Imamat 25:52 - Eipomek

⁵² Bukni, pil deiyoknye, mince areamuk ning nukikirye tenebikcopura, Yobel keting tamun dam akunum uplyopura, apil dona melinanye, el lyena ati, yo bok mitika tonun, tamubuka arepnamake. Deiyok ara, pil deiyoknye birye, el melinanye, el nong deklamuk talak ara, yo bok weik arebuk bukni, apil melinanye birye, keting tamun weik tonun pil akunum dolamuka ati, yo bok mitik tonunuk, tamubuka arepnamle. El keting tamun weik tonun pil dolamuka deice arye, el deiyoknye birye, ‘'Yo bok areamuk ning ara, pil weik dolamlya deice arye, akunum punubuke,’ tenenamake.

Imamat 25:52 ပူးပေါင်းရင်းမြစ်များ

Imamat 25:51

Apil melinanye, el dekna ati, pil deiyoknye mince areamuk ning nukikirye, weik uplyopura, tonda Yobel keting tamun bisibuka, otam keting tamun tonap tuba weik auplyopura, apil melinanye, el lyena ati, el dekna yupa ara, weik tonun arenamake. Deiyok ara, pil deiyoknye birye, el melinanye, el nong dekamuk talak ara, yo bok weik arebuk bukni, keting tamun pil dolamuk ning ara, mitik tonun domlya ati nyapne. Ati, yo bok weik tonun, adeiyoknye biti, tamubuka arepnamlule.

Imamat 25:53

Sik pil melibuka donamak nang ara, deiyoknye el amu tam unamake. Apil donamak talak noutam ara, deiyoknye birye, “Aning ara, pil donamlume. Aning ara, kum wininamlulume,” nyalilamle touk ubuka, el pil dona melinanye birye, adiparyuk winipnamle. Bukni, anggun damuk unamaka ati, anye el pil melilamle deiyoknye birye, el pil melinanye biti, ikin ning weik, el nong deice kum delinamle. Tonda, elti, malye yupu ton kum nyanamle. Anggun yuk Israel nang nirya arye, ‘Pil deiyoknye birye, nun kwit biti, malye uplyakʼ tenen, el winilamlye ning ap, elce nyalamle yupu ap, moubuka kekenamlume.