Adopropnamle ning nirya ap, tonda, ‘Allah ati, arepnamapʼ tenen, yuk tup ning ap, kintinibuka deipmakce ning nirya ap, tabakuka uku dongona ati, amesba memebuka deibika arye, Harun el mapu arye, aning nirya bobuka, amesba deice uku dinmalye noutam, uku dongonamake. Ara, ‘Allah Yahweh ati arepnuyapʼ tenen, uku dongobikiba, atup ning nirya uku diplirye, siltong teleb ning weleplya ati, Allah kekeplirye, kanye teleb unamle.
Imamat 7:28 - Eipomek28 Allah Yahweh arye, Musa biti, “Aning-aning nirya, winibuka wininamlume,” nyapdeibuk. Allah Yahweh arye nyapdeibuk yupu ara, ani. အခန်းကိုကြည့်ပါ။ |
Imamat 7:28
5 ပူးပေါင်းရင်းမြစ်များ
Aning ara, talye ati kum nyapsine. Ara, yatanye birye do, “Ining ning ayala-yala nirya, dina meme. Aninguk winibuka-winibuka wininamlume,” nyapdeipmasin ning yaniplirye, aning kum winiplinye bira, Allah Yahweh arye, ‘Anye, na tamnye ulule,’ kum tenenamle. Israel nang unyak noutam arye, kum unamle. Anye el wenena ati, el dobuka, Israel nang unyakak arye, bai tam yakuka dopkwetepnamake. Allah arye anye biti, wenepnamlarya. Weneplyopura, anye dipnamlarya.
Ara, “Ance, sik Israel yala nang nirya ati, ayupu laka nyalbinulyame,” nyapdeibuk. Yatanye do, el malye winipmalye ati, ‘Se, nara malye winipmane ati, ining ning bobinyeura, teleb kipdeipniliba, Allah ap, na ap ansinilipdanuka, telebuk neika unamname,’ teneplirye, kam ning ton bobuka yanganamle. Akam ning ara, adiparyuk sikce noutam arye wilibuka, ‘Aning ara, Allah Yahweh, el si arepnamapʼ tenen, kintinibuka delinamle.
Allah Yahweh arye Harun biti, “Aning ara, batakna kume. Pia tenenamlyame,” nyapdeibuk. Anyapdeibuk ning ara, ani. “Na Allah, na si erena ati, arena pia teleb ning kintinibuka, arelyanganamniyak ning nirya ara, an Harun ap, an mapu ap arye, dobuka, uku dongopnamlum ning nirya ara, narye an ap, an mapu ap ati, akunum kintinip deipsise. Ati ara, atalak arye dipdongobuka, doyanamle talak nirya babye, aninguk dolonamlume. Ara, an ap, ance deipminba, dadeipdanin banamlum nang nirya ap ara, atouk wininamlulume. Narye akunum arepsina anya arye, aning ara, pia anggun tenen ninguk unamle.
Aning akunum winibicopura, domba basam yim opmalinye bira, el basam taruk bobinuka weik panci mek buppu akunum yupmakce ning ap, tonda, “Allah el ninguk unamne,” nyabuka nyalin yupu nyapdeipmalye nang arye, nena kum roti kwaning tonok ap, weik kue tonok ap, tonda kue mitik ning tonok ap, libuka deipmalye keranjang aling noutam arye kintinipmacak, Imamnye birye dopropnamlule. Sik Nazir nang, sik kisok potong akunum kopmace nang ara, imamnye birye, aroti kwaning winilye ara, sik taruk tatang deice deipliba, bopnamnyake.
ကြော်ငြာတွေ