Keluaran 1:8 - Eipomek

⁸ Ulamik talak ara, Mesir mutuku noutamak ninye deiyoknye tonok, Raja winiryuknye tikukce, Mesir mutuku nirya talibuk. Atikuknye bira, Yusup el si ap, nong ap, kel kum kiyamuk.

Keluaran 1:8 ပူးပေါင်းရင်းမြစ်များ

Mazmur 105:25

Allah arye, Mesir mutuku ulamik nang ati, kanye tamupdeibukba, sik anang arye, el mapu koprop Israel yala ninye nirya ati, derebuka malye yupu nyabuka, weik ikin ning sik nong deice delilamik. Tonda, Allah el mapu Israel ninye sikti, tilila yupu nyaplobuka, ikin ning delilamikce, amutuku ninye ati, ‘Minina yupu nyabibya deice arye, amutuku ninye nirya arye, Israel ninye ati, ‘Nun lik’ tenenamake’ tenen, talye yupu uk nyalamik. Tonda, Mesir mutuku ninye arye, sik Israel ninye ati tilila yupu uk nyalamik.

Keluaran 3:16

Nyabukopura, ayupu ton nyabuk. “Ura, bimince, Israel nang wisi-wisi nang, deiyok nang nirya bulubuka deipmince, nyapnamlyame. Nun apu yapu pununa ninye, Abraham ap, Isak ap, Yakub ap, kalikuka meliamukba, el si erelamik Allah Yahweh arye, na dam yayukce nyapnuk. Ura, sik Mesir mutuku ninye arye, ikin ning weik, anggun nong deice delilamsikba, mambul kanye bomlum ning ara, na tuba elinun anya arye, na kele.

Keluaran 3:7

Atalak ara, Allah el si Yahweh arye nyabuk. Na mapu Israel nang ara, Mesir mutuku noutamak, ikin weik unyaka ara, na elinunce, kel kinune. Ara, Mesir nang arye, ikin pil arukunyakbuk, donyak ning ara, akunum elinune. Israel ninye engenyaka ara, na kele. Tonda, ikin asa unyaka ati, na mambul kanye bonune.

Keluaran 3:9

Ura, atalak ara, na mapu Israel ninye arye, “Se, ikin pil donyabe,” nyabuka engenyaka ara, akunum kekenune. Tonda, sik Mesir mutuku nang arye, Israel ninye pia ikin ning weik, sik nong deice delinyaka ara, aning ton tuba elinune.

Penghotbah 9:15

Kintinibuk bukni, amutuku noutam ara, ninye talye bona utotoa kumnye bira, aning-aning nirya pia kumnye tonok ulamuk. Anye bira, moubuka bikinanye ulamuk. Winilamuka ati, el weik tonun kel bikamuk ning arye, el mutuku nang ati melibuka, lyepdobuk. Bukni, amutuku noutam ‘Telebe,’ nyana kumce, elti, tonok ning babye, kum arebik. Sikce elti, pia kum tenelamikce, akunum lubakina uk ulamik.

Rasul 7:18

Winilamikopura, Mesir mutuku noutamak ara, yuk weik ninye deiyoknye, Yusuf ati aning-aning nirya kum kel kiyamuknye bira, Mesir mutuku sik weik ninye deiyoknye tikuknye birye, talyamuk.

Rasul 7:19

Nun apu yapu sik winiryuk delilamik mapu ‘Dipnamak’ tenyamukce, “Anggun mapu bura tam deibloplulume,” nyalamuka deice arye, elce nun apu yapu ati winililamukce yukulamuk akarye sik nong deice ikin ning weik deililamuk.

Ulangan 26:6

Wini talak ara, sik Mesir mutuku ninye arye, nun apu yapu ati, pia ikin pil ap, ikin ning ap, weika arye, sik nong deice delilamikba, imun kanye bobuka ulamikce, ikin pil weik aruklamikba, dolamik.

Hakim-Hakim 2:10

Yosua ap, neika ulamik nang, atalak Israel nang kam tuba ulamik ninye keting tamun yupa weik daulamik bukni, aminyan talak sik nirya dipnin balamika ani, nirya kum dayik. Atalak ulamik ninye nirya dibikce, sirya dakik bukni, sikce delilamik mapu ara, tuba kam ulamikce, nebra balamik. Ati aminyan talak erepdeibik nang nirya ara, Allah ati moubuka kum tenelamik. Sikce, dipkoprob Allah el si Yahweh ara, kum kel bikamik. Tonda, Allah arye minop talak Israel ninye ati melilamukce, ninye kum winipmanto ning winilamuka ara, sik asing koprop arye kum elilamika ati, sik kum biklamik.