Imamat 24:4 - Eipomek

⁴ “Harun birye aning nirya ara, winipnamlyame,” nyapminba, elcuk kalikuka pil dobuka teleb wininamle. Alampu weisa, el yan ara, dengna weik ning, el si emas, pia teleb ning arye deipdongobuka, memebikirye, anyaik deipnamle. Tonda, atalak-atalak nirya ara, alampu ara pia ati, Allah Yahweh el Teleb Lek Aik pum tam deiplyeba lanamle. Ati ara, Allah Yahweh arye, alampu pia delinamle.

Imamat 24:4 ပူးပေါင်းရင်းမြစ်များ

1 Tawarikh 28:15

Ara, anyaik pum tam weisa lana ati, ikne ning deibuka donamak ning ati, ‘Emas ara el ikin winibuka-winibuka dopropmomce, aweisa delinak cang ning el yan ap, adeice tam weisa koprop lilin dongopnamlumak ap, puturubuka deipnamlume. Aning atouk dekna weik ning, perak deice arye kintinibuka deipnamak weisa delinak babye, ayupu atouk laka nyabuk.

2 Tawarikh 29:7

Sikce Allah el si eren aik kup-kup ak botopdeiamik bublan nirya tirikilongolamik. Tonda lampu upna ara, Allah el si eren aik noutam delilamik ning nirya ara, tangalongalamik. Allah el si eren aik noutam ara, ‘Allah moropnuyapʼ tenen, sikce siltong teleb nyan ning ara, mesba deice uku kum dongolamik. Tonda, ‘Allah arye, nun malye winin ning kum kipdeipsilirye, lyelonamsileʼ tenen, Allah el arena ati, kam ning obuka, mesba deice uku sekuka, kum dongolamik. Ara, nun apu yapu, Israel nang arye boyangalamik ning nirya ara, uku kum dongolamik.

Keluaran 31:8

Tonda, na si eren aik pum tam deipnamak yo pala meja ap, ameja deice deipnamake ning ap, tonda dekna weik ning emas arye memepnamak ning lampu delina ning ap, alampu pil don ning ap, siltong teleb ning uku dongopnamak ning ap, aning nirya narye nyapnye touk memepnamake.

Keluaran 39:37

Tonda, upna lana deiyok ning, el urasin teleb kat ning, emas teleb ning arye domik ning ap, upna lan pil dona ati, memamik ning ap, aupna deice un ning, yala nirya ap, tonda, upna lana ati, minyak mek ap, kintinyamik ning, Musa dam bobuka yana deibuk.

Yeremia 52:19

Tonda, Babel mutuku yin talin nang, sik deiyoknye, Nebuzaradan birye nyabukba, dekna weik ning, el si emas ap, perak ap deice arye, memamik ning nirya babye, ubula doprobik. Ara, mitik ngolol makau ap, kam ning Allah arena ati obuka boyanopura, uku dalamik makau ap, ining kwebuka boyangan makau ap, atu lulin ning ap, Allah arena ati, anggur mek kwelin ning, mitik makau ap, yangalin ning nirya ap, uku delina ati, deiamik ning ap nirya ara, Nebuzaradan birye, aning nirya dalubuka doprobukce, Babel mutuku tamubuka bobiyik.

Imamat 24:3

Alampu weisa nirya ara, Harun elcuk moubuka kintiniplirye, pil donamle. Ara, kum inipmalye talak arye dipdongobuka, lukunyan nirya lapmalya ani, bereknamle talak nirya, moubuka kaliknamle. Allah Yahweh, elda asukumuk pia unamla ati, elce aweisa lampu dinamle. Allah el nyalin yupu lin peti yo marikna, el si Peti Perjanjian, amekina pum tam deibik aik otam, Pia Teleb Lek Aik ubukak bukni, atam ara, yuk aik wilibuka deibik aik, el si Teleb Lek Aik anoutam ara, cang weik kain lapkwetebik. Ara, Pia Teleb Aik wilibuka lelibuk ati, Pia Teleb Lek Aik otam ubuk buk, atam ara, aweisa teleb kibuka lanamle. Anyapmasin ning nirya ara, anggunce deiplumba, dadeipdanin banamlum nang babye, atonun pia apiluk dopnin banamake. Ara, wini talak unyak ninye arye apil winibuka, aminyan talak nirya aunamak ninye ara, atouk pia apiluk wininamake.

