Imamat 25:7 - Eipomek

⁷ Atonun ton, anggun unamlum mutuku noutam ara, domba basam do, kambing basam do, sapi basam do, yuk kam ulamle ning nirya ara, anggunce talibuka weinamlum ning babye, talye bai tam ulamle ning nirya babye, atuku el yuk talye paplirye, nong unamle ning nirya ara, dinamlume. Wa kum winamlume. Winibuka batakamunya ani, keting tamun tonok kipnamle.

Imamat 25:7 ပူးပေါင်းရင်းမြစ်များ

Keluaran 23:10

Keting tamun nakub barye (6) sum nirya ara, wa wibuka, yuk pil don sum unamlume. Winipmunce, nong uplirye wisiplye ning ara, libuka dinamlume.

Imamat 25:6

Winibuka dikdik selamlum touk, ninye arye kouna kum arye bukni, atuku deice arye, el yuk arye talye betekuka paplirye, nong unamle ning yala-yala nirya ara, anggun din ninguk unamle. Tonda, anggun pil melibuka pil don nang ap, ‘Pil donamsiakʼ tenen, yo bok deice arye, dekuka deiplum nang ap, tonda anggun ap neika unamlum ninye asik nang ap nirya arye yala kum kounamlum bukni, atuku nirya, el yuk talye paplirye, nong unamle ning yuk-yuk ning yala nirya ara, anggunce bulubukamunce, dinamlume. Aninguk ara, anggun din ninguk unamle, nyapsina.

Imamat 25:8

Nuknin balamunya ani, like tekbarye tujuh kali keting tamun ton nukmunyopura, minggu tekbarye atonun bukni, ‘Keting tamun tekbarye akunum kipleʼ tenen, nuklenamlulume. Anuklamunya aketing tamun nirya upnin balamlya ani, yupa weik empat puluh sembilan (49) tahun upnamle. Keting tamun 49 akunum uplyopura, ‘Akunumaʼ, keting tamun lima puluh (50) ning ara, el si ara, Yobel keting tamun, ‘Allah el mambul weik keting tamun akunum yanmasile,’ tenenamlume.