Imamat 18:15 - Eipomek

¹⁵ Aning atonun, anggun sal ati nyapsine. An mi koproba arye, domlye kil ati, ‘Se akil ap neika maptinimnyeʼ tenena meme. Akilapu ara, anggun mapu, sikce domikce kilapu ati, “Anggun ninye wisi arye, pia neika mana meme,” nyapne. Akilapu nirya, pia kum yonamlume.

Imamat 18:15 ပူးပေါင်းရင်းမြစ်များ

Kejadian 38:26

Dopdeipbukba, Yehuda dobuka, dipdeyukce, mambul kanye bobuka, ‘Se, aning ara, na ninguk ulule’ tenen, bikuk. Bikukce nyabuk. “Se, nun bitinye malye winipnumu bukni, narye akil ati, na mi Shela kum arepsa ati, nara weik malye winipse bukni, el tonok ara, mitik malyeuk winibuke,” nyabuk. Nyabukce, tuba tamubuka tonap, akil pia neika kum malamrik. Sik neika kum malamrik.

Yehezkiel 22:11

Tonda, Yerusalem mutuku unyak nang ara, sik kayapu nang domice kilapu ap, tonda sik deiamlinye birye, domlye kil ap, neika manyake. Ton nang ara, sik ni koproba arye, deiamlye kilmu, sik weit koproba ap, tonda sik ni yapu tonok nang arye deiamikce kilapu ap neika tonok manyake.

Imamat 20:12

Winipmanto ton, ninye ton elce deiplye mi arye domlye kil, el yamal kil bobinuka neika mapriceura, anye ap, akil ap, sik bitinye nirya ara, adiparyuk wenebuka, obuka batanamlulume. Ara akil ap, anye ap, sik bitinye ara, Allah arye, ‘Aning ara, pia mem ninge,’ nyapne. Ara, ‘Sal ap, kil ap, ato ning pia kum wininamlume,’ nyapdeipsuka ati, pia mem ning winipmariceura, wenebuka opnamlulume. Sik dipnamdaka deiyok ara, sik bidamang malye wamdice deice arye, opdanamdake.