Ibrani 3:5 - Eipomek

⁵ Minop talak Musa arye, Allah el mapu nirya melina ati, batakna kum arye, teleb ubuka pil dolamukce, aminyan talak Allah arye nyamuk ning ati, Musa arye ton nyalamuk. Winibuka Allah el amu tam ulamukce, el piluk dolamuka anya arye, Musa ara, Allah el pil melinanye, pia teleb ulamuk.

Ibrani 3:5 ပူးပေါင်းရင်းမြစ်များ

Nehemia 9:14

Tonda, ance, “Tek barye sum ara, na Sabat sum, weik sum ati, asum noutam ara, pil nirya dona kumce, telebuk unamlulume. Teleb koprop uk unamlume. Tonda, “Aning ara wininamlume, aning ara kum wininamlume,” nyabuka, an pil donanye Musa deice nyapdeiamlumba, Musa birye sekeiamsukce, laka nyamsuke.

Mazmur 105:26

Winilamikba, Allah Yahweh, el melinanye Musa ap, el du Harun ap, Allah elce wipdeiamukce, ‘Israel ninye melinamdak’ tenen, dopdeibukba, sikda Mesir mutuku birik.

Keluaran 14:31

Ati ara, Allah el si Yahweh arye, el mikip weik deice arye Mesir ninye opmok ning ara, Israel ninye arye eibik. Eibika deice arye, ‘Se, dipkoprob Allah elda mikip weiknye’ tenen, kel bikikce, Yahweh ati ilil weik ubuk. Ilil weik ubukba, Allah el si Yahweh ap, Allah el pil dona deiyoknye Musa ap ati, diba tenebikce si erebik.

Keluaran 40:16

Allah Yahweh arye, Musa biti, “Apil nirya ara, winibuka-winibuka dopnalame,” nyamuk ning nirya ara, Musa bira ayupu nyabuk touk ubuka, apil nirya dobuk.

Bilangan 12:7

Bukni, na amu tam pil donanye Musa ulul atonun, yuk nang ton kum unyake. Ara, na amu tam ubuka, na pil donilinye Musa ara, na nyanye yupu nirya, teleb-teleb ubuka pil donulule. ‘Winipnulyam,’ nyanye ning nirya, tonok babye ton kum batakalule. Na mapu Israel ninye, sik unyakak noutamak ara, ‘Musa el tonoknye birye, na mapu nirya, sik kalikna deiyoknye unamle’ tenen, akunum wipdeipse. Na tenen ninye pia moubuka talilul deiyoknye ulule.

Matius 24:45

Weik kel arye pil batakna kum diparyuk, teleb pil melin nang ulamaka atonun, yata nang ton, anang atonun wininamak do? Aik deiyoknye tonok arye, yuk mutuku binuyuk talak ara, el pil donanye tonok ati, “Pil winibuka donamlyame. Na pil melin nang nirya ati, sik din patalye talak ara, bokuka arenamlyame,” nyabuka bokeibuk.

Matius 25:21

Nyabukopura, el deiyoknye birye tamubuka nyabuk. “Telebe, anda pil pia batakna kumce, teleb ubuka dolamnulume. Na mitik anunuk areamkisibuk, pil batakna kumce, teleb ubuka pil dolamnuluma ati, wini talak na talyamse ning weik arye arepnukine. Na ap, an ap, kanye deipdanimirye, teleb ubuka neika unamname,” nyabuk.

Lukas 12:42

Asipdeyukura, Yesus arye tamubuka nyabuk. Aik deiyoknye tonok arye, yuk mutuku binuyuk talak ara, el pil donanye tonok ati, ‘Pil winibuka donamlume. Na pil milina nang nirya ati, sik din pataplye talak ara, bokuka arenamlume,’ nyabuka bokdeibuk.

Lukas 24:27

Nyabukopura, Musa ap, Allah yupu laka nyalamik nang, Nabi-Nabi nang ap arye el Yesus ati sekamik yupu ara, ayupu arye deiyok koubuka, Allah yupu noutam ulye yupu nirya arye el Yesus ati seklamik yupu dobuka, Yesus arye abitinye nang ati, laka nyapnin banmok.

Lukas 24:44

Yesus amekin bal dibukopura, ayupu nyabuk. “Na ap, anggun neika ulamuburye, nyalamsise yupu ara, tonap nyapnusine. Yata yupu do nirya, Musa sekamuk yupu ap, Allah yupu laka nyalamik nang, nabi-nabi sekamik yupu ap, Mazmur noutamak sekamik yupu ara, nati sekeiyamnik touk dipkoprop upnamle,” nyabuk.

