Daunmalya ani, tekbarye sum akunum uplyopura, anye el suse lololamlye suse ara, tonap lolobuka tabaklirye, anye el nong bol deice weik tonun uplyopura, Imamnye birye, anye biti, “Anye bira, weik korot malye suse el nong deice tuba dilule. Elda malye ulula ati, Allah el dam ton, kum yanganamle,” nyabuka, laka nyanamle.
Imamat 14:39 - Eipomek39 Like tekbarye sum akunum uplyopura, Imamnye birye tuba tamubuka, anyaikuk yalirye, ‘Akunum teleb ubuk do, kum do?’ tenen, pukle suse bikilina ati, yanuka dipdepnamle. Winibuka dipdelyeura, apukle suse deiyok ning atonun ning weik, anyaik abilinga pum tam akunum auplyopura, imamnye birye winibuka wininamlule. အခန်းကိုကြည့်ပါ။ |
Imamat 14:39
7 ပူးပေါင်းရင်းမြစ်များ
Daunmalya ani, tekbarye sum akunum uplyopura, imamnye birye, el suse dilamlinye biti, tuba tonap tamubuka dipdelirye, anye el bol deice lolon suse ara, tabakuka lopropnin banmaliba, el nong bol tam weik tonun tonap akunum winipnin balyopura, imamnye birye, “E, anye bira, korot suse weik akunum taleble ati, malye kipmale. Elda, Allah dam kum yanganamle,” nyabuka, laka nyanamle.
Anye adiparyuk tamubuka, Imamnye dam yalyeura, yanuka nyapliba, imamnye birye, ato nyan suse dinmalyak tamubuka dilenamlule. Dipdelyeba, anye el bol deice nirya ara, amalye suse tabuka dinmaliba eiplyopura, imamnye birye, ‘Kurun potong ton tikuk do? tenen, kum dilenamle. Deiyok ara, asuseuk akunum talipmalula ati, ‘Anye el suse tonap dipdenune,’ kum tenenamle. Ara, ‘Weik imun kanye bon uk, barye suse, korot suse akunum talipmaleʼ tenen, biknamlule. Akunum biklyopura, Imamnye birye, “Anye bira, dipkoprob amalye korot suse ara, tonap tamubuka talipmalula ati, anye Allah el dam kum yanganamlule,” nyanamle.
Like tekbarye sum akunum uplyopura, asumuk abaju doproplirye, tonap tamubuka dilenamlule. Tonda, abaju deice nirya ara, abaju tapu pum tam do, abola deice do, malye suse dilamlye ning urasin atonun tuba aupmalyopura, ton dadeipmalya ani, tupa tonap tapakmalirye weik tonap aupmalyopura, aimamnye birye, ‘Kume, abaju deice ara, malye pukle suse do,barye suse do, tuba dubuke. Ati, yuk nang abaju mangkau arye bol pibikcopura, apukle suse, sik nong deice ton dulbilyake. Ara, asuse sik nong deice ton dakdongopmanto ulule. Ati, abaju ara, akunum malye weik kibuk,’ teneplirye, yuk nang kekenak laka nyanamle. Abaju deiyoknye ap, yuk nang nirya ap ara, abaju pia kum ongonamnyake.
Anyaik yanuka dipdelyeura, el aimamnye birye nyapdeiplyeba, anyaik abilinga deice nirya ara, amalye ning pukle suse dilamle ning do, suse kala do, yabung do, diamlirye tong nyalamyak nirya ara, yanuka dipdelirye, nyanamlule. “Apukle suse deiyok ning bol piamlye aik, abilinga keil nirya uluplopmunce, bol piamlye sukum nirya dakuka, bai tam malye ulamlirye, lubuka tong nyalamlye ning donokonyak sukum, dopnoknamlume. Ara, Israel ninye unyakak dam kum bukni, anggun asik batakuka yukak, mitik pera sukumuk, bobinuka dopnoknamlume,” nyanamle.
ကြော်ငြာတွေ