Imamat 7:10 - Eipomek

¹⁰ Aning atonun, Allah arena ati arelyanganamak roti din ning deiyok ning ara, terigu do, yakong do, tepung do, arebikirye, mitik tonun tuba aupnamle ning ara, Harun birye deiplye nang aryuk, doprobikirye, dinamnyake. Ara, embik tuba aupmalye ning ap, tonda minyak mek arye dikikirye, likuka tabakuka dapmaminye ning ap, minyak mek arye likuka, kum deipmamunye ning ap, atotoa ara, neikto. Aning nirya ara, Allah si eren aik pum tam talibuka pil dona deiyok nang, ara Harun ap, elce deipliba, deipdanin banamak nang nirya ap ara, sik ananguk, atouk kibuka, bokuka dinamnyake.

Imamat 7:10 ပူးပေါင်းရင်းမြစ်များ

Keluaran 16:18

Ati ara, aning weika arye bulubuka deibik ninye ara, weik kum ubuka ati, kwal kum deibik. Tonda mitik anun arye bulubuka deibik ninye babye, mitik ubuka babye kum suktalibik. Aning-aning nirya, sik patalamuk touk bulubuka deibuka dilamikba, tonap kum patalamuk. Ara, Allah arye nyabuk touk, tonoknye ikin bitinye ning bulubuka lipdeibikce nukika atia.

Imamat 7:11

Israel nang arye, malye winipmace bukni, ‘Allah arye teleb kipdeipsilyeura, el ap neika teleb kibuka neika unamapʼ tenen, arelyanganamak ning ati, “Winipnamlume,” nyapnusine. Ara, anggun ap, Allah ap, teleb kipdeiplirye, elana ati ara, “Aninguk winibuka-winibuka wininamlume,” nyapsinye touk, winipmunce, Allah Yahweh el si erena ati, arelyanganamlume.

Imamat 7:9

Aning atonun, Allah arena ati, roti din ning deiyok ning, el si tepung do, yakong do, terigu do, atoto ning, asum-asum nirya boyanuka, uku buk deice bukni, el si komfor do, uku deice bukni, yangalin ning, kuali deice arye deibuka, danamak ning nirya ara, arebikiba, Allah el si eren aik pum tam pil dona deiyoknye, imamnye birye, aning bobuka uku dongopnamle. Mitik tonun tuba aupnamle ning ara, aning areplinye imamnye, el tibuk arenalyame. Aning ara, anye aryuk doproplirye, dipnamle. Yuk talye nang arye, kum diptinge.

2 Korintus 8:14

Aning atonun, wini talak ara, anggun Korintus mutuku ninye arye aning-aning weik taliplum ning ara, bokuka arepmunyeba, sik yuk ninye aning pia kum ubukba, ikin ululbuk unyaka ara, kanam upnamle. Winipmunyopura, aning atonun yuk talak ara, sik yuk ninye arye aning-aning weik talinamak talak ara, anggun Korintus mutuku ninye talilum ning kum dasilyeura, sik yuk mutuku nang arye tuba tamubuka anggunti melibuka arepnamsiyake. Anggun ap, yuk mutuku nang ap, winibuka arepdamunyopura, anggun insinip danuka neika unamlume.