Imamat 2:7 - Eipomek

⁷ Tonda winipmanto ning ara, ‘Allah arena ati, roti kwaning ara, yangalin ning, el si kuali deice deibuka dapnune,’ tenepmunyopura, aroti kwaning ara, tepung pia teleb ning ap, minyak zaitun mek aryuk, tabakuka dapnamlulume. Akunum dapmamunce, Allah Yahweh ati, yanuka arepnamlume.

Imamat 2:7 ပူးပေါင်းရင်းမြစ်များ

1 Tawarikh 23:29

Tonda, anang nirya adiparyuk, Allah el arena ati, roti kwaning ara, Allah Yahweh el dam arye pia tuba-tuba kintinibuka delina uk ulamik. Tonda, Allah Yahweh si erebuka kina ap, ‘Nun ap, Allah ap, teleb ubuka neika unamapʼ tenen ati arelamubu ning, el si ara tepung terigu ap, mitik din ning, el si kue, nena kum ning, el si ragi arye tabakuka dana kum ning ap, tonda tepung ara minyak zaitun arye likuka, tabakne ning ap, kintinibuka delilamik. Sik ayala nang aryuk, yata arin ning do nirya, ‘El ikin ara, yata wiribuka ulul do? Tonda, el nong ara, yata wiribuka cang ap, el pala ap ara, yata wiribuka ulul do?’ tenen, diribuka kiklilena ap ara, anang aryuk, apil talibuka dolamik.

Imamat 2:6

Allah ati arepnamamunye roti kwaning ara, roti deiyok ning, tepung teleb ning dobuka, adiparyuk noutam arye tobuka deipmunce, atobuka deipmamumnya noutam ara, minyak zaitun mek arye dikdongobuka delinamlume.

Imamat 2:8

Allah arena ati, aroti kwaning yala nirya ara, aning laka nyapmasin touk kibuka, dapmunye ninguk, adiparyuk Allah Yahweh ati, yanuka arenamlume. Ara, Allah ap, ninye ap ansinilina ati, el si eren aik pum tam, pil ati dona deiyok nang, sik imam nang dam binuka arepmunyeba, sik anang aryuk, uku dongonak, keil pala yangabuka deiplumak, el si mesba dam bobanamnyake. Bobikirye, uku dongon pil donamake.

Imamat 7:9

Aning atonun, Allah arena ati, roti din ning deiyok ning, el si tepung do, yakong do, terigu do, atoto ning, asum-asum nirya boyanuka, uku buk deice bukni, el si komfor do, uku deice bukni, yangalin ning, kuali deice arye deibuka, danamak ning nirya ara, arebikiba, Allah el si eren aik pum tam pil dona deiyoknye, imamnye birye, aning bobuka uku dongopnamle. Mitik tonun tuba aupnamle ning ara, aning areplinye imamnye, el tibuk arenalyame. Aning ara, anye aryuk doproplirye, dipnamle. Yuk talye nang arye, kum diptinge.