Keluaran 10:14 - Eipomek

¹⁴ Winibukopura, sul kwising weike yayikce, Mesir mutuku nirya langdibuk. Langdibukce, Mesir mutuku noutamak pia weika arye amubik. Ara, min talak arye dipdongobuka, wini talak noutamak nirya ap, aminyan yanamle talak babye, aning kibuk touk, sul kwising pia weik kum ulamuk, ton kum unamle. Sul kwising atalakuk, Mesir mutuku noutamak pia weika arye ubuk.

Keluaran 10:14 ပူးပေါင်းရင်းမြစ်များ

1 Raja-Raja 8:37

“Tonda winipmanto ning ara, amutuku din patana ap, weik mambul uk talibuka ninye dipna ap, tonda sik koun ning koubikiba lyulamle ning ap, tonda koun ning koluna ap, tonda weik sul kwising arye, weik yakirye nun koulamap ning nirya dibikce talak ap, tonda anggun oldan nang arye yanuka olyasice talak ap, tonda, yata kanye imun ning yanamle talak do nirya, Israel nang arye anti morobikcopura, ‘Ance kekenamsilam’ tenen, moropkine.

Mazmur 78:46

Tonda, sik Mesir nang arye kouamik ning, akunum palamuk bukni, Allah arye weik sul kwising ning arebukba, aning arye, sik wa windam koulamik ning nirya dibik. Mesir mutuku nang arye, pil weik dolamik deice arye, sik wa wiamik noutam, din ning weik uamuk bukni, Allah arye asul kwising ning arebuka deice arye, aning nirya dibik.

Keluaran 11:6

Nyabukce, ayupu ton nyabuk. “Dibikcopopura, Mesir mutuku ninye nirya arye engepnamake. Pia malye kanye bobuka enggenamaka ara, minop talak arye dipdongobuka anoutam talak babye aning Atonun ton kum uamuke. Tonda, aminyan yanamle talak nirya ara, enggenamaka ara, mitik mambuluk unamle. Narye wini talak arepnaman kanye imun ning ara, pia ikin ati, weik mambule,” Allah arye nyabuk.

Keluaran 9:18

Ati ara, dipkoprob ambusum beren tam, aunmanam keting anyuk, narye weik dekne duk-duka purwu mok arepnamakine. Aning ara, na dam arye dobuka dopdeipnamane. Dopdeipniba, weik ikin ning, Mesir mutuku noutamak deiyok kouna talak arye dipdongobuka, wini talak nirya kum ulamuk ning winipnamane.

Amsal 30:27

Winilye ning ara, sul kwising ara, sik deiyoknye ton kum ulirye, “Winibuka unamlume,” nyabuka, yupu kum nyalul bukni, sik yuk aryuk bulubukabikirye, ninye yin talin nang lelebuka balamak touk, asul kwising babye, kum nukmanto bulubukabikirye, lelebuka banyake.

Yoel 1:7

Sikda talye ati kum yanmake. Nun anggur tapu ara, ‘Sekuka kwiniplopnamap’ tenen, yanmasiyake. Tonda, ara yo ara, ‘Duk kum moupnamle ati, webuka sirya daknuyap’ tenen, yanmasiyake. Ara, ‘Webuka sirya dakeipyeba, duk kum moupnamle’ tenen, yanmasiake. Aning nirya akunum dibicopura, yo sirika diamuk upnamsile. Winipsilyopura, yo bol nirya kobuka dibikirye, yo yok diamuk batakiceba, mikdoplirye, kolupnamle.

Ulangan 28:38

Anggun ni koproba Allah, elce nyapdeipsuk yupu ati, diba kum tenepmunce, kum talibuka ulamunyopura, adeice arye, ikin ning weik tonun, anggun dam yaliba dolonamlume. Ara, anggun wa wibuka, yala weik tonun koupnamlumba, palamle bukni, nong ara, mitik touk dolonamlume. Deiyok ara, anggun wa wibuka koupnamlum ning nirya ara, sul kwising arye, dilamlya deice arye, kum kinamsile.

Ulangan 28:42

Tonda, yo duk, din yo yala nirya koupnalum ning ap, koun ning yala nirya kounamlum ning ap nirya ara, yo bok din ning arye dilamle atouk, din ning sekna arye sekenamle.