Imamat 11:23 - Eipomek

²³ Bukni, pol deice arye lakuka, banmakirye, tuba tonap tuku yanibuka yan dumbarye arye balul ning, weik arye lompat kum kipnirye, tuku deice bunmakirye bunyak ning, ayala-yala nirya ara, dobuka kum dinamlume. Anggun Israel nang arye, ‘Ayala ning ara, pia meme,’ tenebuka unamlume.

Imamat 11:23 ပူးပေါင်းရင်းမြစ်များ

Imamat 11:20

Tonda, mitik kam unyak ning bukni, pol deice arye bakcak arye, tupa tonap tukwak mutuku deice, yan dumbarye deice arye balamle ning ara, el si serangga, nyalamak ning, ayala-yala nirya ara, anggun Israel nang ara, ‘Aning ara, nun pia like, aning ara, meme,’ tenebuka, unamlume. Allah na kanye ara, ‘Aning ara, malye ninguk ulula ati, anggun Israel nang arye, aning pia kum dinamlume,’ nyapsine.

Imamat 11:22

Ayala ning ara, winipmanto ning ara, sul kwising ap, buko ap, tonda mirin kwising ap, kwarya ap, tonda ato ning buk, yuk ning nirya ap ara, obuka dina telebe uka, nyapsine.

Imamat 11:24

Aning laka nyapmasin ning yala-yala nirya ara, dina meme. Tonda, sik nong babye pina ap, talina ap babye meme. Allah el kanye ara, ‘Aning ara, malye ulula ati, dina meme, akunum laka nyapmasin ning, ayala-yala nirya ara, pia kum dinamlume. Tonda, kum talinamlulume. Ayupu kekena kum arye, talye luparabuka dipmunyopura, tonda bol pipmunyopura, Allah arye, anggunti, ‘Anang ara, na dam kum yatinge. Akunum malye kipdeipdanmaka ati, sikda malye nang atouk unyake,’ tenenamsila ati nyapsine. Tonda, alaka nyapmasin ning dipmalye ning eipmunyakarye, talemunyeura, adeice arye, malye kipdeipdanalume. Ara, narye anggunti, ‘Sikda, malye unyak nang atonun unyak ati, na dam kum yatinge,’ tenenamsine. Ati, ayala ning nirya ara, bol pina ap, talina ap kume. Tonda, yatanye do nirya, ‘Aning ara, pia malye nin ulula ati, Allah el kanye ara, amalye ning pia kum dinamlume,’ nyapdeiamsuk ning, mangkau eimunyakarye, el nong talepmunyeura, anye birye, akunum malye kipdeipdanmale. Aning talipye talak arye, dipdongobuka, arup noutam nirya ara, anye bira, malye ning atonun unamle. Bukni, keting kumupliba inilamle talak ara, ‘Asum lukunyan akunum yalyeura, tuba tonap teleb uple,’ tenenamne.

Imamat 11:27

Tonda, talye bai tam kam un ning, sik yan dumbarye ubuk bukni, sik yan ara, potong aupmalye ning ara, kam do, mitik kus do, singa kus do, kapang yala-yala nirya do, el yan dumbarye deice arye yanibuka banyak ning yuk-yuk ning nirya ara, Allah el kanye ara, ‘Aning ara, malye ulule,’ tenelul ati, ‘Anggun Israel nang ara, ayala ning nirya obuka, pia kum dinamlume. Ara meme,’ tenebuka unamlume. Tonda, yatanye birye, ato ning el yuk dipmalye ning, bol piplyopura, ton aning nong dobuka taliplyeura, aning nong bolpiplinye bira, adiparyuk, el akunum malye kipdeipdanmale. Aning talipmal talak arye, dipdongobuka, asum noutam nirya ap, keting kumuplyeba, inipnamle talak babye, malye upmale. Ara, el mining nong babye, tuba malyeuk unamle. Bukni, asum lukunyan akunum yalyeura, tupa tonap teleb upnamle.

Imamat 11:41

Yata yala ning do nirya, kam ulirye, mun deice arye tuku deice balyeba, buta palilamle ning yala-yala nirya ara, sik Israel nang pia kum dinamlume. Ara meme nyapsine.

Imamat 22:5

Tonda, tuku deice talye balamle ning, kwatima do, tang do, kuluma do, malye kam ning ton aupmalye buk, imam nang arye, aning bol pibikcopura, sik nong akunum malye kipdeipdanmanyake. Aning atonun, talye awamlye ning do, ninye nong do, narye, “Aning ara, pia kum talinamlulume. Aning ara, bol pina meme, malye kipdeipsilyake,” nyapdeipsise ning nirya ara, sik imam nang arye, pia kum talinamake. Bukni, mangkau arye talibicopura, sik nong deice, akunum malye kipdeipdanamake. Anang ara na dam kum yaganamniake.

Rasul 10:12

Kouluku yanganmok ati, dinmokura, yan dumbarye deice arye balul ning ap, mun arye lilibuka balul ning ap, maka yala im alip tam balul ning ap, anirya acang kain pum bisik aupmokbuk eibuk.