Keluaran 10:13 - Eipomek

¹³ Nyabukura, Musa el kama Mesir mutuku tuku deice pukminyeura, Allah el mikip arye weik kumanya yali tam arye dobuka yayukce, asum keting noutam talak babye, lukunyan talak babye, kumanya weik arye donmoka ani, berekukopura, yali tam arye, sul kwising tonap tabakuka boyayuk.

Keluaran 10:13 ပူးပေါင်းရင်းမြစ်များ

Kejadian 41:6

Ajagung tekbarye teleb ning aupmok bukni, sirya talak adeiyok tonok bukni, jagung duk tekbarye tonap moupmok. Moupmokbuk, laka ubukba, keting yangan tam arye weik kumanya dobukba, silal lebukabukce, ajagung duk malye ubuk.

Mazmur 105:34

Winibuk bukni, Mesir mutuku ninye arye, tuba mandipna kanye uk ulamikba, Allah elce sul kwising yukubukba, sul kwising yupa ara, kum nukmanto, weik arye amutuku noutamak yanuka langdibik.

Mazmur 148:8

Se, bebeya lakliba, uku lalamle ning ap, weik mok purwu saklamle ning ap, dua ap, mikip weik arye balul kumanya ap, mok ap, dou ulamle talak ap, aning-aning nirya ara, Allah arye, “Winipnamlulume,” nyabuka nyalilye touk, Allah Yahweh el yupu uk kekebuka unyake.

Mazmur 78:26

Tonda, Allah arye, keting panalyangan tam arye, yangalamle kumanya ati, “Pu apnulyame,” nyabuka ati, akumanya mikip arye Israel nang deice dolamukba ulamik. Tonda, Allah arye kumanya ati, “Pu apnulyame,” nyabukba, el mikip deice arye, dabu tam mikip weik kumanya babye, pu alamuk.

Mazmur 78:46

Tonda, sik Mesir nang arye kouamik ning, akunum palamuk bukni, Allah arye weik sul kwising ning arebukba, aning arye, sik wa windam koulamik ning nirya dibik. Mesir mutuku nang arye, pil weik dolamik deice arye, sik wa wiamik noutam, din ning weik uamuk bukni, Allah arye asul kwising ning arebuka deice arye, aning nirya dibik.

Keluaran 14:21

Ura, Musa birye el taruk laut mekwen deice pukukba, Allah el si Yahweh arye, el mikip deice, weik kumanya arebukba, mikip weik keting yangan tam arye pukuka laut mekwen deice yayuk. Yayukce alukunyan noutamak arye pukukba, amekwen eitam kilon, outam kilon kibuk. Laut mekwen noutam bisik ara mekwen ceprobukce tuku mikrobuk.

Amsal 30:27

Winilye ning ara, sul kwising ara, sik deiyoknye ton kum ulirye, “Winibuka unamlume,” nyabuka, yupu kum nyalul bukni, sik yuk aryuk bulubukabikirye, ninye yin talin nang lelebuka balamak touk, asul kwising babye, kum nukmanto bulubukabikirye, lelebuka banyake.

Yunus 1:4

Banmeka ani, Yunus bira, amek liya yo, el si kapal laut noutamakuk bukni, amu tam aik wekuka mapmok. Mapmok talak ara, Allah el si Yahweh arye, mikip weik mok piriripna dopkwetebukba, mek deibukce kuruninikuka, longteng-longteng abukce, amek liya yo, el si ara kapal laut, dangubuka opmanto unmok.

Yunus 4:8

Keting akunum panalyayukura, Allah arye kumanya weik, buppu ning dopkwetebukba, keting panalyangan tam arye, weik kumanya welebukce, kumanya dobuka yayuk. Akumanya dobukce, keting tin weik deibuk deice arye, Yunus kisok buppu arye, biribiri abuka, dipmanto ubuk. Awininmok deice arye, el dipmanto ubukce, tonda el kisok nirya, uku dipmanto ubuk. Winibukba, ‘Na kam unye ning ara, kume, dipnune,’ tenebukce, nyabuk. “Weik teleb ning ara, dipnune. Kam una ara, na like,” nyabuk.

Matius 8:27

Winibukopura, Yesus el melin nang arye, sik weik ilil weik ubukba, ngalukunmekce asilanmek. “Se, Yesus ara, yatatonye ulul do? Weik yenya babye, mekwen lonting-lonting nyanmal ning babye, el yupu nyaplopura, el nyapmal touk kekebuka winiple,” nyabik.