Imamat 13:16 - Eipomek

¹⁶ Bukni, anye el nong tup ining bi aupmalye ning, turukun suse dilamlya ani, akunum nebuka loloplirye, weik dilamlye suse akunum mikdoplyeura, asuse dilamyak, el dila ara, kurulamle. Asuse akunum miriplirye, el bol deice tam nirya, teleb kibuka kuruplyopura, anye bira, adiparyuk imamnye dam tamubuka yanganamle.

Imamat 13:16 ပူးပေါင်းရင်းမြစ်များ

Imamat 13:15

Dipkoprob anye, el nong bol deice ara, weik lolobuka suse dilamlirye, ining bi wamlye ning eiplyeura, “Kume, anye bira, malye torok suse dilule,” nyabuka, lak sukum arye nyanamle. Ara, “El nong bol deice, weik kanye imun bon barye suse talibuke. Tuba dilule,” nyabuka laka nyanamle.

Imamat 13:17

Imamnye birye, tonap tuba tamubuka dilina ati, yanganamle. Winiplyeba, yanuka dipdelirye, el anye weik korot suse dilamlya ning mikdoplirye, asukum ara bol kurupmalyeba eiplyeura, imamnye birye, “El anye korot suse dilamlye ning ati, malye suse dinmalinye bira, akunum lopdopkilce, teleb upmakile. Ati, Allah el dam tamubuka yanganalame,” nyabuka laka nyanamle.

Lukas 5:12

Tonok sum ara, Yesus arye ninye asik dolamik noutamak banmukba, weik barye suse atonun kororoma ara, el nong bol nirya dilamuknye, aunmokak arye, Yesus eibukce yayuk. Yesus dam gutam tuku dipdongobuka bulyayukce, Yesus ati morobuk. “Naio, an kanye deipnutumce, ‘Anye bira kwetepnune,’ tenepnutumtoura, na barye kororoma, adiparyuk kwetepnutume. ‘Akwetepnutum’ tenen, ati moropmakine,” nyabuk.