Imamat 22:11 - Eipomek

¹¹ Bukni, imam nang ara, ‘Naʼ tenen, lek ning, mingne din ning dinyaka ati, imamnye birye, el pil dona ati, yo bok deice arye dekelyeba, el aik neika ulamlirye, pil dolamlinye ap, tonda imam el bidamnye deiamlye mapu ara, Imamnye el dilamle din ning ara, sik babye dinamnyake. Anang ara, malye ur dinamnyake. Aning ara teleb uka.

Imamat 22:11 ပူးပေါင်းရင်းမြစ်များ

Kejadian 12:5

Tonda Abram birye, el kil Sarai ap, sik Haran mutuku noutamak taleamuk ning nirya ap, Haran mutuku noutamak neika ulamikce, sikti miliamik nang ap, aning-aning nirya dobuka, ‘Kanaan mutuku binuka upnamap’ tenen, bisik biyik. Bisik panabikce, pia banmeka ani, Kanaan mutuku biyik.

Kejadian 17:13

Winipmunyopura, sik nong bol deice ara, lak kilina atonun ning winipnamle. Ara, sik babye, yuk mutuku ninye babye, den bam bol mouse ning sekmunye ning eibikirye, ‘E, ara aninye ap, Allah ap, nyalin yupu nyalalamikce, pia talilanyake’ tenen, kel biknamsiake.

Keluaran 12:44

Bukni, anggun pil melibuka dona ati, anggun yo bok deice arye dekuka deiamunyeba, anggun pil melibuka dolamice ninye ara, Kaplin Kwalina kwalipmamunye ning dina telebe. Ara, anggun pil melin nang ara, sik den bol mouse ning akunum sekamunye nanguk dinamake. Den bol mouse sekna kum nang ara, pia kum dinamake.

Imamat 21:22

Bukni, Harun birye deiamukba, dadeipdanin banamak nang, el yala nang bukni, anyapmasin uk yala taleamlye nang ara, yuk imam nang arye, nati boyanuka arelyanganamniak teleb din ning ara, sik nong bol malye wamlye nang arye, adin ning ton dobuka, sik ton dina telebe uka. Ara, pia teleb lekto din ning ap, tonda pia teleb din ning ara, “Sik ato nang arye, dobuka dina telebe,” nyapsine.

Imamat 22:12

Tonda, Israel nang arye, ‘Nun ni koproba, Allah el si erena ati, aning ara, el tenen ninguk upmaleʼ tenen, nati kintinibuka arenamniak ning ara, pia teleb mingne din ning ulula ati, imamnye birye deiamlye kilmu ara, yuk talinye domlyopura, nati arelyanganamniak ning, el li koproba, imamnye birye deiamlye bukni, akilmu ap, el akanye ap ara, mingne din ning dobuka, kum dinamdake.

Bilangan 18:9

Tonda, mesba deice arye, uku dongona kum ning, yuk kintinibuka yanganamak ning ara, pia teleb, lek din ning anya arye, adin ning ara, an ninguk unamla ati, aning nirya dolonamlume. Arelyanganamak din ning, aning-aning nirya noutamak ara, pia teleb lek ning ara, ani. Akunum dabuka kintinipmace din ning, gandum atonun ning ap, malye winipmakce ning pununa ati, bobuka arelyanganamak ning ap, tonda, ‘Malye upmakce ati, talye parapkabuka, oplopsutu bukni, amalye upmapu ning ati lyepsutueʼ tenen, bobuka arelyanganamak ning ap nirya ara, pia lek din ning anya arye, an Harun ap, an mapu ap, anggunuk dobuka dinamlume.