Yohanes 5:39

Allah arye nyapdeiamukba, seklamik yupu buku nirya ara, anggunce, ‘Kume, ayupu kel bikibirye, moubuka talibibya deice arye, pia kam una deiyok ning dopropnamabe’ tenen, ayupu nirya weik arye, moubuka kel kilulume. Bukni, ayupu seklamik nirya ara, dipkoprop nati lak nyanulul ning ara, moubuka dib kum tenelulume.

Rasul 28:23

Nyabikura, sik ap Paulus ap arye, “Ara asum arye bulubibyopura, yupu talipnamabe,” nyabik. Nyabik touk, asum akunum ubukopura, dana-dana tam nirya arye, Paulus unmok aik damak ninye weik bulubuka yanmek. Yayikopura, beren tam arye ubuka keting dukduk noutam ap, anoutam nirya peterenmoka ani, inibuk. Paulus arye peterenmok yupu ara, ani. Tonok ning ara, Allah arye ninye lyeplirye, sik kanye talima talipnamle yupu peterenmok. Tonda Musa arye sekamuk yupu noutamak ap, tonda Allah el yupu lak nyalamik nang nabi-nabi nang arye sekamik yupu ap, doprobukce, ‘Anggun kel kiplulume. Yesus ara, dipkoprop Ninye Lyena Deiyoknye ulule,’ nyabuka peterebuk. Ara, ‘Awekmek nang dib tenepnamak’ tenen, peterebuk.

Rasul 7:37

Anyapmasin Musa ara, elcuk Israel ninye ati ayupu ton nyabuk. ‘Nara, Allah el yupu laka nyananye nabinye ulamse touk, Allah el yupu laka nyanamsilnye, anggun yala nang kan-kan arye anggunti arepdeipnamsile,’ Musa arye nyabuk. (Ulangan 18:15)

Roma 3:21

Ura, nun bidamang aryuk diksukum kum winipdeipdatibye bukni, Allah arye minop talak kum laka nyalamsuk ning wini talak akunum lakak upsile. Allah arye ninye nirya ati, nun malye winilamibye ning kilipsilirye, diksukum kibuka deipsilye ning ara, Musa sekamuk mem yupu talibuka dobolbanyaba deice arye kum ulule. Deiyok ara pia yuke. Diksukum kilisululnye, Allah arye Musa biti nyapdeibukba, laka nyasilye yupu ap, Allah el yupu laka nyalamik nang, nabi-nabi ap arye, ayupu ati laka nyalamik bukni, moubuka kum tenelamubu.

1 Korintus 4:2

Ara, ‘Weik mambul ning talibuka, deiyok nang unamak’ tenen, pil dona deiyok ning arinmakibuk, apil deiyok nang arye, weik mambul kanye bobuka wininamak ning ara, nyapnusine. Ara, malye winina ap, pil batakana ap kum aryuk, pia dib tenepmanto ninyeuk unamake. Sikce, ‘Wininamap,’ nyanamak touk, aning batakana kumce, dipkoprop wininamake. Sik pil don talak nirya ara, weik mambul kanye bobuka unamaka ara, na Paulus arye, akunum nyapmasine.

Ulangan 3:24

“Diba na ni Allah Yahweh, anda aning-aning nirya erebuka, deice tam Weik Erenanye ulyame. Ance mikip weik arye winilyam ning ara, na an amu tam pil donanye birye, akunum elinirye bikinun bukni, weik tonun tonap bikmanto ning tuba aupmal buk, nara, mitik anunuk akunum bikamse. Anda, ninye kum winipmanto ning, minop talak arye deiyok koubuka winilamlum ning ap, tonda anoutam arye kanye imun weik ning winiminye ning nirya ara, ancuk winilyame. Yuk mikip weik ning, allah-allah nirya ap, isa ap, mikip ulye ning ap nirya ara, im deice do, tukwak mutuku do nirya, an uminya atonun ton, pia kum unyake. Ancuk weik mambul pil nirya dolyame.

Ulangan 34:5

Allah arye, min yuma talak nyapdeiamuk touk, Allah el si Yahweh, el pil donanye Musa, Moab tam noutamakuk dibuk.

1 Timotius 1:12

Nun Deiyoknye Yesus Kristus arye nati, ‘Na pil melinanye ulirye, batakna kum arye, pia sirya dakdongobuka, na pil donamnile,’ tenepnukak arye, wibuka deipnuke. Utenyamnuk ati, wipdeipnuk akarye, el mikip areamnuk ati ara, elti, “Naie, anda pia telebe,” nyanune.

Ibrani 1:1

Minop talak ara, Allah arye nun apu yapu nang ati, yupu nyalamuk ning ara, elce nyalamukba, el yupu laka nyalamik nang, sik nabi-nabi nang kekelamikce, nun apu yapu nang ati, laka nyalamik. Allah arye, el yupu laka nyalamik nang deice laka nyabuka nyalamsuk ning ara, like yupa weik ap, pil yala yupa weik ap dolamuka deice arye, laka nyalamsuke.

