Imamat 20:17 - Eipomek

¹⁷ Winipmanto, tonoknye ton, sik ni, sik nin tonok birye, deiamlye buk, el makal kil koproba bukni, sik neika mapriceura, Allah arye, ‘Ato nang ara, na mapu koproba unyake,’ pia kum tenenamle. Israel nang kan-kan arye, ato nang dobuka, bai tam yaknamlulume. Allah arye sik nirya ati, wenebuka opnamle. Atonun ning winiplinye ap, akilapu ap, pia mem ning, weik malye ning akunum winipnamdaka ati nyapne. Akilapu ara, el makal kilapu buk, winipmalya deice arye, ikin ning el damuk yaliba dopropnamle.

Imamat 20:17 ပူးပေါင်းရင်းမြစ်များ

Kejadian 20:12

Tonda, ‘Akil ara, na makal kil,’ nyapse ara, mitik anun dib nyapse. Na ni koprop arye, akil deibuk bukni, nun nin tonok kume. El lin yuk, na nin yuk anya arye, nun mutuku unyaba ara, aning teleb uka anya arye, akil dopse.

2 Samuel 13:12

Nyabukba, akil arye tamubuka nyabuk, “Se na duo, winina ara, pia meme.” Na du ance, ‘Na tenena kum ning, aninguk winiptinyeʼ tenen, pia pi dona meme. Sik Israel yala nang nirya ara, atouk malye un ning ton, pia kum unyake. Ati ance, ‘Mikip arye talipnirye, malye kibuka deipnune. ‘Nun neika mapnuname,’ tenenmalam ning ara, bataknulyame, na duo. Aning winina ara, pia malye weik ati, aning atonun ning ara, nun Israel ninye arye dipkoprob kum winiptibye,” Tamar birye nyabuk.

Keluaran 30:33

Anintong teleb minyak, ato mek kintinibuka delinyak nang ap, tonda, imam yala nang kum bukni, yuk talye daunyak nang, sik nong deice deibikcopura, awinipmace nang ara, Israel ninye kan-kan una meme. Anang ara, yakmunyeba, yukak binamyake. Aning ara, pia dipkoprob nyapne. Awinipmace nang ara, na mapu koprop atonun, pia kum unamnyake. Bataknirye, wenebuka opnamne. Allah arye, Musa binyak nyabuk.

Yehezkiel 22:11

Tonda, Yerusalem mutuku unyak nang ara, sik kayapu nang domice kilapu ap, tonda sik deiamlinye birye, domlye kil ap, neika manyake. Ton nang ara, sik ni koproba arye, deiamlye kilmu, sik weit koproba ap, tonda sik ni yapu tonok nang arye deiamikce kilapu ap neika tonok manyake.

Imamat 18:9

Tonda, anggun makal kilapu, anggun dukul do, anggun weit kil do, ‘Akil ap, neika maptinimnye,’ tenena pia meme. ‘Aning atonun, anggun ni koproba arye deiamlye kilmapu do, tonda anggun nin koproba arye deiamlye kilmapu do, ton anggun ni yapu arye, kil bintinyamlirye, ton kil arye deiamlye kilmapu do, anggunce, ‘E, akil ap neika maptinimnyeʼ tenena ara, pia meme. Ara, anggun ni yapu arye, yukak arye deiamice kilmu do, anggun neika ululum mutuku noutamak do, anggun ni yapu deiamikce kilmapu nirya ati, ‘E, akil ap neika maptinimnyeʼ tenena ara, pia mem nyapsine.

Imamat 20:16

Aning atonun, kil ton talye kam ulye ning kam do, sapi do, basam do, el ap neika mapriceura, akil ap, akam ulye ning ap, adiparyuk onamlulume. Aning atonun wininyak nang ara, sik dipnamak ning ara, sik ining ara, sik nong deice upnamle. Deiyok ara, sik bidamnye, malye winilanyak deice arye opdanamake.

Bilangan 5:31

Akil domlinye bira, el kil dipkoprob malye winyamlyopura, akil deice ara, ikin ning weik yanamle. Bukni, akil el domlinye bira, ikin ning el nong deice kum yanganamle. Elda malye winina kum ati, el dam ikin ning ara, pia kum yanganamle. Bukni, el kil ara, malye winipmalye ning ati, elcuk kwinisa doplyeura, ikin ning ara, minopce el dam yaliba dolonamle.

Ulangan 27:22

Tonda, yatanye birye do nirya, tonoknye, el makal kil koproba do? Tonda, el li koproba el makal kil do? Ura, el lin, el weit kil do? El dukul do, akil ap neika maprikcopura, “Teleb kum winipnamle,” nyabuka, yupu deice arye, sun yupu nyapnamlume. Ara, anye biti ara, “Allah arye ikin ning arepliba, anye el dam ikin ning yalyeba, dolonamlule. Adeice arye dipnamle,” nyabuka, yupu deice arye, sun yupu nyanamlume. Ayupu ara, anggun Israel nang nirya kekepmunyopura, anggunce tamubuka nyanamlume. “Yo, dipkoprob nyapmasuluma ati, nunce, ‘Aninguk winipnamleʼ tenen, ‘Akunuma,’ nyababe,” nyapnamlume.