Imamat 18:16 - Eipomek

¹⁶ Tonda, an weit koproba do, an du koproba do, el domlye kil ati, ‘Se akil ap, neika maptinimnye,’ tenena meme. “Akilapu ara, anggun nang susuk arye domlye kil ati, ‘Neika maptinimnyeʼ tenena meme,” nyapne. Akilapu nirya, pia kum yonamlume.

Imamat 18:16 ပူးပေါင်းရင်းမြစ်များ

Imamat 20:21

Aning atonun winipmanto, ninye tonoknye birye, sik nang susuk koproba arye domlye kil, ubula bobinuka, neika mapriceura, pia malye ning akunum winipmarice ati, el aik ninye ati, malye kibuka, si akunum yanipnamle. Awinipnamle ning ati, Allah arye weneplinye menenga areplyeba, dolonamak ning ara, ikin ning, sik deice deipliba, mi pia ton kum deipnamdake.

Matius 22:24

“Musa sekeiyamsuk yupu ara ani. ‘Tonoknye birye kil dopmalibuk, anye diplyopura, akil arye mi delina kumopura, anye el weit koprop arye, el yok pununa ati, el du kopropa kil yuwak daklirye, mapu deipnamrake,’ nyabuka Musa arye sekeiyamsuke. Nyabuka sekeiyamsuka ati, winipmanto ning asipdenukiyabe.

Markus 12:19

“Musa sekeiyamsuk yupu ara, ani. ‘Tonoknye birye kil dopmalye bukni, anye diplyopura, akil arye mi delina kumopura, anye el weit koprop arye, el kisok pununa ati, el du kil youwak daknamle,’ nyabuka Musa arye sekeiyamsuke. Nyabuka sekamsuke ati, winipmanto ning asipdenukiyabe.

Markus 6:17

Ara, Herodes elce nyapdeiamukba, el yin talin nang arye Yohanes Pembaptis tapu koubuka boyayikce wenen aik dongamik. Herodes arye winibuk ning ara, Herodes el weit Pilipus kam tuba ulamukbuk el kil Herodias ara, Raja Herodes birye ubula dopromuk.

Lukas 3:19

Ara, aninye kekelamik bukni, amutuku pemerintah weik ninye deiyoknye Herodes, el malye winibuk ning ati, Yohanes arye wenebukba, Herodes arye nyapdeibukura, Yohanes tapu koubukabikce, wenena aik dongobik. Yohanes arye Herodes wenebuk ning ara deiyok ara ani. Ara Herodes el weit koprop kil Herodias, ubula dalubuka doprobukce, doprobuk ning ap, ton malye ning pia weik ulamuk ning ap ati, Yohanes arye Herodes ati wenebuk.

Ulangan 25:5

Musa birye nyabuk. “Sik du weit neika ulamikce bukni, sik kwit ton, el mi delina kum diparyuk diplirye, el domlye kil bataklyopura, akil ara yuk yala nang ton, kum dopnamle. El bidamang domlye yala nanguk, akil dobuka, mapu deibuka, kwangnanamake. Adipmalinye, el du weit noutamak tonoknye birye, el batakmalye kil ati, adiparyuk doproplirye, sik mapu delinamdake.