Imamat 26:10 - Eipomek

¹⁰ Tonda, anggunce tuku deice arye talibuka, wa wibuka kounamlum ning yala-yala nirya ara, weik tonun arenamsine. Winibuka arepsinyeba, pia weik tonun lipmunce, weik tonun dinamlum bukni, pia weik, kum nukmanto linamluma ati, ton ning ara, na dokola din delin aik ton, weik tonun delinamlume. Winipnin balamunya ani, aminyan talak, wa wibuka kouamunya ani, duk moupnin banamle ning ara, keting tamun noutam nirya ara, pia ouku weik kipnin banamlula ati, minop talak, ‘Naʼ tenen, dokola deiamlum ning ara, min kum dipmamunye buk, aning dobuka, talye donokmunce, winiryuk ning ton, punubuka delinamlume.

Imamat 26:10 ပူးပေါင်းရင်းမြစ်များ

2 Raja-Raja 19:29

Nabi Yesaya birye ayupu lak nyabukopura, ayupu ton dukdongobuka Raja Hizkia biti nyabuk. Raja Hizkia, anda, ‘Allah arye, wininamle ning dib tenepnalam’ tenen, lak kilin ning winipnamkila ara, ani. Aminyan winipnamne ning deiyok ara, ance, ‘Aning nirya ara, dipkoprob winipnamle’ tenen, ‘Dib tenebuka kel biknalam’ tenen ati ara, narye, lak kilin ning arepnamkine. Allah arye, nyapkile. “Anyapdeipnukin yupu ara, an deice winipnamkila ati, lak kilin ning ara, ani. Ara, aketing tamun ara, anggun Yehuda tam ninye arye, koulamlum ning kum bukni, elbiyuk arye, talye buru tam palamle ninguk dinamlume. Oketeng tamun bitinye ning ara, aning atonun bukni, talye palamle ning dinamlume, keting tamun tonok ning el yala ning ton sakuka paplirye moulyopura, aninguk dinamlume. Wininamlum bukni, keting tamun winilinye ning deice ara, wa wilamunye ning, moulyopura, libuka dinamlume. Tonda, anggur tapu duk dokamunya ani, duk mouplyopura, weik arye, dakuka dinamlume.”

Yoel 2:24

Ati, anggun gandum wa wilulumak ara, weik arye yamubuka arenamsine. Winipsiniba, anggun gandum wena ati, sapi basam arye teikikopura, gandum duk delilulumak ara, gandum pia weika arye langdiknamsile. Tonda, anggur yo duk ap, zaitun yo duk ap ara, dakuka mek purubikiba, langdibuka minyak mek weik upnamle.”

Imamat 25:22

Ati keting tamun tekbarye (7) yala kum kounamlum bukni, keting tamun pinbarye (8) yalyopura, wa wibuka, yala kouna ap, dokona ap, lina ap wininamlume. Narye anggun wa tuku pia teleb kibuka deipsinyopura, adeice arye keting tamun nakub barye (6) noutam nirya, anggunce koulamlum ning nirya, el yuk pia teleb ubuka panamle. Adeice arye, nakub barye (6) keting tamun noutam, wa wiamunya tuba aupmalibuk, keting tamun nakub barye (6) ap, tekbarye (7) ap, pin barye ap noutam, aninguk dinamlume. Aning atonun, narye melilamsinya deice arye, din ning ara, pia weik uplyeba, dipnin balamunya ani, otam keting tamun pinbarye noutam yala ning ton, kounamlume. Winimunyopura, keting tamun topne barye sembilan tahun (9) uplyeura, aninguk bulubuka deipmunce, dinamlume.

Lukas 12:17

Boyayukce, ‘Se na din ning delin aik lo kum ati, dan ak deipnun do?’ tenen, teniltonmok.

Yosua 5:11

Weik kwalina dibuka mapmeka berekukopura, Kanaan mutuku noutam uamuk ning ap, roti kwaning nena kum ning ap, yakong atonun ning, el si ara gandum ap, kalum deice dabuka, atalakuk dibik.