Ibrani 12:5 - Eipomek

⁵ Tonda, Allah arye anggunti, ‘Na mapu, sik talima kwa dinamne’ tenen, nyapdeiyamsuk yupu ara, akunum luba kiplum do? Allah yupu noutamak aupsuk yupu ara, asukum deipsine. Na mapu, Allah asilesilirye, wenebuka peteresulula ara, ‘Dawaplye’ tenena kume. Allah arye, “Winina meme,” nyabuka wenepsilyopura, ‘Se’ tenen, talima bouku sukuna meme.’

Ibrani 12:5 ပူးပေါင်းရင်းမြစ်များ

Ayub 34:31

Ayubo, an malye winilyam ning ara, Allah dam ati, “Na malye winipse ning ara, akunum wenepnuluma ati, nara tonap malye kum wininamne,” nyabuka, nyalin yupu deice arye akunum nyaplum do?

Mazmur 118:18

Allah el si Yahweh arye, na malye winilamse ning nirya wenena ati, weik ikin ning, na nong deice deiamnukba, kanye imun ulamnuk. Bukni, Allah arye nati, ‘Elda dipturye, ninye dibikirye, banyak sukumuk bitue,’ kum tenelamnuke. Melipnukba, el mikip deice arye, tuba kam unune.

Mazmur 119:109

Tuba-tuba, yu nang ap, ikin ning ap arye, na nong opmanto wininulule. Opmanto unulul bukni, Allah ance, “Aning ara, wininalulume. Aning ara, pia kum wininamlulume. Teleb winina ara, ani,” nyapdeiamsulum yupu nirya ara, narye pia kum luba kinune.

Mazmur 119:16

Ance, ‘Winibuka unamake’ tenen ati, nyapdeiamsulum yupu nirya ara, aning atonun wininyopura, na kanye delinamne. Winibuka unamna anya arye, ance, “Aning wininamlyame. Teleb winina ara, ani,” nyalisilyam yupu ara, pia kum batakanamne.

Mazmur 119:67

Tonda, minop talak ara, talye kanye bobuka, malye winin ning talibuka, malye upra balamse bukni, aminyan talak ara, ance na malye winilamse ning ati, wenepnulumba, ikin ulamse. Bukni, wini talak ara, ance nyapdeiamsulum yupu nirya ara, kum batakanamne. Pia atibuk talibuka wininamne.

Mazmur 119:75

Diba, na ni Allah Yahweh ance, “Aning ara, wininalulume. Aning ara, pia kum wininamlulume,” nyapdeiamsulum mem yupu nirya ara, pia diksukum yupu uk ulule. Aning ara, akunum bikamse. Tonda, ance nati, ‘Na mi ulula anya arye, malye winilamuk bukni, pia kum bataknamna anya arye, teleb ubuka wininamle,’ tenelamnulumce, bico teneluluma deice arye, na wenena ati, ikin ning, na nong deice delilamnulume. Aning babye, na bikinune.

Mazmur 119:83

Winipmanto ara, aling deiplomikiba, dauamlya ani, akunum lyupliba, ninye eibikirye, “Anya aling ara, dauplye, pia malye winibukba, akunum lyubuka anya arye, batakabe,” nyalamak touk, na babye atonun unune. Ara, ikin weik ulamnukba, na nong bol nirya ara, lyulsaklamnukba, kum winipmanto unune. Winibuka unmanil bukni, ance, “Winibuka unamlume. Teleb winina ara ani,” nyapdeiamsulum yupu ara, pia kum luba kipnamne. Na kanye talima noutamak, tuba aunamnile.

Mazmur 94:12

Bukni, nun ni Allah arye, yata nang ati do nirya, sikce malye wininyak ning ati, “Anda, aning bataknulyame. Aning ara, meme!” nyabuka, wenelule. Allah arye wenelul nang ara, akunum kekebikcopura, kanye deibuka, telebuk unamake. Tonda, ance, “Aning wininamlume, aning ara, pia kum wininamlume,” nyapdeiamsulum yupu deice peteresilyam nang nirya ara, kanye deibuka telebuk unamabe.

Amsal 3:1

Se, na mapu, narye anggunti peterelamsise ning ara, luba kina meme. Narye, “Aning ara wininamlulume, aning ara kum wininamlulume,” nyapdeiamse ning nirya ara, anggun kanye talima noutam deipmunce, pia tuba tenebuka unamlume.

Amsal 4:5

Winibuka uminye talak ara, an pia weik kel bikna deiyok ning dopropnalam talak ap, ‘Aning telebe, aning malye’ tenen, moubuka tenena deiyok ning ara, moubuka dopropnalam talak ara, ‘Na ni el yupu deice arye wenena yupu nyalamnuk ning ara, ani,’ tenenamlyame. Tonda, ance, ‘Ayupu ara talye yupu’ tenen, doldonokna pia meme.

Yeremia 31:18

Nyabukce, ayupu ton dukdongobuka nyabuk. Na mapu Israel ninye, sik kanye imun upliba, moronyak ning ara kekenune. Ara, nyanyake. “Se, nun ni Allah, nun malye ulamupuba, ance nun wenena ati, ikin ning weik arelamsulumba, awenen ning nirya dololamupu. Winipmanto ara, nunda ninye arye delina kum ning, bai tam talye kam ulamak ning atonun ulamupu. Bukni, winira ance, ‘Diksukum winin ninguk winilamting’ tenen, peteresilyame. Adeice, ‘Nun malye wininyap ning batakuka, an damuk tamubuka yanamap’ tenen, kintininyabe. Ati ara, nun ni koproba Allah, anda Yahweh, ancuk nun dobuka, an dam boyasilyame,” nyabuka morobik.

