Musa biti nyabuk. “Anda, na like. Anda na dinak batakuka yukak pia binulyame. Na urasin tonap kum eipnamnilame. Yuk sum tonap na urasin epdanimnyopura, an oplopkinyeba, an adiparyuk dipnamlame,” nyabuk.

Keluaran 10:28 ပူးပေါင်းရင်းမြစ်များ

2 Tawarikh 16:10

Atalak ara, nabi Hanani elce nyabuk yupu ati, ninye deiyoknye, Raja Asa bira yu ubukce wabuk. Wabuka ati, anabi ara adiparyuk dobuka, wenen aik dongobuk. Atalak noutam babye, ninye deiyoknye Raja Asa birye, el talebuka ulamuk mutuku nang kan-kan, ton nang ati, ikin ning bobuka, sik anang deice deibukba, imun kanye weik bobuka ulamikce, ikin deice uk ulamik.

2 Tawarikh 25:16

Nyabuka asipdeyukce, yupu tuba nyamuk talak noutam ara, Raja Amazia birye, adiparyuk anabi biti, “Se, ayupu nyaplam touk, tonap nyana meme! Kumopura, nunce anti opnukiyabe! Tonda nunce anti, ‘Raja yupu lipsisikilina deiyoknye unamleʼ tenen, anti kum wibuka deipkubu,” nyabukba, anabinye adiparyuk yupu weik tonun ton kum nyabuk. Bukni, min talak ara, anabi birye nyabuk, “Wini talak anda na akunum kel kipkine. Allah arye anti, ‘Kume anye bira, isa si erenmala ara, pia malye un ning akunum winipmala ati, narye el obuka, kum kibuka deipnamane,’ akunum tenepmale. Tonda, Allah arye na bobuka, an dam dopdeipmanilba, an dam yanuka nyanmakin yupu nirya, ance pia kum kekepmanilamce, batakmanila ati, ‘Allah arye anti dipkoprob oplopnamkilʼ tenen, akunum bikmakine,” nyabuk. Nyabuk bukni, Amazia bira, mandipna kanye bubukce, ayupu babye kum kekebuk.

Keluaran 10:11

Ati ara, anggun sal diamuk binamlume. Min arye moropnulum touk, bimunce anggun sal diamuk, Yahweh el si erepra banamlume.” Firaun birye nyabuk. Nyabukce, Firaun yu ubukba, el mapu nirya arye Musa ap, Harun ap ati, “Firaun dam arye batakuka, anggun buru birurume,” nyabuka yakik.

Keluaran 18:4

Tonda, el weit koproba el si ati, Elieser nyabuka si dobuk. Elieser nyabuka deiyok ara, ‘Na punun nang si erelamiknye Allah Yahweh arye, akunum melibuka lyepropnukba, Mesir mutuku ninye taleamuknye Firaun birye, ton kum opnukeʼ tenena ati, aminyan deibuk mi ati, el si Elieser nyabuka si sibuk.

Amos 7:13

“Yehuda yala nang unyak tam mutuku bana teleb bukni, nun mutuku noutam, Betel mutuku ara, Allah yupu tonap kum peterenamsilame. Amutuku ara, ninye deiyoknye Raja Yerobeam birye, ‘Amutuku ara na mambul mutuku,’ tenelula anya arye, amutuku noutam ara, pia weik aik akunum dobuka, anyaik domukak yanganyabe. Amutuku ap, anyaik ap ara, nun ni Raja Yerobeam el ning ati, ance amutuku ton yangana kume. Ati ara, Allah el yupu ton amutuku noutam laka nyalbana kume,” Amazia birye, Amos biti nyabuk.

Ibrani 11:27

Tonda Musa arye, Allah ati diba tenelamuka deice arye, ‘Mesir mutuku weik ninye deiyoknye Firaun arye derepnilyak’ tenen, ilil asa arye, Mesir mutuku batakuka, yukak biyuk. Talye ninye asing arye kum eipmantonye Allah ati, Musa arye eibuka anya arye, ikin ning weik el nong deice deiyamikba, ikin ulamuka babye, pia kum bataklamuk.