Bilangan 3:31

Sik anang pil don ning ara, ani. Allah arye nyapdeiamukba, Musa birye sekamuk yupu, libuka deiamik marikna yo, el si ara, Peti Perjanjian bobana ap, aning kalekina ap ati, pil talibuka dolamik. Tonda, Allah si eren aik pum tam uamuk yo lakase, meja ap, upna lana ati, delilamak ning ap, Allah el arena ati, anyaik pum tam uamukba, imam nang arye talibuka, pil dolamik ning ap, Allah arena ati, mesba delilamik ning nirya ap, ‘Aning nirya telebuk unamleʼ tenen, kaliklamik. Tonda, cang kain bola arye, ninye nirya talye wekna kum aik, pia teleb aik pum tam wekelbana ati, wililamik ning kintinilin nang ulamik. Sik Kehat yala nang arye, anyaik pum tam uamuk ning nirya ati, ilil kanye bobuka, apil talibuka dolamik.

Bilangan 4:9

Winibicopura, sik minopce upna lana delina deiyok ning ap, tonda, upna lalamle ning minyak ap, uku upna tangalongon ning ap, aning nirya ara, kain el bol ara, im sukulamle atonun urasin ning arye, lelilongonamnyake.

Bilangan 8:2

“Ance, Harun biti binuka nyapnalyame, ‘Upna lalamle ning ara, tekbarye, memebuka kintinip deibikcopura, aupna el deiyok deice uk binuka deipnulule. Atalak ara, ance moubuka deipminba, alampu upna urasin dam nirya ara, dirina uk unamlule,’ nyapnamlyame,” Allah arye nyabuk.

Ibrani 9:2

Allah el si erena ati, tia dolin aik cang kain atonun ning, kambing bol deice domik. Domikce, wilibuka min yubuka weklamik aik el si ara, Teleb Lek Aik nyalamik. Anyaik noutamak delilamik ning ara, nukuka nyapnusine. Ara, weisa delina ap, yo lakase yangalina meja ap, Allah el si erena ati, din ning dabuka delilamik ning, el si ara, roti ap delilamik. Aning nirya delilamik aik si ara, Teleb Lek Aik nyalamik.

Wahyu 1:20

Na sirik taruk talipman kurya tekbarye ap, atekbarye weisa dirina kin ning emas ning ap ara, ‘Deiyok ani’ tenen, moubuka kum tenepmalam bukni, ‘Aning nong ani’ tenen, kel kipnulama ati, laka nyapnukine. Ara, tekbarye weisa dirina ning el nong ara, Asia tam noutamak, Allah diba tenebuka unyak ninye, mutuku si tekbarye jemaat ati ulule. Tek barye talipman kurya sik nong ara, Allah diba tenenyak ninye tekbarye mutuku jemaat, sik melina malaikat unyake. Anye birye, na Yohanes ati nyapnuke.

Wahyu 11:4

Abitinye nang ati ara, sik winipmanto ning ara, duk moulamle yo si ara, Ara yo bitinye ap, weisa delin ning bitinye ap, dobuka deibikba, aning-aning nirya ap, tukwak mutuku nirya ap talilirye, Weik Deiyoknye, el urasin tam deibikba dilule.

Wahyu 2:5

Ati, anggun moubuka tenenamlulume. Minop talak nati kanye deiyamnulum ning ara, pia teleb bukni, wini talak ululuma ara, pia yuk tenebuka ululume. Mitika aryuk kanye delinululume. Amalye winiplum ning ati, batakmunce, urasin tamubuka, minop tam pia teleb ulamlum touk, ila tuba tonap winipmunyopura, telebe nyapsitinye. Wini talak anggun malye winiplum ning ati, kum batakmunyopura, narye anggun dam yanirye, anggun weisa delina deiyok ning deipsa ara, dopnamsine.