Imamat 11:5 - Eipomek

⁵ Aning atouk, yuk kam ulye ning winipmanto ning ton, el si pelanduk basam ara, el din ning bitinye talak dilul bukni, el yan kala ara, kum kwakaklule. Bukni, akam ning babye, kum obuka dinamlume. Na kanye ara, ‘Aning ara, pia malye ning ulule,’ tenenuna ati, aning ara, kum dinamlume.

Imamat 11:5 ပူးပေါင်းရင်းမြစ်များ

Ayub 36:14

Wininyaka ati, sik malye winin ninguk talibuka wininyak nang ara, wel tuba unyak nang atonun unamak talak noutamak ara, minopce dibinyake. Ara, alye weik dakdakirye, adiparyuk dibinyake.

Mazmur 104:18

Weik arye erebuka bukuk mutuku dupak, bai tam kambing, keil si deice balirye aulule. Tonda, ‘Mutuku bukdika amu tam, keil amu tam unamak’ tenen, mutuku dup keil deice balamle ning, el si ara ayam mana (pelanduk) kwepdeiplume.

Amsal 30:26

Bitinye ning ara, ani. Mutuku kon deice ulamle kam ning, el si ara pelanduk, el nong mitik ulirye, el mikip ara mitanguk ulul bukni, el aik ara, mutuku kon keil si dam dolule.

Imamat 11:3

Ara, yata kam ulye ning do nirya, sik yan kala, taruk kala ubuk ning ara, noutam arye akunum wabukba, taruk kala bitinye atonun ulul ning ara, anggunce aning dina teleb uka. Tonda akam ning ara, sik din dipmakirye, daunmakca ani, aminyan talak ara, mun arye kanye arye welepliba, tuba ton ap dinyake. Ato ulye kam ning atonun ning nirya ara, anggun Israel nang nirya arye, obuka dina teleb uka.

Imamat 11:4

Bukni, yuk yala kam ulye ning ara, sik din ning tonap like bitinye talak dinyake. Bukni, sik yan kala ara, kum ubukba, bitinye atonun kum ulule. Aning atonun ulye kam un ning ara, obuka kum dinamlume. Winipmanto ara, anggun kum dinamlum ning ara, unta basam ara, el din ning bitinye talak dilul bukni, el yan kala ara, kum kwakaklule. Ati, unta basam ara, Israel nang arye, kum obuka dinamlume. Allah, na kanye ara, ‘Aning ara, malye ulule,’ tenenune. ‘Unta basam ara, malye ning ulula ati, anggunce aning obuka kum dinamlume,’ tenenune.

Imamat 11:6

Winipmanto ning ton, kelinci el din ning akunum diplirye, daunmalya ani, aminyan talak, tuba tonap adin ning mun noutam arye welepyeba, bitinye talak dilule. Winilul bukni, el yan kala ara, kum kwakaklule. Ati ara, kelinci babye, kum obuka dinamlume. Na kanye ara, ‘Aning ara, malye din ning ulule,’ tenenuna ati, kelinci ton kum dinamlume.

Matius 7:26

Bukni, yata ninye do nirya, na nyasinye yupu amul deice aryuk kekebuka batakikcopura, aik dona walwal nang atonun unyake. Aik dona walwalnye bira, ayukumna yo mek wininga deiceuk deibuka dobuk.

Ulangan 14:7

Tonda, anggunce kum dinamlum kam ning yala ara, ani. Ara, yan kala kum kwa lekelul ning bukni, sik si arye, dina lakuka kum dinyak yala ning ara, kum dinamlume. Sik ayala ning ara, sik dina ara, akunum si deice arye dibikcopura, daunmakca ani, aminyan talak tuba tonap adin ning, sik mun pum arye duklopmakce ning, tonoap tuba dinyake. Ati, unta basam ap, kelinci ap, tonda mutuku dup dam keil kan-kan ulamle ning, el si marmot ap ara, Allah el kanye ara, ‘Aning ara, malye ning ululule,’ tenelula anya arye, aning ara obuka kum dinamlume. Ara, sik dina ara, si arye dobuka dinyak bukni, sik yan kala kum kwa lekelule. Adeice arye, aning ara, malye ning ulule.

2 Timotius 3:5

Allah el si erena ap, elti, kina ap, ati ara, talye nong bol deice ninguk unamak bukni, sik kanye noutamak ara, ‘Allah el yupu ap, el winilul ning ap, atonun winiptibya babye, anirya deice arye, el mikip weksuturye, mikip kum keipsutue’ tenen, wininamake. ‘Allah el mikip ara, kum ulula anya arye, aning nirya ara, nong kum upnamle ninguk,’ tenebuka wininamake. Sirya talak unamak ninye arye, anyapmasuk touk winipnamaka anya arye, Timotius anda, anang atonun nang ap, neika una kume. Leibuka yuk akuk unamlame. Na Paulus arye nyapkine.

Titus 1:16

Ato wininyak ninye ara, nyanyake. “Kume, Allah diba tenebuka, kanye dukdongobuka unyabe,” nyabuka, talye nyaltakanyak bukni, sik malye-malye ninguk winiyak deice arye, Allah batakuka yaninyake. Anang ara, Allah el yupu nirya, kekena kum arye yaniplobikibuk, Allah arye sikti, pia lik tenelirye, lik ulule. Yata teleb winin ning do, sik pia kum winiptinge. Malye winin ninguk, tenebuka wininyake. Na Paulus arye sekeibkine.