Imamat 11:19 - Eipomek

¹⁹ tonda, Bangau maka yala nirya ap, Kasa maka ara, anggun Israel nang arye, anyapmasin maka ayala-yala nirya, obuka kum dinamlume. Aning ara, meme nyapsine.

Imamat 11:19 ပူးပေါင်းရင်းမြစ်များ

Ayub 39:13

Tonda, dika maka kanye deibuka, merekeiplirye potong erebuka, taram erepdeibuka kwalilule. Bukni, el pol ara, bumang uka. Dika maka, el pol potong cang ning ara, weik teleb ulula anya arye, el amaka ara, lang-lang abuka balule. Dika maka ara, im noutamak kum binmanto ulule.

Mazmur 104:17

Ayo dupak, mitik maka ayala-yala nirya, sik aik donyake. Tonda, cang yan ap, kurun pol ap ulul maka, el si ara, ranggung maka, weik cang yo dupak, sik aik donyake.

Yesaya 2:20

Tonda, asum akunum winiplyopura, ninye nirya ara, sikce talilamik dekna weik kat ning, perak ap, emas ap, dopromikce, ‘Isa si erepnamapʼ tenen, aning deice arye, ninye urasin atonun kibuka, memepdeiamik ning, isa si erena ati, talye ning nirya ara, adiparyuk batakuka bindopnamake. Winipnamaka ara, sik anang ulamicak ara, yamba maka ap, bai tam balamle ayam mana ap ulyakuk, isa si erena ati, memebuka delinyak patung ara, batakuka bindopnamake.

Imamat 11:18

tonda, Undan maka tonda, lun ning dilye maka, el si Ering maka, el si ton burung Nasar maka ap,

Imamat 11:20

Tonda, mitik kam unyak ning bukni, pol deice arye bakcak arye, tupa tonap tukwak mutuku deice, yan dumbarye deice arye balamle ning ara, el si serangga, nyalamak ning, ayala-yala nirya ara, anggun Israel nang ara, ‘Aning ara, nun pia like, aning ara, meme,’ tenebuka, unamlume. Allah na kanye ara, ‘Aning ara, malye ninguk ulula ati, anggun Israel nang arye, aning pia kum dinamlume,’ nyapsine.

Zakaria 5:9

Winibukopura, na asing erebukapsirye, im noutam bukni, deice tam dinmaseba, kilapu bitinye ton lakdakuka, na damuk yanganmarikba, eipse. Lakdakuka yanganmarika ara, sik maka pol, pia urasin teleb atouk uamuk ning ara, kumanya arye donmok deice arye yanganmarik. Winipmanto ara, nong pia cang weik maka, el si ara Bangau maka, pol cang atonun ulul ning ara, sik pol ton, atonunuk uamuk. Sik akilapu bitinye arye, akeranjang aling ara, lak dakuka boprikopura, sikce adiparyuk lakuka bobirik. Lakuka boprikopura, tukwak mutuku amu tam, im deice mutuku pia eitam uamuk sukum, lakuka boprik.