Imamat 7:11 - Eipomek

¹¹ Israel nang arye, malye winipmace bukni, ‘Allah arye teleb kipdeipsilyeura, el ap neika teleb kibuka neika unamapʼ tenen, arelyanganamak ning ati, “Winipnamlume,” nyapnusine. Ara, anggun ap, Allah ap, teleb kipdeiplirye, elana ati ara, “Aninguk winibuka-winibuka wininamlume,” nyapsinye touk, winipmunce, Allah Yahweh el si erena ati, arelyanganamlume.

Imamat 7:11 ပူးပေါင်းရင်းမြစ်များ

2 Tawarikh 29:31

Aning nirya akunum winipdobikopura, Raja Hizkia birye nyabuk. “Wini talak anggunda, ‘Allah el siuk erenamabe, el yupu uk talebuka teleb unamabe. Allah Yahweh el tam pia ati akunum kibabe,’ tenepmaluma ati, Allah ati anggunce telebe nyana ap, anggun malye winin ning kum kibuka kilina ati ara, kam ning dobuka, Allah el si eren aik dam boyalulume,” nyabuk. Nyabukopura, ayanmekce, bulubuka wekmek nang nirya ara, Allah ati telebe nyana ap, el aren ning ap, sik malye winin ning kum kin ning ap, ‘Uku dongonamapʼ tenen, kam ning bobuka arelyayik. Tonda, sik kanye aryuk, ‘Winipnuyabe,’ tenepmek nang arye, kam ning obuka, uku dongon ning ton boyanuka arelyayik.

2 Tawarikh 33:16

Aning nirya akunum winibuk ning ara, Allah Yahweh el si erena ati, kam ning opnarye, uku dongon ning, el si mesba, lipsisikuka dobukce, tamubuka teleb kibuka, memepdeibuk ning ara, ‘Asukum ara, Allah Yahweh ap, nun ap, teleb kibuka elanamabʼ tenen, kam ning obuka, Allah arena ati, aning bobuka, uku dongobuk. Tonda, ‘Na ni Allah, ance melipmanilama ati, telebe nyapnunʼ tenen, kanye deibuka, yuk kam ning ton obuka, amesba deice uku dongobuk. Winibukce, Yehuda tam mutuku ulamik nang nirya ati nyabuk. “Anggun nirya ara, nun Israel nang arye si erenyap Allah, el si Yahweh ara, nun deiyoknye ulula ati, el siuk pia erenamlume,” nyapdeibuk.

Amsal 7:14

Asum ara, na si erenun ning si erena ati, teleb arin ning akunum arepmanue. Na si erenun ning ati, ‘Wininamne,’ nyabuka nyalin yupu nyapse ning ara, akunum winipmase.

Imamat 19:6

Tonda, na arena ati, kam ulamle ning boyamunce, anggun ap, na ap, ansinibuka neika una ati, opmunye ning ara, adiparyuk arup ap, ambusum ap, aning tup toubuka dinamlulume. Like bitinye sum arye, dinmamunya ani, sirya daknamlulume. Like bitinye sum ara, atup ning mitik anun babye tuba auplyopura, like winilye sum ara, adiparyuk uku dabuka dongopmunce, sirya dakanamlulume. Aning ara, na arena ati, kwal ton delina pia meme,” Allah arye nyabuk.

Imamat 22:29

Ura, anggunce Allah, el si Yahweh, el telebe nyana ati, domba ato ning dobuka bobinumunyopura, anyapsin touk wininamlume. Tonda, anyapsin touk winipmunce, arepmunyopura, Allah arye kanye deipsilirye, dolanamle.

Imamat 7:10

Aning atonun, Allah arena ati arelyanganamak roti din ning deiyok ning ara, terigu do, yakong do, tepung do, arebikirye, mitik tonun tuba aupnamle ning ara, Harun birye deiplye nang aryuk, doprobikirye, dinamnyake. Ara, embik tuba aupmalye ning ap, tonda minyak mek arye dikikirye, likuka tabakuka dapmaminye ning ap, minyak mek arye likuka, kum deipmamunye ning ap, atotoa ara, neikto. Aning nirya ara, Allah si eren aik pum tam talibuka pil dona deiyok nang, ara Harun ap, elce deipliba, deipdanin banamak nang nirya ap ara, sik ananguk, atouk kibuka, bokuka dinamnyake.

Imamat 7:29

Ara, “Ance, sik Israel yala nang nirya ati, ayupu laka nyalbinulyame,” nyapdeibuk. Yatanye do, el malye winipmalye ati, ‘Se, nara malye winipmane ati, ining ning bobinyeura, teleb kipdeipniliba, Allah ap, na ap ansinilipdanuka, telebuk neika unamname,’ teneplirye, kam ning ton bobuka yanganamle. Akam ning ara, adiparyuk sikce noutam arye wilibuka, ‘Aning ara, Allah Yahweh, el si arepnamapʼ tenen, kintinibuka delinamle.

Amos 5:22

Anggun malye weik tuba-tuba winilulum ninye ara, ‘Nun malye ning dekna ati, kam ning obuka uku dabibirye, Allah ati si erebibirye, moronamabe,’ nyamunce, kam ning domba basam ap, kambing basam ap, anggun wa wining gandum ap, yakong atonun ning ap, boyanganauk ululum bukni, aning nirya ara, na like. Anggunce, ‘Nun ni Allah arye lyepnamsilarya’ tenen, kam ning ap, gandum ap, na dam boyangalulum ning ara, kum dolosunune. Tonda, anggunce na arena ati, meta weik ning obuka boyamunce, tup sekdoba uku dongopmunce, ‘Nun malye wininyap ning ara, kum kipdeipsila ati, nun Allah ap epdanuyabe,’ tenelulum ning ara, kum epdanamabe. Aning nirya ara, talye atibuk tenebuka winilulume. Anggun malyeuk winimunyeba, aning boyanuka arenululuma anya arye, narye aning nirya, pia kum dolosunune. Aning na lik anya arye, kum dinamne.

Bilangan 7:23

Tonda, ‘Allah arye melinilyeba, na ap, na wininamne ning nirya ara, telebuk unamleʼ tenen, sapi basam bitinye ap, domba basam yim pamubarye ap, kambing basam yim pamubarye ap, tonda, yim domba mi keting tamun tonok kipmok ning pamubarye ap, aning-aning nirya boyanuka arebuk. Aning-aning nirya ara, Zuar el mi Nataniel arye yanuka arebuk.