Ibrani 3:2

Allah arye Musa ati, wipdeibukba, Musa arye Allah el ‘Na’ tenen ninye, Israel ninye sik melina ati, pil batakna kumce, apil nirya teleb ubuka pil dolamuk. Ara, Allah arye Musa ati, ‘Apil donamnile,’ tenyamuk touk, pil dolamuk. Aning atonun, Allah arye Yesus ati, ‘Apil donamnile,’ tenyamuk touk, Yesus babye pia teleb ubuka pil dolamuk. Ara, tonok ning babye batakna kum arye, elti, wipdeibuknye Allah arye, tenyamuk touk pil teleb ubuka dolamuk.

Ibrani 3:4

Aning ara, talye ati kum nyapsine. Deiyok ani. Ara, yata aik do nirya, aik don nang arye donyake. Bukni, aning-aning nirya ara, Allah el pil dobuka deice arye, aning-aning nirya kwepdeibuk.

Ibrani 8:5

Allah ati arilbanyak deiyok nang, sik pil donyak aik, pia teleb aik noutamak ara, im deice mitik atonun ulul bukni, sik tukwak ning ara, talye winipmanto ninguk, keting kukia atonun ulule. Dipkoprop ning ara, im deice ning uka. Aning ati ara, Musa arye Allah el si erena ap, el arena ap ati, cang kain atonun ning arye, dolin aik tia tenda aik dopnuyuk talak ara, Allah arye Musa ati, ayupu nyabuk. ‘Sinai mutuku dup weleplumba, narye, “Anyaik urasin ara winibuka, winibuka dopnamlyame,” nyamkise touk, kanye moupmince moubuka dopnulyame, nyabuk.’ (Keluaran 25:40)

Ibrani 9:24

Im deice ning arena ara, pia teleb ning uka nyapmasina ara, deiyok ani. Kristus weklamuk aik, pia noutamak aik ara, ninye taruk deice arye domik aik kume. Ninye arye, ‘Dipkoprop ning kum bukni, winipmanto ning dopnamap’ tenen, ninye taruk talibuka domik aik, kukia atonun ning ara, kum wekuk. Aning kum bukni, Kristus ara, im deiceuk wekelbiyukce, wini talak ara, ‘Allah arye tukwak mutuku unyak ninye melinamle’ tenen, nun melina ati, Allah el un dam binuka ulirye, Allah ati morosulule.

Yosua 1:15

Anggun kwit capu ati, melilamunyebuk, Allah arye anang ati melipliba, sikce sik dopropnamaka mutuku, akunum bisibuka doprobicopura, anggun ni Allah, el si Yahweh arye, anggun kayapu ati, dikdik sen talak areplyopura, atalak aryuk, anggun mutuku tamubuka binamlume. Ara, Musa birye, areamsuk mutuku, Yordan mek koubuka, otam keting yangan tam tamubuka binamlume. Anggun ni Allah, el si Yahweh arye, anggun bidamnye ati, dikdik sena talak areamsuk touk, anggun kwit capu nang ati, arepnamle. Akunum areplyopura, anggun mutuku tamubuka bana telebe.” Yosua birye, sik ayala winilye nang ati, nyabuk.

Yosua 1:2

“Na amu tam pil dolamnuknye, Musa akunum dipmala anya arye, adipmala ati ara, an ap, na mapu Israel ninye nirya ara, atalak ara kintinibuka, Yordan mek koubuka, otam mutuku bana ati, dinmamunce, anggunti nyamse mutuku arepnamsina ati, weknalume.

Yosua 1:7

Ati ara, an adiparyuk dib tenebuka, ilil una pia kum diparyuk, mikip arye unamlyame. An adiparyuk, dib tenebuka kalikdaminye deice arye, na yupu moubuka talinamlyame. Ara, na pil donanye, Musa birye arepkuk yupu, narye, ‘Wininamlume, aning ara, kum wininamlume,’ nyapdeipse yupu, moubuka dobolbanamlulume. ‘Yuk bisik binuyap’ tenen, ayupu batakuka, kwanim tam bisik babye, diksukum bisik babye, kum binamlulume. Tonok babye, ton kum batakminyopura, an ap, sik Israel ninye ap, banamlumak nirya ara, telebuk unamlume. Na yupu batakmunyopura, kume, pia ikinuk unamlume.

