Imamat 1:6 - Eipomek

⁶ Akam ning bobuka yalinye bira, el bidamnye aryuk oplirye, abasam bol kopra deiplyopura, asapi basam el nong ara, sekuka, yuk-yuk kalebuka, kintinipnamlule.

Imamat 1:6 ပူးပေါင်းရင်းမြစ်များ

Kejadian 3:21

Atalak ara, Allah el si Yahweh arye, awamuk kam ning obuka bola koplobukce, abola arye baju wibukce, Adam ap, Hawa ap ati arebukba, sik ongoprik.

1 Raja-Raja 18:33

Pala keil lelebuka yangeibukak ara, yo deibuka, sapi basam yim ton obuka sekukce, kalibuka ayo deice deibuk. Winibukopura, “Sikce weik mek makau dumbarye dobuka, mek kwebuka boyamunce, auku seknunak ap, asapi libuka deipmanak ap, aning kintinipmanyak nirya yanuka mek diklulume,” nyabuk. Nyabukura, el nyapmok touk, winibik.

Yehezkiel 40:43

Tonda, anyaik pum tam ara, abilinga taram nirya antanap dongobuka kat tace ning, el urup ara bitinye kibuka kintinip deiamika deice ara, domba basam opnarye, tup dobuka lalkwetelamik. Atace ning el cang ara, taruk tatang el pala ulamle touk, kiklibuka dolamik. Atace ning, el panjang cang ara, 8 sentimeter kiamuk. Tonda ameja nirya eitam ara, Allah el si erena ap, morona ap ati, Allah ati arelamik kam ning opnarye, aning nong dobuka, tia talak ati, ameja deice delilamik.

Imamat 1:7

Winiplyopura, akam ning opmace ning uku dongona ati, apil dona deiyok nang, Harun birye deiamuk nang, sik Imam-imam nang arye, ‘Allah arena ati, kam ning obuka, uku dongonamakʼ tenen, keil pala taplakuka yangabuka, kintinip deibik sukumuk binuka, adiparyuk, yo lelebuka deibikirye, aning ara, uku sekenamake.

Imamat 2:6

Allah ati arepnamamunye roti kwaning ara, roti deiyok ning, tepung teleb ning dobuka, adiparyuk noutam arye tobuka deipmunce, atobuka deipmamumnya noutam ara, minyak zaitun mek arye dikdongobuka delinamlume.

Imamat 7:8

Tonda, aobuka boyalum ining ning, mesba deice uku dongolamak ning ara, akam ning, el bola nirya babye, Allah el si eren aik pum tam pil dona deiyoknye, Allah ati arenmalye imamnye, elcuk akam ning bola kouplobuka dopropnamle. Ara, kam ning arebikiba, aning dobuka, uku dongopnamle imamnye, elcuk abola dopropnamle. Aning ara, el ning uka atia.