Kejadian 13:9 - Eipomek

⁹ Atikmanamak arye dana-dana tam dipdelyame. Mutuku weik aupmale anya arye, nun yuk-yuk bokdanuka binaname. Nunda, bokdananame. Anda orkwanim tam biminyopura, nara sirik tam binamane. Akumopura, anda asirik tam biminyopura, nara orkwinim tamuk binamane. An kanye arya,” nyabuk.

Kejadian 13:9 ပူးပေါင်းရင်းမြစ်များ

Ibrani 12:14

Ura, na kayapo. Anggun nirya arye, ‘Yuk ninye nirya ap, kanye deibuka neika ubibirye, malye winina ap, olana ap, yupu deice walana ap, aning nirya pia kum diparyuk, diksukumuk unamap’ tenen, pia pi dobuka, pirilenamlulume. Malye winina ning nirya, kum batakikirye, diksukumuk kum unyak ninye ara, nun Weik Deiyoknye Allah, el ap neika ansinibuka kum unamake.

Kejadian 34:10

Nyabukopura, ayupu ton nyabuk. “Nun unyap mutuku noutam nirya ara, nun ap, anggun ap, neika una ap, dekna ap, pil dona ap, nirya ara, teleb uka. Neika ubibiba, anggun patasilye ning ara, dekenamlume. Aning babye teleb uka,” nyabuk.

Kejadian 20:15

Arebukce, ayupu nyabuk. “Ura, na talinun mutuku nirya an eipmalam anya arye, ‘Amutuku ara, una telebe,’ nyapmalam touk, talye mangkau asa bimince, unalyame. Teleb uka nyapkine,” Abraham ati nyabuk.

1 Korintus 6:7

Ura, akunum lak upsile. Ton nang arye, yuk nang ati, “E, sikce malye winipmasiake,” nyabuka, yu upliba, yupu deice waldakirye, yupu lipsisikuka bokolina deiyok nang dam bobalulum deice arye, akunum bikmasine. Allah arye, ‘Na mapu teleb ubuka unamake,’ tenyamsuk ning ara, akunum batakuka, talye-talyeuk winilulume. Winimunya arye, malye winilulume. Teleb ning ara, yuk nang arye, anggunti malye winipsikcopura, talye lamapdongobuka, nimalye arye, unamlulume. Anggun ning ubula dopropsikcopura, talye kanye bobuka, ‘Adopropmak ning ara, aupmalye’ tenen, lamapdongobuka unamlulume.

Roma 12:18

Yuk nang arye, anggunti, ‘Nun ap, anggun ap neika teleb ubuka kum unamap’ tenen, malye kipdeipsicopura, anggun deiyok uka. Aning ara anang anggun deice aupnamle bukni, anggun diba tenelulum ninye, anggun bidamang deice aupnamle ning nirya ara, ‘Kume, derelana ap, olana ap kum diparyuk, nun ap, yuk ninye nirya ap, kanye talima dukdongobuka namin asa arye, teleb ubuka neikauk unamap’ tenen, pia pi dobuka pirilenamlulume.

Mazmur 120:7

Ara narye, “Yuk ninye ap, neika talima dukdongobuka winin ning ara, teleb uka,” nyalamne talak nirya ara, na ap neika unyap ninye ara, yu weik ninye anya arye, sikce, “Kume, yuk ninye ap, kanye talima dukdongobuka namin asa arye, neika un ning ara, nun like. Teleb ning ara, nunda mal olanauk wininamabe,” nyanyake. Ati ara, na lik weik unulule. Daud arye nyabuk.

Kejadian 13:8

Sik tuku lo kum mitik anun ubuka anya arye, Abram birye, Lot biti nyabuk. “Amio, na ap, an ap, yu upsiliba, walana ara, bataknaname. Tonda, na basam wein nang ap, an basam wein nang ap, yupu si dalana ara bataktinge. Ura, nunda tonok yala nanguk unyam atia.

Kejadian 13:10

Abram birye, nyabukba, Lot birye, amutuku nirya dana-dana tam dipdeyukce, Yordan mekin ap, Yordan lyuak nirya ara, mek weik binamuka anya arye, pia teleb ubukba, eibuk. Amutuku nirya ara, Allah el si Yahweh arye, minop talak kwepdeiamuk mutuku, Eden mutuku atonun, tonda Mesir mutuku noutamak bukni, teleb mutuku si Soar mutuku urasin atonun ubukba, eibukce, kanye deibuk. (Atalak ara Allah arye, Sodom mutuku ap, Gomora mutuku ap, sik wenena ati, uku dopkwetebukce, min kum omuk talak ati nyapne.)

Yeremia 40:4

Ati wini talak, ance moubuka tenipdemince, kel biknalyame! Narye, an taruk tapu koupkik ning akunum lopdeipkine. Ance, ‘Telebe,’ teneptumura, an ap, na ap neika, otam pera mutuku, Babel mutuku bitinemnyeba, narye anti, pia melibuka kalikinamkine. Winipnyopura, anda teleb unamlame. Bukni, an babye, ‘Kume, Babel mutuku kum binuka unamne,’ tenepminyeura, aning babye, teleb uka. Ance tenepmince. Ati, anda melipniminyeba, nun neika Babel mutuku binamap do? Kum binamap do? An kanye arya. Anda dipdelyame. ‘'Amutuku nirya ara, laka kibuka dinmalama ati, ance, ‘Amutuku bana ara telebe. Diksukum winin ning ara, amutuku ton binuka winiptinye,’ tenepminye mutuku ara, talye parapkabuka bana uka.” Babel mutukunye, Nebusaradan birye, na Yeremia ati nyapnuke.