Yosua 8:31

Amemepdeibuk mesba ara, Allah Yahweh arye, el pil melibuka dolamuknye, Musa biti, “Winipnamlyame, Winipnamlyame,” nyapdeibukba, Musa arye sekeiamuk yupu noutam nyapdeiamuk touk, yinibuka dobuk. Tonda, Allah Yahweh arye, Musa biti nyapdeibukba, Musa birye, sik Israel ninye ati, “Winibuka dopnamlulume,” nyamuk touk, Yosua birye winibuk. Allah arye nyapdeiamuk. “Na si erena ap, na kina ap ati, amesba tonok dopnamnilam ning ara, pala keil arye taplak deipnikirye, kintipnamniyake. Tonda, kat ning si besi arye, akeil deice ton kum potoknamlyame. Kat ning besi arye deibuka, pil kum dolamak keiluk taplakuka dopnamlume,” nyapdeiamuk. Amesba deice ara, sik Israel ninye arye, Allah Yahweh si erena ati, kintinip deiamik mesba deice, kam ning obuka, uku dapnarye, el si erelamik. Tonda, yuk kam ning ap opnarye, yuk teleb ning ap, boyanopura uku dapnarye, ‘Nun ninye ap, Allah Yahweh ap, elana ati, teleb kibuka neika unamapʼ tenen, arelyangalamik. Aning boyanarye, uku dongobuka, Allah Yahweh el si erelamik.

Yosua 8:33

Yosua birye, ayupu sekdeibuk talak ara, Israel nang nirya ap, yuk mutuku ninye bukni, Israel nang ap, ansinibuka neika ulamik ninye ap, Israel ninye, sik deiyok-deiyok nang ap, sik yin talen nang, sik deiyok nang ap, yupu bokolina deiyok nang ap, wenena aik talibuka, pil dolamik nang, sik deiyok nang ap, bulubukabikce, mening dam tikik. Ara, Allah Yahweh arye nyapdeiamuk mem yupu, sekdeiamik marikna yo dobuka, deyamikak dana-dana tam tikik. Aninye noutam buk bokuka, atouk yuk-yuk dipdobikce, ayo marikna amu tam asukum binuka tikmikce, urasin tamubuka, sik Lewi yala nang, imam-imam nang ara, Yahweh arye nyapdeiamuk mem yupu sekuka, bopmekce, marikna yo dam tikmek. Lewi yala nang arye, Israel nang sik bisik balamik tam ara, Allah arye nyapdeiamuk yupu dobuka deiamik marikna yo, bobuka bisik balamik nanguk ulamik. Aning sik urasin tam ara, Israel nang tikik. Tonda, ton tam Israel nang ap, sik Lewi nang ap, sik urasin ara, Gerisim mutuku tamuk dinmik. Ton tam nang ara, Lewi yala nang ap ara, Ebal mutuku tamuk, sik urasin ara, deipmikce dinmik. Ara, talye ati kume. Aning ara, Musa bira, Allah Yahweh el pil melibuka dolamuknye birye, akunum nyapdeiamuk touk, sikce winibik. Winibuka atikmik deiyok ara, sik Lewi yala nang arye, Israel yala nang nirya teleb una ati ara, ‘Teleb yupu nyapdeipnamakʼ tenen, asukumuk tikik. Ara, sik Lewi nang ara, ‘Allah arye, sik Israel yala nang nirya ati, teleb un ninguk winipdeipnamsilʼ tenen, ‘Moronyabe, nyapnamakʼ tenen, nyapdeiamuk.

Wahyu 15:3

Asukum tikmek talak ara, Allah el amu tam bukuka pil dolamuknye Musa birye sekuka nyalamuk motuk senmek. Amot ara, Musa birye, Domba Mi Atonunye biti tenelamukce, amot sekuka deibukce nyalamuk. Aning atonun sik alaut mekwen damak atikmek ninye arye, Musa sekamuk mot senmekba, kekepse. Amot deice nyanmek yupu ara, ani. Nun ni Allah, anda aning-aning nirya malye kibuka, aning nirya deice tam umince, weik mikipnye, ulyame. Yuk mikip ulul ning nirya ara, mikip mitikuk ulul bukni, anda nun Weik Deiyoknye ulyame. Weik mambul pil dolyam ning ara, ninye winipmanto kum ning, sirya dakna pil dolamluma nirya ara, ‘Aning ara diksukum ulule,’ tenenyabe. Ance uminye ning ap, dib nyaminye yupu ap nirya ara, ‘Pia telebuk ulule,’ tenenyabe. Ance diksukum ubuka winiminye ning ap, dipkoprop nyalyam yupu ap nirya ara, pia telebuk ulule. Minop talak babye, anoutamak talak babye, aminyan yanamle talak babye nirya ara, aulul ning nirya ap, ninye ayala-ayala nirya ap weik deiyok talilulnye bira, an tonok uminya ati ara, anda weik Ninye Deiyoknye, Raja ulyame.