Ratapan 3:39

Nun tukwak mutuku nang nirya arye, malye winin ning winibibyeura, Allah arye menenga ning arepsilyeba, ikin weik upsilyeura, yata deiyok ati, nun ninye arye, “Aning ara, kum winipsutue, aning ara malye kum uptue,” nyanyap do? Kume, nun tukwak mutuku ubirye, isin kam tuba ulamap nang nirya ara, “Se, ara yata deiyok ati wenesulul do?” nyabuka, malye kum nyaptibye. Allah elcuk, nun malye un ning winilamebyeba, elce, ‘Wenepnun,’ tenepsilyopura, adiparyuk wenesulule. Nunce yupu ton kum sektibye.

Lukas 24:6

El asukum kum unmale. El akunum kam bukmale. Anggun Yesus ap, Galilea mutuku noutamak neika ulalum talak nyalilamsuk yupu ara, moubuka tuba bikilulum do kum do? Bita moubuka tenipdelulume. Yesus arye nyapsuk yupu ara ani.

Lukas 24:8

Nyaprikopura, akilapu arye, ‘Yesus nyamuk yupu ara, anye’ tenen, tamubuka tenebik.

1 Korintus 11:32

Yesus arye, “Anggun malye ning ani,” nyabuka yupu lipsisikuka bokeipsilirye, nun nong deice ikin ning delisilya ara, ‘Na mapu ati, wini talak yupu bokipnirye, wenepyopura, aminyan talak ara, Allah arye, talyeukirye dib kum tenenyak ninye nirya ati, yupu lipsisikuka bokuka weneplirye, oplopnamle talak ara, na mapu ap tabakuka, Allah arye, kum oplopnamle’ tenen, wini talak Yesus nimalye arye, wenesulule.

Galatia 6:9

Nun nirya arye, ‘Kume, diksukum una ap, yuk ninye ati teleb kibuka melilana ap ara, nun like’ tenen, kum batakanamabe. Teleb una ara kum batakanamabe. Teleb una ara, walwal upsilyeba, ‘Nun like’ tenen, kum batakibirye, pia telebuk winibibyopura, aminyan talak ara, Allah el tenyamlye talak akunum uplyopura, aning nirya nong upnamla ati, kum batakanamabe. Allah arye kitinamsukce arenamsil ning aminyan talak ara, dopropnamabe.

1 Timotius 1:20

Amalye wininyak nang atonun, urikce nang bitinye, sik si ara, Aleksander ap, Himeneus ap, winirudake. ‘Isa Mutuku Dongonye birye anang ati, malye kilibuk, weik kanye imun kanye bonamrak’ tenen, narye anang ara, Isa Mutuku Dongonye biti akunum arepse. ‘Allah elda talinye’ tenen, ‘Yesus ati malye yupu nyana ara, pia malye winin ning ulule,’ tenebuka, ‘Kel biknamdak’ tenen, narye anang ara, Isa Mutuku Dongonye ati akunum arepse. Na Paulus arye sekeibkine.

Ibrani 12:7

Ura, yatanye birye, el mi kopropa ati, kum wenebuka peterelul do? Kume, nun ni yapu nirya arye, ‘Wininamlulume, aning ara, kum wininamlulume,’ nyabuka, peterena ap, wenena ap usinyake. Ati, kanye imun ning usilye talak nirya, ‘Ara asilena ap, wenebuka peterena ap, ati unmasile,’ tenepmunce, batakna kum, pia pi dobuka, batakna kumce, pia talibuka unamlulume. Ikin usilye talak noutamak ara, Allah arye nunti, ‘Na mapu,’ tenesilirye, melisulule.

Ibrani 13:22

Nun nirya diba tenenyaba ati, na weit yapu atonun ninyo. “Wininamlulume,” nyabuka sekeipmasin yupu ara, mitik tonun dem dopdeipmasina anya arye, ‘Asurat eipmunce, kanye deibuka kekenauk unamlulum’ tenen, moropsine.

Yakobus 1:12

Kanye imun ning uplirye, winilelye talak kum batakalirye, pia palibuka pil dolamlenye bira, kanye deibuka telebuk unamle. Ara winildena talak noutam nirya arye, ikin ning weik ulamlye bukni, elda pia darapdongobuka ulamlyopura, el dekna ning dopropnamle atia. Amenenga ning dopropnamle ara, Allah arye, “Na ti kanye deipnice nang ara, winibuka arepnamsine,” nyapdeibuk touk, pia kam una deiyok ning dopropnamle.

Wahyu 3:19

“Narye bico tenebuka melinun ninye ara, malye winibikcopura, wenepnirye lipsisikuka peterenune. Ati, talye kanye bobuka, ‘Dauplye’ tenen, talye nyaltakana kum bukni, dipkoprop anggun malye winilulum ning nirya batakuka urasin tamupmunce, diksukum bisikuk banamlulume.