Imamat 8:19 - Eipomek

¹⁹ Harun ap, el mapu ap, adomba el kisok deice, sik taruk akunum deibikopura, Musa birye adomba basam dobuka obuk. Obukba, el ining biyuk ning ara, dobukabukce, kam ning obuka, uku dongona ati, mesba deice ap, amesba el kup-kup dumbarye memepdeiamikak, sirya dana-dana ara, aining arye binuka, tikuka dikdeibuk.

Imamat 8:19 ပူးပေါင်းရင်းမြစ်များ

2 Tawarikh 29:22

Nyabukopura, sik imam nang arye, asapi basam obikce, ining ara dobuka, amesba deice dikeibik. Tonda, sikcuk yim domba basam tekbarye ap, domba mi tekbarye ap nirya ara, ‘Allah arye nun malye winin ning lyebuka, teleb kipdeipnamsilʼ tenen, obukabikce, ining dobuka amesba deice dikeibik.

Imamat 1:11

Aning akunum boyalyopura, anye adiparyuk, Allah Yahweh, el damakuk, abasam onamlule. Abasam opnamalye talak ara, ‘Kam ning obuka dana ati, keil pala taplakikirye yangabuka kintinip deiamikak, el si ara mesba bukni, utam arye, binuka onamlule. Oplye talak ara, na Allah arye elinamne. Na dinye talak, abasam akunum oplyopura, na Allah ap, ninye ap, ansililina aik pil dona deiyok nang, sik imam-imam nang arye, abasam ining balye ning dobuka, ining ning uku dongona ati, memepdeiamunyak, kup-kup dam dumbarye dana-dana binuka, dikilongonamnyake. Winibikcopura, aining binuka, akeil pala deice dulbinamle.

Imamat 8:18

Aning akunum pil dobukopura, kam ning obuka, uku dongona ati ara, Musa birye, yim domba basam yim ning bobuka yayuk. Adobuka yayuk domba basam, el kisok deice ara, Harun ap, el mapu ap, sik taruk ara, ayim domba basam el kisok deice deibik. Ara, ‘Allah arye, nun malye winin ning ati, wenebuka opsutu bukni, nun pununa ati, ayim domba obibyeba, ‘Allah arye nun malye ning biksilyakarye, lyebuka teleb kideipnamsilʼ tenen, winibik.

Imamat 8:20

Winibukopura, adomba basam ara, sekuka atam-atam yuk-yuk wilibukce, kintinibuka deibuk. Winibukopura, adomba basam, el kisok ap, el nong sekuka deipmok ning ap, el meta nirya ap ara, Musa birye dobuka, uku dongobuk.

Ibrani 9:21

Ayupu nyabukabukce, aninye nirya deice, ining likeipra balamuka atonun, Allah elti, arena ap, el si erena ap ati, sik cang kambing bol arye tia talak ati dolin tenda aik domik ning ap, anyaik pil dona ati, anyaik noutamak delilamik ning nirya ap, ining luptingca dobukapnarye, donoklamuk.