Imamat 19:25 - Eipomek

²⁵ Keting tamun pamubarye mapmunyopura, ayo duk deiyok koubuka dakmunce, dinamlulume. Ara, anggunce aning ara, pia kintinip deipmunce, upra balamunya ani, ayo duk aram batakna kumce, pia dakuka dina telebe. Anyapsin touk, winipmunyopura, anggun yo duk ayala-ayala nirya weik upra balirye, duk moupra banamle. Nara Yahweh, anggun ni Allah arye nyapsine,” nyabuk.

Imamat 19:25 ပူးပေါင်းရင်းမြစ်များ

Imamat 19:10

Aning atonun, anggunce anggur tapu duk, wa win dam bimunce, anggur tapu duk nirya sekukab tonokak kum delinamlulume. Tonda anggur tapu duk dakanmamunce, tukwak talye saklye ning ara, anggunce bululbana meme. Anggur tapu duk tukwak saklye ning ara, batakmunba, aminyan talak, sik talye bona utotoa kum ninye ap, talye tikilyangan ninye ap, yuk mutuku ninye ap, sik anang wa kum wamlula anya arye, sikcuk aning bulubuka dinamaka ati nyapsine. Aning ara, sik ning uka. Nara Yahweh, anggun ni Allah, na tonok unirye nyapsine,” Allah arye nyabuk.

Imamat 19:24

Bukni, keting tamun like dumbarye deice ara, ayo duk nirya ara, Allah el ‘Naʼ tenen, ning atonun upmala ati, anggunce ayo duk dakuka, kum dinamlulume. Na Allah ati arenamnululume. Arepnumunye ning ara, na Allah, na si Yahweh ati, ‘Elda pia mambule ati, telebe,’ nyabuka, na si Yahweh erenamnulume.

Imamat 19:26

Anggunce aning-aning nirya ara, ining kipman dina pia meme. Tonda, ‘Aminyan upnamle ning kel biknirye, laka nyapnamne,’ tonda, ‘Mikip arye pil doptinye’ tenen, isa si erena ap, isa mikip deice pil dona ap ara, pia meme.

Imamat 19:3

Tonda, ninye nirya adiparyuk, anggun nin yapu ap, anggun ni yapu ap ati, ‘Sikda mambule’ tenen, kinamlulume. Winipmunyopura, tekbarye sum nirya ara, pil dona kumce, asum deice na Allah arye nyapdeamsi touk, na siuk erebuka, si erenamnululume. Nara, anggun ni Allah Yahweh unune. Anggun ni Allah, na tonok unune.

Imamat 19:4

Anggunce talye ning do, talye isa mer ap, Isa Mutuku Dongonye ap, yuk ning nirya ap ati, si erena pia meme. Tonda, yata ning do nirya, emas do, perak do, besi ning do, aning dobukapmunce, puturubuka ninye urasin atonun ubuka, memebuka deipna arye, ‘Nun ni Allah atia’ tenen, aning ati, si erena pia meme. Na tonok ara, Allah ununa ati, anggunce na siuk erenamnulume. Nara Yahweh, anggun ni Allah, na tonok unirye nyapsine,” Allah arye nyabuk.

Imamat 23:14

Anyapmasin ning nirya ara, pia tuba-tuba winipra banamlume. Ara, moulamle ning min yuma ning ara, na Allah ati, min kum arepmanumunye talak ara, roti ap, gandum imbik ning ap, ura gandum do, yakong do, ato ning, uku dapmaminye ning babye, mitik ning babye, ton kum dinamlulume. Nati, min yuma lipmamunye ning, wibuka akunum arepnumunyopura, aminyan talak ara, anyapmasin ning nirya, dina telebe. Anyapmasin ning ara, anggun ap, anggun mapu ap, anggunce deipnamlumba, dadeipdanin binamak ninye nirya ap, aning pia winipra banamake. Tonda, amutuku babye, yuk unamlum mutuku babye, anyapmasin ning pia winipra banamlume, kum bataknamlulume, nyapsine. Allah arye Musa biti, nyabuk.