Tonda Kedar mutuku ninye arye weilamak domba basam ap, kambing basam ap, bobuka anggun dam boyakirye arenamsiake. Tonda Nebayot mutuku ninye arye yim domba basam weinyak ning ara, anggun dam boyanganamsiake. Adomba dopropmunce, nara Allah na si eren talak on ning ati, na arena teleb uka. Akam ning arepsikiba, anggunce, aning obuka uku dongopmunce, na Allah ati, anggun kanye deipmunce, teleb kanye bobuka unamlume. Winipmunyopura, nara Allah na si eren aik, urasin pia teleb aik ara, dirina weik arepneba, teleb uplyopura, ninye nirya eibikirye, ‘Se, Allah el si eren aik ap, Allah el ap ara, pia teleb ulule,’ tenen, sik kanye pia teleb unamake.
Imamat 3:6 - Eipomek6 Winipmanto ara, yatanye birye do nirya, ‘Allah arye, na malye winilamse ning lyepropnilirye, teleb kipdeipniliba, el ap, na ap, telebuk unamnameʼ tenen, kam ning bobuka, arelyanganamle ning ara, domba basam do, ura kambing basam do, sapi basam do, bol malye ning ara, bobuka arelyangana, pia meme. Anya arye, tonok yim ning do, kil sapi basam do, akam ning bobuka arelyanganamle ning ara, bol pia teleb ninguk, bobuka arelyanganamlule. အခန်းကိုကြည့်ပါ။ |
Imamat 3:6
16 ပူးပေါင်းရင်းမြစ်များ
Nyabukopura, ayupu ton dukdongobuka nyabuk. Anyapdeipne yupu nirya ara, sik Israel nang nirya arye, moubuka talibikirye, na nyapsinye touk wininamnyake. Dan talak do nirya, Israel nang kan-kan noutam ara, tonok-tonok nang arye, na Allah Yahweh arena ati, “Kam ning bobinuka arepniba, obuka uku danyakce, uku dongolamyak,’ teneplinye bira, el weilamlye ning noutam aryuk, sapi basam do, domba basam do, kambing basam do, maka do, boyanuka arelyanganamlule.
“Ati anggunce, ‘Nun ap, Allah el si Yahweh ap, ansinibuka, teleb kibuka unamap’ tenen, kam ulamle ning obuka, na Allah ati arenamlum talak ara, na nyapsinye touk, arenamnululume. Winipmunyopura, narye kanye deipsinirye, anggun arenamnulum ning dopropnamne. Narye, ‘Wininamlulume,’ nyapdeipsinye touk, kum winipmunyopura, na kum kekepnamsine.
Atalak aryuk, anggun malye winin ning namin kibuka kilina ati, yim kambing basam tonok arepnamnulume. Tonda nara, anggun ni Allah ap, anggun Israel ninye ap, ‘Teleb ubuka neika uptibye’ tenen, keting tamun tonok mamlye yim domba basam bitinye dobuka boyamunce, na si eren aik pil dona deiyoknye biti arepnamlume.
Tonda, kam ning ton obuka, uku dongopnukca ati, domba basam do, sapi basam do boyanuka, na Allah ati yanuka arepnunikce ning babye, atalak nirya ara, anggur mek tonok liter ap, boyanuka, tabakikirye, arelyanamniyake. Ara, domba basam mi arepnamanikce talak nirya ara, anyapdeipman touk, anggur mek tonok liter ap, tabakuka arenamninyake.
ANazirnye Allah dam bobikce talak ara, aweilamlye kam ning winilye ara ani. Tonok ning ara, keting tamun tonok deice arye akunum nebuk domba basam yim, el bol pia teleb ninguk boyanuka, arelyanganamle. Aning ara obuka, Allah si erena ati, mesba deice arye, uku dongopnamake. Tonda, el anye malye wamlye ning kilina ati, domba basam kil, nong pia teleb ninguk, keting tamun tonok akunum nebuk domba basam tonok boyanuka, arelyanganamlule. Aning ara atonun, anye el malye wamlye ning kiliplirye, Allah ap, el ap, teleb ubuka eldana ati, adomba basam kil boyanuka, arelyanganamlule.
“Ara, Daud arye nyapdeiamsuk touk, dipkoprop Herodes ap, Pontius Pilatus ap, Yahudi yala kum ninye babye, Yahudi yala ninye ababye, anang ap, Yerusalem mutuku bulubuka wekik akarye, ‘Obisipnamap’ tenen, an yupu uk kekebuka, an piluk melibuka mambul pil dolulnye Yesus ati, yupu sisikinmek. Anye Yesus ara, ance wipdeiamlum akarye, ‘Ninye lyepnamle’ tenen, erepdeiamlumnye biti, yupu sisikinmek.
Winipsuka ati ara, wini talak ara, anggun nirya yala yuk-yuk ninye ululum bukni, Yesus Kristus ap kanye talima dukdongobuka umunya deice arye, anggun nirya ara, nong tonok atonun kibuka, el ap neika ululume. Ati wini talak ara, Allah arye nun diba tenenyap ninye ati tenesulula ara, ani. ‘Sik Yahudi nang ani, Yunani nang ani, kilapu ani, sik bidamang kanye aryuk unyak ninye ani, talye pil dobuka unyak ninye ani, yuk nang arye yo bok deice dekikce, talinyakba, urdemuk pil donyak ninye ani,’ kum tenesulule. Aning kum bukni, nun diba tenenyap ninye ara, Allah arye Yesus Kristus ap, kanye talima dukdongopsuk anya arye, el ap ansinibuka neika atonun unyabe. Nun nirya ara nong tonok atonun unyabe.
Isa Mutuku Dongonye ap, mer nirya ap, sik amu tam ulamuburye, tukwak mem ninguk talibuka ulamubu bukni, Allah arye, ‘Atalak ani,’ tenyamuk touk akunum winibukopura, Allah arye el Mi Kopropa dopdeipsuke. Allah el mi Yesus dopdeipsukba, Allah El Dib Kanye mikip deice arye tonok kil arye ami deibuk. Akil arye Allah el mi deibuk talak ara, nun Yahudi yala ninye nirya, Allah arye, “Aning ara wininamlulume, aning ara kum wininamlulume,” nyapdeibukba, Musa sekamuk yupu talibuka ulamuburye, amem yupu amu tam atonun ulamupe. Aning atonun, ami Yesus babye, Musa sekamuk yupu amu tam ulamuk. Musa sekamuk mem yupu amu tam bukuka ulamubu bukni, Allah arye el mi dopdeibukba, atalak yayuka deiyok ara ani. Ara, Allah arye nunti, ‘Musa sekamuk yupu, mem yupu amu tam unyak ninye ara, deknamne.’ Na Mi Kopropa arye aninye deklirye, mem ning amu tam unyakak arye lobuka lyepnirye, ‘Na mapu kopropa unamak’ tenen, diba tenenyak ninye ara, teleb kipdeipnamne. ‘Winipnyopura, narye sikti, kintinyamse ning nirya arepniba, sikce dopropnamak,’ tenyamsukce, el mi Yesus dobuka areamsuk.
Allah kanye deiyamukce, winibuka tenyamuk. ‘Kume, na tenyamsi talak akunum uplyopura, yata ning do nirya, tukwak ulul ning nirya ap, im deice ulul ning nirya ap, dopropnyak arye, tonok Weik Deiyoknye, Yesus Kristus, el amu tam deipnebuk, aning nirya talibuka, teleb kibuka neiktoto unamle. Kristus ara, aning-aning nirya deice tam ulirye, weik Ninye Deiyok kibuka talinamle,’ Allah arye, tenyamuke. Allah minop talak tenyamukce, aning nirya duknyamuk bukni, wini talak akunum lakak kipdeipsuk ning ara, akunum nyapsine. Na Paulus birye, nyapsine.
ကြော်ငြာတွေ